ربنا سهل الامور و جبت التلفزيون سامسونج بلازما بلاس 43 بوصة من كارفور ب 2900 جنيه و جيت معاه حامل للحائط ب 200 جنيه ( كان مفروض اخده هدية ) و ركبته على الحيطة في غرفة النوم اللي تقريبا 5 * 4.5 تقريبا مش فاكر المساحة بالظبط ...
الجهاز فيه فتحات كتيرة في الظهر منها فتحة USB بس هتحتاج تجيب كابل التطويل ( في الخطة قريبا ) و فتحتين HDMI بس مفيش كابل معاه و فتحات صوت و صورة ايريال و فتحة زي بتاعة البرينتر غالبا عشان التوصيل على الكمبيوتر و مش عارف ايه كمان ..
الحامل جاي معاه مسامير بزيادة و فيشر و ورد كتير و كاوتش عشان تعمل ميل للشاشة ( يعني مش هتحتاج غير شنيور و مفك صليبة )
انا ركبته على الريسيفر العادي ( لحد ما اجيب ريسيفر شيرينج قريب ) و الصورة جميلة و رايقة و الالوان كويسة جدا ... بس لما اقرب قوي من الشاشة بشوف بكسلات سودة .. لكن و انا على السرير و النور مطفي ............. حكاية يا برنس مالوش حل ... بس لو يكمل بالشيرنج تبقى فل قوي ..

الصور :
منظر عام للكرتونة :


الجنب التاني للكرتونة :


كرتونة الحامل :


الكتالوج و الضمان و كرت مش عارف ايه و قماشة تنظيف الشاشة :


الريموت بالمقارنة بريموت الريسيفر :


الريموت لوحده :


قماشة التنظيف :




منظر جانبي للتلفزيون و الحامل هلى الحيطة :





و اخيرا صور للشاشة :
تخيل ان الاخوان بقى ليهم قناة فضائية .... بعد البهدلة و الحبس و التعذيب 85 سنة ....


و كمان ايه ............ مذيعة محجبة في قناة مصرية .... ( تحيا الثورة )









و لو عايز تنزل الصور كلها او تشوفها بدقة اعلى ممكن تزور مجلد التلفزيون :
4shared folder - samsung-plasma-plus-43

في النهاية ::::: تلفويون جميل بسعر ممتاز جدا و انا مبسوط جدا اني جبته ... المشكلة بقى ان العيال مش عاجبهم التلفزيون القديم و عايزين يشوفوا القنوات بتاعتهم عندي ....
اه كمان الضوء بينعكس على الشاشة ( بس مش حاجة تضايق ) لو فتحت باب البلكونة لكن مع الاضاءة العادية بتاعة الغرفة الحياة لوز ...
لو نويت تشتري جهاز ..... اياك تدي ودنك للبهوات بتوع المبيعات اللي مش فاهمين اي حاجة في اي حاجة و الموضوع مجرد اكل عيش عندهم و خلاص .... هيقولك تكنولوجيا قديمة و عمره 100 الف ساعة بس ( احسبهم كده تلاقيهم 11 سنة شغال من غير نا تطفيه خالص ) ... و هجايص كتير قوي ..... سيبك منهم دي نناس ضايعه و عاملين زي بتوع معارض العربيات في الغيبوبة ..

طبعا البواط المكشوف ده عشان البيه الكهربائي لما ركبت التكييف ( هعمل تقرير عنه قريب ) فتحه و سابه كده .... ان شاء الله اظبطه مع التطويرات الجديدة ..