عرض الفحص المجاني من توكيل سيات و خصم 15% علي قطع الغيار

السلام عليكم

كل سنة تقريبا توكيل سيات اللي هو شركة smg و مقرها بأرض اللواء بتعمل عرض مجاني للفحص الكامل للسيارة مع خصم 15% علي قطع الغيار و المصنعيات و كمان السنه دي بيدوك فلتر زيت هديه

لجميع موديلات سيات في الفترة من 23 نوفمبر الي 7 ديسمبر للاستعلام و الحجز اتصل علي 012273302020 او علي 37094500

ملحوظه :- الرسالة دي وصلتني اليوم من الوكيل و اللي عايز يروح براحته و اللي مش عايز براحته
معرفتي البسيطة عن التوكيل انهم غاليين في المصنعية و مش بيهتمو بأي حد يعني بيهتمو بعملائهم الدائمين أكثر و عندهم كفتجيه شبه بره و فيه ناس كويسه لكن مش بتشتغل في اي عربية

قطع الغيار عندهم أسعارها اعتقد كويسه
ياريت اللي يروح او يجرب يقلنا عمل ايه و بكام و ايه تقريره و رؤيته الشخصيه عنهم

و بالتوفيق للجميع

شكرا لنقل العرض
تحياتي

جميل
علي كده الواحد يلحق يجيب سيات ..

انا عمري ما رحت التوكيل
لكن حضرتك قلت ان في كفتجية جوة .. تفتكر أروح ولا هتبقي مش جايبة همها وممكن يسودوا الدنيا في وشي ؟

اقتباس:

---

المشاركة الأصلية كتبت بواسطة greeko

انا عمري ما رحت التوكيل
لكن حضرتك قلت ان في كفتجية جوة .. تفتكر أروح ولا هتبقي مش جايبة همها وممكن يسودوا الدنيا في وشي ؟

---

شوف انا رحت التوكيل مرتين و أعتقد اني مش هكررهم تاني ابدا ده أولا
ثانيا ممكن تروح يكشفولك مجاني و هيقلولك تعمل ايه و ايه و ممكن تخلص و تمشي
ثالثا ممكن اورحله تاني لكن عشان قطع غيار لأنها عندهم سعرها كويس ومش غالية قوي و هتلاقي عندهم قطع اصلية كتيييير عن بره

و بالتوفيق للجميع

جميع موديلات سيات بما فيها ما قبل 2000 ؟؟

اقتباس:

---

المشاركة الأصلية كتبت بواسطة acoal

جميع موديلات سيات بما فيها ما قبل 2000 ؟؟

---

دة لو كدة هيبقى فرح :) خصوصاً ان الكشف مجانى