لمبة البنزين عندى مش بتنور لما البنزين يخلص يا ترى ايه السبب ؟
العربية عندى لانسر 2007 أتوماتيك
عرض للطباعة
لمبة البنزين عندى مش بتنور لما البنزين يخلص يا ترى ايه السبب ؟
العربية عندى لانسر 2007 أتوماتيك
ممكن حضرتك تكون اللمبة نفسها بايظة ودى حلها بسيط بس حضرتك اللمبة بتنور لما المؤشر يبقى قبل الشرطة الاخيرة بمفيش حاجة بسيطة وبعدها تطفى شوية وبعد كدا تقيد تانى اعتقد ان طالما المؤشر بيديك قرايات صحيحة يبقى المشكلة ليست الا فى اللمبة ذاتها حضرتمك وبنفسك ومن غير متروح لاى حد هتفك العدادات وفكها سهل خالص جدا بس طبعا بالراحلة خالص وتخلع لمبة البنزين من ورا وتكشف عليها لو طلعت بايظة عندك حلين هتلاقى العدادات فيها لمض مش بتستعمل يعنى مثلا لو معندكش ايه بى اس هتلاقيله لمبة خدها حطها مكانها لو مش كده هتشترى واحدة جديدة بنص جنية وهتركبلها الكفر الازرق اللى موجود على اللمبة القديمة وبس كدا ولو عاوز اشرحلك ازاى تفك العدادات اؤمرنى
+111111111111111اقتباس:
ممكن حضرتك تكون اللمبة نفسها بايظة ودى حلها بسيط بس حضرتك اللمبة بتنور لما المؤشر يبقى قبل الشرطة الاخيرة بمفيش حاجة بسيطة وبعدها تطفى شوية وبعد كدا تقيد تانى اعتقد ان طالما المؤشر بيديك قرايات صحيحة يبقى المشكلة ليست الا فى اللمبة ذاتها حضرتمك وبنفسك ومن غير متروح لاى حد هتفك العدادات وفكها سهل خالص جدا بس طبعا بالراحلة خالص وتخلع لمبة البنزين من ورا وتكشف عليها لو طلعت بايظة عندك حلين هتلاقى العدادات فيها لمض مش بتستعمل يعنى مثلا لو معندكش ايه بى اس هتلاقيله لمبة خدها حطها مكانها لو مش كده هتشترى واحدة جديدة بنص جنية وهتركبلها الكفر الازرق اللى موجود على اللمبة القديمة وبس كدا ولو عاوز اشرحلك ازاى تفك العدادات اؤمرنى __________________
اكون شاكر ليك جدا لو قلت لى بتتفك ازاى بحيث ماذيش حاجة فى العداد
ياباشا تحت امرك
بسم الله الرحمن الرحيم
بص ياغالى انت هتفك الفبرة السودة اللى فوق العدادات هتلاقيها بمسمارين بس وانت بتفكهم خد بالك ان المفك ميجرحش فى الدركسيون وعلبة الدركسيون تمام بعد ما هتفكها هتلاقى العدادات مربوطة بثلاث مسامير فكهم وقبل ما تشيل العدادات نفسها فك الابنوسة اللى فيها التحكم بتاع مرايات الكهرباء والشبورة دا لو عندك شبورة اصلى
بعد كدا لف العدادات لفوق واسحبها بس براحة قوى وبعدين هتلاقى فيشتين ورا فكهم وهتلاقى فى ضهر العدادات من ورا لوحة بنى كدا فكها هتلاقى وراها اللمض طبعا انت هتبقى عارف فين لمبة البنزين وفين لمبة ال ايه بى اس لو معندكش ايه بى اس شيل لمبته وحطها مكان لمبة البنزين
بالمناسبة دى اللمبة دى تمنها الاصلى 30 جنية فى التوكيل وفى زيها تقليد بس صغيرة ب 1 جنية بس صينى مش اصلى
وبعد كدا تركب كل حاجة تانى زى ما هيا
ملحوظة لو عاوز تنضف العدادات بالمرة هتفك الفبر الزجاجى اللى هيا الباغة ليها تقريبا 4 ريش فكهم بالراحة جدا وبعدين هتلاقى فبرة سودا اللى فيها كفر لمبة العداد الكيلوميتر واللمض التحتية ودى ب 2 مشئبيه بس وتنضف الباغة والعدادات بس براحة قوى علشان متكسرش حاجة او تتنى حاجة او تجرحها وبعد كدا تركبهم تانى زى ما فكيتهم خلى ايدك حساسة لاقصى درجة
وتحت امرك وموفق ان شاء الله
أنا متشكر ليك جدا يا باشا
بس تكون برنس لو قلت لي الفوانيس الأمامية بتتفك ازاي عشان عاوز أغيرهم بنفسي
تحت امرك ياباشا بس خد بالك ان اللمض بيبقى عليها زى كافر ازرق كدا خد بالك لحسن يتقطع او يضيع
اما بالنسبة للفوانيس والله معرفش طريقة فكها بس اعتقد ان البومة لازم الاكصدام يتريح شوية علشان تعرف تفك الفوانيس فبالطبع لازم سمكرى لان ليا صديق غير فوانيسه بفوانيس اسموك فك الاكصدام علشا يركب الجداد وبعدين ركب الاكصدام تانى
والله العظيم انت راجل برنس ومش عارف أشكرك ازاي /لأنك قلت معرفش أحسن من واحد يقعد يفتي وماخدش مني غير الأذي/أشكرك مره تانية