الموضوع: عاوز تطلع رخصة

rabbat5
مفيش حد بيعملها ب 350 جنيه أقل حاجة دلوقتي 500 جنيه إلا إذا كان الشخص اللى هياخد ال 350 معاه واسطه كبيره و هياخد منه جواب يديهولك تسلميه للضابط فى المرور اللى انتى تابعة ليه(ده اللى حصل معايه). لكن عشان ياخد منك ال 350 و يجيبلك الرخصة من غير امتحان أظن انه كاذب.

اولا جزاك الله خيرا انا مش معترضة على المبلغ ادفع اى مبلغ مش مشكلة بس تطلع بس انا معرفش حد والراجل بتاع المدرسة انا بصراحة مضايقة اوى منه لانى كان نفسى اطلع الرخصة من غير وسطة ودخل الامتحان بس الله يسامحة ( مع العلم انى طلبت ادخل الامتحان وقولته مش مهم اسقط بس بردو رفض ).....مع العلم انى بسوق كويس ومشيت وسط العربيات من اول يوم ....والعربية مبطلتش منى طول العشر حصص غير يمكن مرتين بس
============

mimysheckles

طيب ما احنا نحاول نفكر صح

- هل انتى فعلا بتعرفى تسوقى؟
- ايه المشكله انك تدخلى امتحان عادى من غير واسطه؟
- لو فعلا مستواكى ضعيف زى ما المدرسة قالتلك لسه مصممه تطلعى الرخصه وخلاص؟

أعتقد الاحسن انك تتمكنى من السواقه الاول
يعنى ممكن تروحى مدرسه تانيه وياريت تكون تابعه لمروور معين واكيد بعد انتهاء الكورس هتاخدى الرخصه بسهوله جدا (فى تسهيلات جامده للمدرسة التابعة للمرور)

لو انتى بتعرفى تسوقى الى حد ما كويس ادخلى امتحان عادى وان شاء الله هتعدى


بسوق كويس ومشيت وسط العربيات من اول يوم ....والعربية مبطلتش منى طول العشر حصص غير يمكن مرتين بس
ناس كتير قولولى فى المدرسة نفس الموضوع لازم رشوه..
================
SHLD
من رأيي الدفع أسهل الطرق وخلصي نفسك لان المشكلة في إمتحان الكومبيوتر

وانا معاك فى الرأى
================
Islam_galal

في مدارس تعليم قيادة تابعه للمرور
بتاخد حوالي 370 ج و بتاخد 10 وصولات لتعليم القيادة + كارنيه
في أماكن للتدريب ، الوصل = ساعة تدريب (نظريا)
بالاضافة لمرة واحدة تدريبية علي الاشارات (امتحان الكمبيوتر) و يتم التوقيع علي الكارنيه بأنه تم التدريب
بعد كده امتحان القيادة و الاشارات
يتفضل في حدود 50ج للسائق اثناء اختبار القيادة لاتقاء شره و غالبا مايتولي هو القيادة + المصاريف العادية لاستخراج الرخص

أنا أديت نفس الاجراءات مع زوجتي بالاضافة لدروس خاصة لتعليم القيادة (حوالي 150 ج) لانها أرواح ناس
و بصراحة ماقتنعتش بمستواها ، و المفروض انزل معاها لزيادة التدريب و برضه مش حاتسوق الا لو حسيت انها فعلا كويسة
للأسف أي حد مهما كان سواق مش حاينجح الا بالواسطة أو الرشوة
و المدرسة يعني انا حسيت ان الحكومة بتاخد الرشوة بس بشكل رسمي
ممكن اخد كورس تانى مش مشكلة اهو زيادة تأكيد ....بس انا خايفة يحصل موقف المدرسة دى معايا تانى....هبقى رشيت بردو
================
Xpert
الموضوع نقدر مانعتبرهوش لوي دراع .. نقدر نعتبره تحت شعار "فيد و استفيد"
اولا جزاك الله خيرا على الرد بس
حرام عليك
بقى ده مش لوى دراع علنى .....طيب هو مش استفاد انى دخلت كورس عنده بالحلال عاوز اية تانى
لا وكمان خلى اللى بيعلمنى السواقة يجس نبضى ويسددها فى وشى ويقولى مش هتنجحى من غير وسطة او رشوة
قولتلة بصراحة مستحرمة والبركة فى حضرتك هكون معايا فى الامتحان زى ما صاحب المدرسة قالى .....تخيلوا قالى ايه!!!!!!!
قالى ياأنسة ده السنى المتدين بيدفع رشوة .....هى ماشية كده
اقوله ايه ده والنبى

====================

nobody
أعتقد الاحسن انك تتمكنى من السواقه الاول
لأن السواقة في مصر مش سهلة
معاك جدا ....بس انا بسوق كويس كمبتدئة غير كده انا مش من النوع المتهور ...اللى بيمشى يخبط فى خلق الله

==============================
AhmedElsayed
احذروا موضوع الفلوس ده لان دى رشوة
والراشى والمرتشى فى النار
وطبعا محدش يقول ده حقى ومش عارف اخده
لانه لو بيعرف يسوق حيعدى من الاختبار وفى مرور كتير بيبقى الاختبار بيبقى فيه سهل
اتقوا الله فى الموضوع ده علشان كمان ربنا مش حيبارك فى حاجة جاية بالرشوة

عندك حق جدااااااااااااااااااااااا اا.....وربنا ما يجعلنا من اهل النار ....واللهى انا مضايقة جدا من موضوع الرشوة وخايفة منه
بس انا معنديش وسطة من غير فلوس....وصعب انجح لوحدى ....أعمل اية؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟
اللهم اجعل لى مخرج

=======================
Islam_galal

تمام
بس انا باكد لحضرتك ان في وحدات مرور الرشوة أو الواسطة (الجامدة جدا)
إيه الحل
سعادتك متقدرش تطلع رخصة الا في الوحد التابع لها سكنك
ايه الحل

متهيألى الحل ان الناس تراعى ربنا (نفسى اعرف ازى بيحللوا الفلوس دى لنفسهم )
وبذكر نفسى قبل اى حد
والحكومة تراقب الموضوع ده شوية


اللهم اجعل لى من كل ضيق مخرجاً ومن كل هم فرجا

طب سؤال

انا تبع مدرسة مرور وانا بامتحن علشان الرخصة في اي فلوس هادفعها ؟؟!!