الموضوع: تقرير عن تجربة جلب فورد لمقصات النوبيرا

المشاركة الأصلية كتبت بواسطة amr_shaaban

لو سمحت الجلب الفورد اللي انت حاطط صورها ... جايبها منين بالضبط و بكام ... و فتحة المسمار بتتوسع لكام؟

اه يريت فعلا لو نزكر منين جت الجلب الاصلى بتاعت الفورد دى وعلى العموم الناس بتوع الفورد بيكونو فى شارع دمشق فى واحد اسمع انه كويس اسمه يافا هناك ,, اما بالنسبه للفتحه فأنت لازم تاخد معاك المسمار القديم وتروح بيه للمخرطه مع الجلب .

بسم الله ,,

طيب يا شباب استكمالا لتجربتى ,,

انا رجعت للمهندس احمد وشالى فعلا المقصات تانى ولقينا الجلب بقت زباله فدا معناه ان نوع الجلب الفورد اللى هو بعت جابها كانت رديئه اوى ,,عشان كدا اللى حابب يجيب جلب الفورد بعد اذنكم ما يخليش حد يجيبهاله ينزل هو بنفسه يجيبها زى اللى فى الصوره بالظبط ,, على العموم هو قالى الخراط وصفله جلب الاوبترا متجربه و كويسه جدا وفعلا جبناها و ركبناها وبقت كويسه ,, لسه هروح بس اظبط زوايا و الجلب الثابته الصغيره جبتها gm ما تجبهاش غير gm .