-
سؤال بخصوص سير الكتينه
السلام عليكم ورحمة الله وبركاته
انا كنت عايز اغير سير الكاتينه في جين 2 اوتو خارج التوكيل هل في حد ركبه بره وعامل معاه ايه وجابه منين وهل له طريقه معينه في تركيبه او بيركب عادي بدون اللجوء الى الزرجينه وهل حصل معاه حاجه بعت التركيب وشكرا واسف على الاطاله
-
سير الكاتينه بيتباع عند محل المدينه فى شارع دمشق بمصر الجديد فى حدود 120 جنيه على ما اذكر
وانا غيرته عند واحد ميكانيكى معرفه العيله كلها بتتعامل معاه فى الحرفيين لو عاوز نمره تليفونه اديهالك
غيرت ساعتها سير الكاتينه وسير الدينامو (سير الدينامو بــ 80 جنيه ) واديته مصنعيه 100 جنيه بس الصراحه الموضوع صعب مش سهل وبياخد وقت على شان تبقى عامل حسابك مش اقل من 2 -3 ساعه
-
متشكر على الاهتمام ياباشا ممكن رقمه وعنوانه بزبط وهل ياترى حصل حاجه بعد الشر بعديها حسيت بفرق في العربيه مثلا استهلاك بنزين اكثر مثلا
وشكر مره تانيه
-
شوف سير الكاتينه من الحجات المهمه والخطيرة جدا لو اتقطع لقدر اللله فيفضل تعملو فى التوكيل ....مع انى مش من بحب اتعامل مع التوكيل خالص وكل شغلهم عك وفلوس غاليه على الفاضى وانا ليا معاهم زكريات مؤلمه ....بس كلو الا سير الكاتينه لان لو مش اصلى ممكن يتقطع منك فجأة ويعملك مشاكل فى الموتور...فممكن تشترى السير من التوكيل وتركبو بره عند حد يكون موثوق فيه .... اهم حاجه السير يكون اصلى .............
-
على فكره الى بيتباع فى محل المدينه اعتقد انه اصلى مش مضروب وعلى فكره ماليزى
-
يا جماعه معايا جين2 2008 وبتاكل بنزين بطريقه مش طبيعيه بمعنى ان معدلها من 14 الى 15 لتر لكل 100كم وده طبعا معدل كبير جدا ودخلت العربية على الكمبيوتر خارج التوكيل فالمهندس قالى حساس الشكمان ضعيف جدا هل يمكن انه يعمل الفرق ده كله ولا فى حاجه تانيه اللى يعرف يفدنى جزاكم الله خير
Content Relevant URLs by
vBSEO 3.6.0 PL2