الموضوع: مشكله زوجيه ...... ارجو النصيحه

المشاركة الأصلية كتبت بواسطة أحمد كمال

نصيحة هامة حتى لو مش عايز و لا ناوي تطلق

اوعى تخليها تحس انك انت اللي خايف من الطلاق


الستات بتقتكر ان الراجل بيلم الدور عشان خايف من الطلاق يقوموا يسوقوا فيها

شوف يا باشا من الأخر كان فى Test Drive أثناء الخطوبة وبعدين تدرج الى المراحل اللى فيها الأخ دلوقتى والكلام ده مش انتقاص منه لكن الطيبة الزيادة مع الستات بتترجم غلط منهم إنها ضعف والست محتاجة من وقت للتانى بوقفة تحسسها ان اللى قدامها راجل بمعنى الكلمة وصدقنى لو اتعاقبوا بينبسطوا .
ربنا يكتب لك ما فية الخير ويهدى سركم

المشاركة الأصلية كتبت بواسطة khaled_legend

سبب العصبيه هو صعوبه تربيه الاولاد و ضغوط العمل تلك الايام و لكن

حل تلك المشكله في الخطوات التاليه :

تعدوا قعده رومانسيه كده بليل و تسألها مالها و ايه اللي مزعلها و و و بس بهزار و بحنيه
اتكلمت خير يبقي تسمع بس و لما تخلص كلام تعمل اي حاجه عشان تحل المشاكل اللي هتقولك عليها
متكلمتش يبقي تقلب علي الوش الخشب و بمنتهي البرود تسيبها تروح تنام في الصاله
يوم اتنين عشره الف مش مشكله و متنساش الوش الخشب في الكلام و بمنتهي الهدوء
هي لو بتحبك فعلا هتيجي تعتذرلك و ساعتها تدي كلام في الجناب بهدوء برضه
و لو مجتش اعتذرت قدامك حل من الاتنين
يا تطلقها و ترتاح و لعل و عسي ربنا يهديها ساعتها
يا اما تعصر جردل لمون علي نفسك عشان خاطر ابنك
و اعتبر نفسك مش متجوز اصلا و كأنك عايش في لوكانده و خلاص

انا بعمل كده علي فكره

رومانسيه ؟؟؟؟؟؟؟؟؟؟؟؟ يعنى ايه رومنسيه اساسا ....... يا باشا انا قعد مليون قاعده مش مره لدرجه انى كرهت الرومنسيه اساسا وثانيا تعمل ذى متعملش يعنى تجيب هديه تفرح بيها وبعد ساعات قليله ترجع تانى لدرجه انى بقول ملهاش لازمه تكلفه على الفاضى وخلاص

المشاركة الأصلية كتبت بواسطة أحمد كمال

نصيحة هامة حتى لو مش عايز و لا ناوي تطلق

اوعى تخليها تحس انك انت اللي خايف من الطلاق


الستات بتقتكر ان الراجل بيلم الدور عشان خايف من الطلاق يقوموا يسوقوا فيها

الطلاق مش سهل وخصوصا ابنى الصغير لسه لحمه حمراء اخليه يعيش متشدد كدا والله العظيم احيانا ابصله واقوله لو مكنتش موجود ..... ونفسى افهم لسه بيعملوا كدا

المشاركة الأصلية كتبت بواسطة sherifahmed

نفس المشكلة اللى عندى بالظبط بس الادهى انها بنت عمتى
انا مستنى ابنى يتم السن القانونية و اوريها
انا عارف ان فى ناس ممكن تضحك بس بجد يا جدعان دا وضع بأس جدا
قلبى مع صاحب الموضوع
المصيبة ان اخويا خاطب و عايز يتجوز
عامالى انصحوا يابنى مفيش احسن من حياه العزوبية و الحرية بس دماغه ركبة شمال

وانت كمان ربنا يكون معانا والله

ما انا صحابى نصحونى برضوا ومسمعتش كلام حد وبضرب نفسى ميت جزمه والله

المشاركة الأصلية كتبت بواسطة alaa74

لا يخلو بيت من المشاكل وخصوصا بعد مجئ الأطفال
موضوع صعب أكيد العصبيه والنكد
صفتان لو إجتمعتا فى ست بيكون مشكله كبيرة .
لازم تهدى نفسك وتحاول تتحكم فى أعصابك لأن قرار الطلاق سهل لكن تبعاته
مش سهله وخاصه فى وجود طفل .
حاول تعرف إيه سبب العصبيه دى وهل الصفه دى من ايام الخطوبه ولا بعد الجواز ولا بعد ما خلفت .
ربما يكون ضغوط او مشاكل أو تعب أو أى حاجه إنت متعرفهاش وخاصه لو الموضوع دة جديد عليها .
راجع نفسك فى علاقتك بيها هل إنت كويس معاها ومتغيرتش
هل فى حاجه معينه كنت بتعملها وبطلت تعملها
راجع كدة شكل علاقتكم قبل الجواز وبعدة وشوف الاختلاف ايه على الاقل من ناحيتك
وحاول تغيرة طبعا للأفضل .
أما بخصوص النكد فأعتقد ومن غير زعل لأخواتنا السيدات والبنات إن دى صفه أصيله موجودة فى مغظم ويمكن كل البنات والستات لكن بتتفاوت بدرجات .
راجعها وطالما إنها ملتزمه دينيا فأكيد هتوصل معاها لنقطه تفاهم وذكرها بحق الزوج وإن مينفعش إنك تكون غضبان منها وإن وارد إنها تتعصب أو تتنرفز لكن بحدود ومش فى كل وقت لأنك لو إنت كمان إتعصبت ودة طبعا متوقع كرد فعل هتكون النتيجه هدم البيت
والخاسر الأكبر الطفل بالإضافه لها ولك كمان لأن فى حاله الطلاق كل الأطراف خاسرة .
مبدئيا متدخلش أهلها تانى فى أى مشكله طالما مفيش أى حلول .
غير روتين حياتك يعنى إعمل حاجه مختلفه أتكام معاها أكتر
أعملوا حاجه مشتركه إنتوا الاتنين بتحبوها
إديها من وقتك وإهتمامك لو حاسس إنك بعيد عنها
الستات من فتره للتانيه محتاجين تغيير للعادات والممارسات اليوميه
فاجئها بهديه أو عزومه غدا أو عشا
خد اجازة يومين وسافر اى مكان غير الوجوة والمكان والمناظر جدد مشاعرك معاها
حاول تتكلم معاها بصراحه وفهمها إنها كدة ممكن تخسرك .
وإن اخر المشاكل والعصبيه والنكد طبعا مش هتكون فى صالحها .
لكن إفتكر دايما إن دة بيتك وأكيد تعبت علشان تبنيه وإن إبنك له حق عليك
لازم تتروى فى أى قرار ممكن تاخدة
وإفتكر أن زوجتك شريكتك لها حق عليك وأكيد عندها صفات كتير كويسه
وإلا مكنتش اتجوزتها
أكيد فى حاجات كتير حلوة بينك وبينها
افتكر لها دة حاول تركز على الجانب الكويس اللى فيها
معاك إنك عند المشكله مش هتشوف الا الجانب السئ
لكن الرسول عليه الصلاة والسلام أوصانا بالنساء خيرا
وإفتكر ان زوجتك غاليه عند أهلها زى ما انت ممكن تكون بنتك غاليه عندك ( وربنا يرزقك البنت بجانب إبنك الغالى )
عامل زوجتك زى ما تحب إن زوج أختك يعاملها
صدقنى فى النهايه مفيش بيت خالى من المشاكل
الموضوع نسبى ومتغير .
طالما إن هناك صفات كتي حلوة فى زوجتك وحاجات كتير مشتركه بينكما
يبقى حكم عقلك وراجعها وراجع نفسك
وإن شاء الله ربنا يهدى لكما الحال وتكون الحياة فى أفضل حال بإذن الله .
ونصيحه أخيرة بلاش أى مناقشات من اى نوع قدام إبنك وخاصه طبعا لو مشاكل أو خلافات لأن الأطفال مبينسوش أى حاجه بيشوفوها.

تقبل تحياتى .

كلامك جميل جدااااااااااااااااا وينفع مع اى سيده بس والله انا جربت كل ال انت بتقول عليه دا اقسم بالله عملته ومفيش فايده والله خالص على طول مشاكل ونكت بدون اسباب جوهريه