الموضوع: مش عارف مصر وحشاني كده ليه ؟

شكرا لكل الاعضاء اللي ردت و فعلا صوره مصر اتسودت في وشي اكتر ما هي سوده

المشاركة الأصلية كتبت بواسطة MASERATI

السلام عليكم و رحمة الله و بركاته

أنا عندى استفسارين:

الأولانى: هو سيادتك مسافر فين ؟؟؟؟

التانى, هو ايييييييييييييييييييييه الحاجة اللى موجودة فى الناس اللى مسافرين بره و مشتاقين أوى لمصر و ماهياش عندى, لأنى من ساعة ماجيت كندا من سنتين و قبلهم لما سافرت السعودية 3 سنين, ماجاليش الاحساس ده خااااااااااااااالص, رغم أنى قبل ماسافر عشت فى مصر بتاع 25 سنة هما فترة الشباب و الجامعة, أصل أنت يمكن خامس و لا سادس عضو معانا هنا فى المنتدى اللى يشتاق أوى لمصر بالشكل ده, و بالطريقة دى, يبقى أكيد العيب فيا أنا مش فيكم ؟؟؟؟؟

أنا من رأيى, أنك لو كنت فى la زى ما مكتوب فى البروفايل بتاعك, فان شاء الله, تبقى أنت عايش و مرتاح و بالتالى حرام أنك تتبطر على النعمة اللى أنت فيها و اللى 90% من الشباب المصرى بيتمناها و ابقى أنزل مصر كل 6 شهور اتملى فى جمالها و ارجع la تانى.

أنا هقولك الاحساس اللى عندى, أنى رغم أنى مصرى, الا أنى عمرى ماحسيت أنها بلدى اللى أنا الانسان رقم 1 فيها, كنت حاسس دايما جوا نفسى, أنها ممكن تكون بلد وكلاء النيابة اللى دخلوا السلك ده بالرشوة, بلد ظباط الشرطة, بلد لعيبة الكورة و الرقاصات و الفنانين و الناس دول, لكن بلدى أنا, لأ, أنا بقه رغم أنى هنا باقامة دايمة و لسه ماخدتش الجنسية, الا, أنى حاسس فعلا, أن كندا دى بلدى و بتاعتى و من ساعة ماجيت, ماصادفنيش موقف أن حد اتعامل معايا على أنى مهاجر و أنى مش مواطن, لأن البلد كلها أساسا مهاجرين, فيه اللى جه من 300 سنة و اللى جه من 30 سنة و اللى جه من 10 سنين و اللى جه الشهر اللى فات, لكن ماحدش أصلا من البلد دى, كلنا مهاجرين و كله عارف كده كويس و بيتصرف على هذا الأساس, و لو حد فكر بس أنه يتعامل بعنصرية مع أى حد جاى جديد, قبل مابيتكلم بيكون مدرك كويس أوى عواقب التصرف اللى هيتصرفه و بيتعدل عالطووووووووووووول.


عالعموم, بالتوفيق ان شاء الله و ربنا يقدملك اللى فيه الخير و الصلاح.

يا فندم
انا سافرت الي نيويورك في بدايات عام 2002 للدراسه
و عشات ايام سوداء لان احداث برج التجاره العالمي كانت ماتزال تزكم الانوف
الدراسه ادت الي تدريب
التدريب ادي الي عمل في لوس انجلوس
العمل ادي الي زواج
الزواج ادي الي اطفال (غلطه و ندمان عليها )
و اصبحت مربوط من رقبتي كالجاموسه في الساقيه
الحياه هنا باختصار صعبه لاي رجل شرقي مسلم

اخي طبيب يعيش مع اسرته في كولومبيا البريطانيه (كندا) و ذهبت الي زيارته مره
بجد كندا دي برقبه امريكا 100 مره

بداخلي كلام كثير لا يكفيه 1000 منتدي بسبب ما اشعر به من ضيق :(

المشاركة الأصلية كتبت بواسطة maserati

السلام عليكم و رحمة الله و بركاته

طاب تاهت و لقيناها.

أدام أخوك فى british columbia, و لو أنت american citizen و كندا عاجباك, طاب ماتحاول تنقل نفسك كندا أنت و أسرتك و حياتك, عشان تبقى أنت و أخوك جمب بعض و أهو ونس و هتحس أن الدنيا أحلى, أدام كندا عاجباك يعنى.

اولا : صعب اني اتلاقي شغل هناك و خصوصا اني محاسب انا و مراتي
ثانيا : انا و مراتي دخلنا مؤخرا كشركاء في احدي المشاريع و انا دخلت في كار البورصه و لازم اتابع
ثالثا : لمحت لمراتي اننا نعيش في اي بلد تانيه و هي رافضه رفض قاطع مش عارف ليه