2500 لتر للمواطن سنويا ؟؟؟؟؟؟؟؟؟؟؟

**mona_881** · 22-11-2012 02:19 AM

الأخ moha4tec
فكرة حضرتك حلوة فعلا إننا ندفع تمنهم مرة واحدة في أول السنة
بس وطي صوتك لحسن الشيخ قنديل يسمعك ويقوم ينفذ الفكرة تاني يوم أصله بيشجع الافكار الحلوة
بس لو جينا للجد هنلاقي الفكرة دي متنفعش لأن لو واحد بيجدد الرخصة 3 سنين مش معقول هايدفع تمن 7500 لتر مرة واحدة ليييييييه يعني

**أبو صلاح** · 22-11-2012 02:41 AM

حد خد باله ان الناس اللي مشعاجباكم وبتشتغل بعربياتهم ومش هيكفيها البنزين وهتشتري بسعر غير مدم عارفين هيحصل ايه ؟

هتظر الشركة اللي شغال فيها الموظف ده انها تغلي الاسعار وهتبقى بوجه العموم على كل الشركات وبالتلي الاسعار هتغلي مع شوية جشع كالمعتاد الاسعار هتولع

غير كده آلية التنفيذ إزاي ؟

يا جماعة اي حاجة في مصر للاسف مميكنة فاشلة بشدة خصوصوا لو هتطبق في الحكومة
على سبيل المثال فكر في مرة من المرات تعمل اي مستند من الشهر العقاري اللي بجوار دار القضاء العالي هتلاقي نفسك والله بلا مبالغة ممكن تضيع 4-5 ساعات مجرد ما يبدأ الدور ييجي عليك وانت بتلف على شوية تنابلة قاعدين على اجهزة كمبيوتر

**aly_moh** · 22-11-2012 09:55 AM

السلام عليكم
اولا موضوع الكوبونات دا هيقضى على السرقة بس سؤال
هيعمل اية مع عربيات السرفيس و النقل و الاجرة
كوبونات برضوا

لو عمل كدا الاجرة هتزيد على الناس اللى بتستخدم المواصلات
طيب
بالنسبة للملاكى
حضرتك هتجيب الكوبونات دى منين ؟؟
هتقف طابور فى المرور ولا فى مكتب التموين
طيب توزيع الكوبونات شهرى ولا سنوى ولا اسبوعى ولا كل 3 شهور
طيب سعر البنزين على الكوبون اللتر بكام ؟؟؟
طيب الكوبونات دى هتمنع تزوريها ازاى ؟؟
طيبب الكوبونات دى صالحة فى كل المحافظات ولا فى محافظتك مثلاا

تفتكروا هنعمل اية ؟؟؟

**Ahmed_Ramadan** · 22-11-2012 10:32 AM

سؤال برئ .....

كيفية الدفع
هتعمل إيه لو الكوبونات ضاعت أو ولعت أو إتسرقت حتى

**محمد يوسف** · 22-11-2012 10:39 AM

أنا بالنسبة لى الرقم ده كويس..بس فيه ناس بتسافر يوميا أكيد الرقم ده ضعيف بالنسبة لها

مشكلتى فى كيفية التطبيق

يعنى هل حايجبرونى أدفع تمن 2500 لتر مرة واحدة عشان أخد كوبوناتى ؟5000 جنيه مرة واحدة؟ ولا أدفع شهريا ولا أدفع مع كل تفويلة؟ وأستلم منين؟ لو من البنزينة يبقى صباح الشلل المرورى والضرب والخناق ووقف الحال..ولو من ادارة المرور يبقى ألعن وأضل سبيلا

وماهى قيمة كل كوبون؟ يعنى لو الكوبون مثلا ب 50 لتر وأنا حطيت 40 لتر يبقى كده ضاع عليا 10 لتر ولا حاتنضاف للى بعده وهكذا

الموضوع معقد شوية

**محمد يوسف** · 22-11-2012 10:51 AM

المشاركة الأصلية كتبت بواسطة dr.mostafa anwar

معلش يا فندم ممكن توضحلنا النقطة دي؟

أنا أفهم إننا نكون عندنا شعور بالمسؤولية تجاه البلد ونحاول نوفر للميزانية ولو جنيه حتى عشان يتحطوا في بنود أخرى من الميزانية غير موضوع الدعم اللي إنتهى أصلا في العالم كله ماعدا بعض الدول المتخلفة زينا كده

لكن الحقيقة مش مستوعب إن واحد ممكن يتاجر في حاجة زي كده ... لأن بالظبط كده مافيش فرق بين التصرف ده وبين أي واحد بيشتري "شوال دقيق" بسعر المدعم من المخابز ويبيعه في السوق السودا عشان يكسب من وراه ...

إلا لو أنا فهمت غلط بقى

لو تسمح لى أعلق يادكتور..ايه فى كلام الأخ شنورى قال انه حايتاجر فيهم ؟ لو أستاذ شنورى زميلك فى الشغل وهو استهلاكه قليل وانت استهلاكك كتير ممكن يديك الفائض عن حاجته..وهو فى أول كلامه قال انه حاياخدهم مجانا وحايدفع بيهم فى البنزينة..يبقى أكيد حايديهملك مجانا برضه ..ما أعتقدش حد فينا حايتاجر فى بون بنزين عشان يكسب منه نص جنيه ولا جنيه

**Egyzizo** · 22-11-2012 10:52 AM

طيب ، اذا كان الاقتراح ده بيغطى احتياجات 90% مثلاً من أصحاب العربيات بدون تكلفة إضافية وبدعم كامل ، يبقى الحكومة وفرت ايه لدعم الموازنة؟

**محمد يوسف** · 22-11-2012 10:59 AM

المشاركة الأصلية كتبت بواسطة dr.mostafa anwar

أظن الدولة مش من دورها دعم رجال الأعمال والشركات بفلوس الشعب عشان مندوبين المبيعات يلفوا على الزباين ويكسبوا من وراهم فلوس ...

واللي جامعته بعيدة عنه يسكن في سكن جامعي او شقة قريبة من جامعته ويوفر تمن البنزين ...

والصراحة الناس الوحيدة اللى اعرف انهم ممكن يعملوا 10000 كيلو في الشهر هما سواقين التاكسي والنقل والميكروباص ودول أصلا هيكون ليهم معاملة خاصة لأنهم في مجال الخدمة العامة للشعب كله وسمعت كلام إنهم هيتصرف لهم 30 ألف ليتر مدعم سنويا ... وده يعتبر دعم بطريقة غير مباشرة لطبقات الشعب التحت المتوسطة عشان أسعار المواصلات بالنسبة لهم ما تعلاش ....

ومش هأعلق على آخر جملة الخاصة بالترحم على أيام مبارك ... لكن عاوز أعرفك إن الخطة الإقتصادية اللي كانت هتتنفذ عن طريق مجلس الشعب المزور بتاع 2010 وحكومته هو إلغاء الدعم بالكامل مرة واحدة وبدون لا كوبونات ولا غيره ... زي ما حصل في الأردن كده اليومين اللي فاتوا ... فلو حضرتك عاوز أيام مبارك ترجع تاني إنزل مع الناس اللي في محمد محمود دلوقتي وإبقى إنزل يوم 2 ديسمبر ... شكرا

توضيح تانى يادكتور معلش.. مندوبين المبيعات دول فيهم دكاترة زى حضرتك وصيدلانية وناس محترمة ..وأنا مهندس مش مندوب مبيعات بس حسيت فى كلمتك بتاعة يلفوا ع الزباين دى بتقليل منهم شويتين..أما بقى بالنسبة لبنزينهم فحضرتك عارف ان لو مندوب مبيعات واخد عربية بيبقى هو اللى بيتحمل بنزينها غالبا..يعنى حايتخرب بيته ومرتبه حايضيع بنزين أو مش حايعمل شغله صح وحايترفد
ولو الشركة متحملة عربيته ببنزينها يبقى حاتعوض سعر البنزين بتاعه فى سعر المنتج أو جودته (والمنتج ده ممكن يكون دواء مثلا) وبالتالى برضه حاتيجى على دماغ الناس
فمتهيألى الشركات والمؤسسات ممكن تاخد كوتة خاصة غير الأفراد طبقا لاحتياجاتها المثبتة

**محمد يوسف** · 22-11-2012 11:03 AM

المشاركة الأصلية كتبت بواسطة moha4tec

بصراحه 2500 اتر سنويا جميل جدا .
حلو قوى .هيضى و هيفيض كمان
بس انا سمعت انك بتدفع فلوسهم مره واحده مع الترخيص .
يعنى مش هتعرف تعمل بيهم حاجه غير انك تستخدمهم .

طب يعنى مش يبقى كفاية فلوس الترخيص والضريبة والتأمين الاجبارى والمخالفات؟ مين يقدر كمان يدفع استهلاك بنزين 3 سنين مرة واحدة؟ يعنى حوالى 15000 جنيه؟؟؟؟؟؟؟؟؟؟؟؟؟؟؟؟

وبعدين أنا مثلا رخصتى حاتتجدد فى أغسطس 2014 يعنى لو القرار اتنفذ من أبريل 2013 زى مابيقولوا يبقى حامشى ازاى سنة ونص؟

**Ahmed_Adham** · 22-11-2012 11:05 AM

المشاركة الأصلية كتبت بواسطة محمد يوسف

توضيح تانى يادكتور معلش.. مندوبين المبيعات دول فيهم دكاترة زى حضرتك وصيدلانية وناس محترمة ..وأنا مهندس مش مندوب مبيعات بس حسيت فى كلمتك بتاعة يلفوا ع الزباين دى بتقليل منهم شويتين..أما بقى بالنسبة لبنزينهم فحضرتك عارف ان لو مندوب مبيعات واخد عربية بيبقى هو اللى بيتحمل بنزينها غالبا..يعنى حايتخرب بيته ومرتبه حايضيع بنزين أو مش حايعمل شغله صح وحايترفد
ولو الشركة متحملة عربيته ببنزينها يبقى حاتعوض سعر البنزين بتاعه فى سعر المنتج أو جودته (والمنتج ده ممكن يكون دواء مثلا) وبالتالى برضه حاتيجى على دماغ الناس
فمتهيألى الشركات والمؤسسات ممكن تاخد كوتة خاصة غير الأفراد طبقا لاحتياجاتها المثبتة

هوه فعليا فرق السعر فى البنزين مش كتير لدرجه انه يغلي أسعار أي سلعه بشكل ملحوظ والدليل انك نقله واحده بعربيه ربع نقل ممكن يكون فيها بضاعه ب 100 الف جنيه وأكتر يعني لو هتزيد تكلفه النقل 50 ولا 100 جنيه حتى هيبقى نسبتها كام من ال 100 الف جنيه؟

لكن أكيد كل الشركات والمحلات هتستغل الزياده البسيطه دي عشان تبقى حجه انهم يغلو الاسعار ويكسبو أكتر ويطلعو يندبو في التليفزيون يقولو تكلفه النقل زادت علينا وبنخسر...