الموضوع: الموتوسيكلات

يا جماعه انا هتجنن من الموتوسيكلات امبارح كنت ماشي في الطريق عادي واديت فلاشر شمال وانا برضوا في الحاره الشمال علشان كنت داخل عل شارع تاني وانا من النوع اللي ببص دايما في المرايه قبل كل خطوه بعملها المهم قبل معمل turn للشارع اللي عايز ه بصيت في المرايه الشمال ملقتش حاجه جايه ولسه هتدخل في الشارع اسمع صوت زي موتور عالي جاي من بعيد جاي زي الطياره تلات عيال ركبين موتوسيكل وخلاص بيني وبين الرصيف مفيش 10سنتيمتر كانوا خلاص دخلين في الباب لانه كان هيتزنقوا مابين الرصيف وعربيتي بس الحمد لله رميت الطاره بسرعه ناحيه اليمين حتي مبصيت في عربيه جمبي ولا لا الحمد لله سترها معايا انا من سعتها بقيت اخاف من الموتوسيكلات لو شفت واحد جمبي كان جالي وسواس قهري منهم بصراحه انا اتعقدت منهم لان واحد صحابي معاه كيا سيراتو موتوسيكل خبط فيه جرحلوا البابين و بقا شكل العربيه مبقاش حلو انا كان معايا عربيه فيات مكنتش بخاف من حاجه اخش في اي حته بقلب جامد دلوقتي من الموتسيكلات مع عربيتي الجديده بقيت اخاف وجالي قلق من السواقه ايه رايكم حد عنده حل للمشكله اللي الواحد فيها وشكرا

والله يا باشا انا زيك
بقيت بكره شكل الموتسيكل اصلا لأن معظم اللى بيسوقوه مستفزين
ده الواحد بيبقى ماشى لابيه ولا عليه ألاقيه بتاع الموتسيكل فى عز الزحمه والطريق واقف بيقعد يدى فى العالى وكلاكسات وغرز وبيعصبنى على الاخر لدرجه انى بقعد اوسعلو الطريق ده مش حب فيه لأ ده عشان اخليه أدامى وأقعد أديلو كلاكسات وعالى وأزود بنزين على الأخر عشان أروعو وأقرف فيه
وبصراحه ده أنسب حل ليهم