حسبى الله ونعم الوكيل ,, اخدت مخالفه عشان بغير كاوتش العربيه
السلام عليكم ورحمة الله وبركاتة
واقف عند بتاع كاوتش عشان اطلح الكاوتش البايظ فى شارع فيصل واقف صف تانى عشان مفيش اى مكان اقف فيه وعاوز اعمل الكاوتش
وواقف محضن جدا على العربيه الى جمبى والشارع كان فاضى وفيه مكان واسع " يعنى مش موقف الشارع "
بالضبط 5 دقايق الى الراجل اخدهم فى الكاوتش وانا واقف مع الراجل جوه المحل بشوفه وهو شغال
رايح اركب العربيه الاقى الكاوتش اللامامى متكلبش!
امتى وازى الله اعلم
مفيش ثوانى ولاقيت نقيب ماسك الدفتر وبيقلى هتدفع ولا نسحب الرخص
طبعا انا مصدوم ! لان انا مش واقف اشترى لب يعنى
دا انا قدام بتاع الكاوتش والراجل بيعمل الفرده قدامه
فبقوله كدا راح رادد رد صدمنى اكتر واكتر ,,
قالى انا مكنتش هكلبشك بس الراجل بتاع التاكسى الى كان واقف وراك كان متكلبش و قالى مش همشى الا لما تكلبش العربيه دى كمان دى واقفه بقالها ساعتين !
طبعا انا مكنتش عارف اقله ايه ,, يعنى هو بتاع التاكسى الى هيعرفه شغله ,, وكنت عاوز اقله كلمه مش كويسة بصراحه
بس طبعا دفعت وراح فاكك الكلابش وفضلت ادعى على بتاع التاكسى دا عشان اتأذيت بسببة مع ان الحمد لله الفلوس الى اتدفعت مش هى الى هتفلسنى ,, بس عشان سعى فى أذيتى من غير ما اعمله حاجة
عمار يا مصر