الموضوع: مش عارف مصر وحشاني كده ليه ؟

السلام عليكم و رحمة الله و بركاته

أنا عندى استفسارين:

الأولانى: هو سيادتك مسافر فين ؟؟؟؟

التانى, هو ايييييييييييييييييييييه الحاجة اللى موجودة فى الناس اللى مسافرين بره و مشتاقين أوى لمصر و ماهياش عندى, لأنى من ساعة ماجيت كندا من سنتين و قبلهم لما سافرت السعودية 3 سنين, ماجاليش الاحساس ده خااااااااااااااالص, رغم أنى قبل ماسافر عشت فى مصر بتاع 25 سنة هما فترة الشباب و الجامعة, أصل أنت يمكن خامس و لا سادس عضو معانا هنا فى المنتدى اللى يشتاق أوى لمصر بالشكل ده, و بالطريقة دى, يبقى أكيد العيب فيا أنا مش فيكم ؟؟؟؟؟

أنا من رأيى, أنك لو كنت فى la زى ما مكتوب فى البروفايل بتاعك, فان شاء الله, تبقى أنت عايش و مرتاح و بالتالى حرام أنك تتبطر على النعمة اللى أنت فيها و اللى 90% من الشباب المصرى بيتمناها و ابقى أنزل مصر كل 6 شهور اتملى فى جمالها و ارجع la تانى.

أنا هقولك الاحساس اللى عندى, أنى رغم أنى مصرى, الا أنى عمرى ماحسيت أنها بلدى اللى أنا الانسان رقم 1 فيها, كنت حاسس دايما جوا نفسى, أنها ممكن تكون بلد وكلاء النيابة اللى دخلوا السلك ده بالرشوة, بلد ظباط الشرطة, بلد لعيبة الكورة و الرقاصات و الفنانين و الناس دول, لكن بلدى أنا, لأ, أنا بقه رغم أنى هنا باقامة دايمة و لسه ماخدتش الجنسية, الا, أنى حاسس فعلا, أن كندا دى بلدى و بتاعتى و من ساعة ماجيت, ماصادفنيش موقف أن حد اتعامل معايا على أنى مهاجر و أنى مش مواطن, لأن البلد كلها أساسا مهاجرين, فيه اللى جه من 300 سنة و اللى جه من 30 سنة و اللى جه من 10 سنين و اللى جه الشهر اللى فات, لكن ماحدش أصلا من البلد دى, كلنا مهاجرين و كله عارف كده كويس و بيتصرف على هذا الأساس, و لو حد فكر بس أنه يتعامل بعنصرية مع أى حد جاى جديد, قبل مابيتكلم بيكون مدرك كويس أوى عواقب التصرف اللى هيتصرفه و بيتعدل عالطووووووووووووول.


عالعموم, بالتوفيق ان شاء الله و ربنا يقدملك اللى فيه الخير و الصلاح.

لا حضرتك بس راجع نفسك تانى وان شاء الله مش هاتلاقى اى حاجه من اللى بتقوله

دوام الحال من المحال

لو مصر فيها مشاكل النهاردة بكره هتبقى احسن باذن الله

وترجع بالف سلامة ياباشا