بيع سيارة هيونداى نيو اكسنت 2010

**heebakry** · 20-11-2012 09:33 PM

هيونداى
نيو اكسنت
2010
كاملة اتوماتيك
45000ك م
صيانة كل 5000 بالتوكيل
تامين حتى امس- اللون اسود - مرور العجوزة-
نادرة - اول يد -رخصة سنة
شمع كل شهر- بطارية جديدة - كاوتش ممتاز - استبن لم يستعمل
78000 جنيه - heebakry@hotmail.com
..............

**hossam_elwani** · 20-11-2012 09:58 PM

ياريت صور

**heebakry** · 20-11-2012 10:06 PM

حاضر ياحسام بيه
وعلى كل حال هى تمام التمام وكان عندى فرصة لو فيه حاجة اغيرها فى التامين - لكن للامانة عندى خبطة بطوبة 2سم بالكبوت مارضتشى ارضها او اغير الكبوت عشان العين بس وعلى فكرة انا باابيع عشان اصغرها بحاجة فى حدود 30000 جم

**د.اشرف هنداوى** · 20-11-2012 11:29 PM

مكان المعاينة فين ؟ و امتي ؟

و فعلا يا ريت صور

**heebakry** · 21-11-2012 12:04 AM

مكان المعاينة بالعباسية - وحاضر حانزل صور - ويالمناسبة انا بابيع عشان عايز عربية صغيرة (رخيصة عشان اخوكم مزنوق) وممكن نتقابل فى اى مكان عشان خاطر الحبايب والاعضاء القدامى المحترمين اللى عايزين يركبوا عربية مضمونة - التجار مع كامل احترامى واللى حيفاصل بالالف - اشكرهم مقدما على عدم الاتصال

**د.اشرف هنداوى** · 21-11-2012 12:16 AM

يعني العربية ما فيهاش اي مشاكل غير الخبطة الصغيرة علي الكبوت

انا بسأل علشان انا من كفر الشيخ يعني مشوار بعيد شوية+ حاجيب حد يكشف علي العربية (و حياخد فلوس)

فمش عايز اطخ مشوار و ادفع فلوس ع الفاضي

و بالتوفيق

**heebakry** · 21-11-2012 04:27 AM

تشرف يادكترة واجيلك لحد عندك - تفتكر عربية فى الضمان وفى التامين ممكن يكون فيها ايه - عامة المية تكدب الغطاس وحساب اللى هايشوفها لو فيها حاجة عندى-والله يوفق الجميع انه نعم المستعان

**heebakry** · 22-11-2012 07:58 PM

ممكن حد يقولى ارفع الصور ازاى عشان انا صورتها بالموبايل والموقع مش عايز يحملها - يمكن عشان الحجم او الوزن او امتداد الملف - الصيغة - ياريت حد يوضح لى - بسرعة لو سمحتوا والا حاانزل بيها السوق بكرة