كويسين ال 2500 لتر سنويا .. وشوية شوية يبقو 3 الاف لتر وبعد كده 4 الاف لتر
المهم في أمل في بكرة ان شاء الله طالما شيلنا مبارك ورميناه في صندوق الزبالة
اي حاجة بعد كده تهون ...ونبدأ وحدة وحدة نظبط البلد
عرض للطباعة
كويسين ال 2500 لتر سنويا .. وشوية شوية يبقو 3 الاف لتر وبعد كده 4 الاف لتر
المهم في أمل في بكرة ان شاء الله طالما شيلنا مبارك ورميناه في صندوق الزبالة
اي حاجة بعد كده تهون ...ونبدأ وحدة وحدة نظبط البلد
كدة انا مشاويري من البيت للشغل بس في السنة هخلص ال2500 لتر دول و هحتاج زيادة 140 لتر بالسعر الحر كمان و ده و انا لسة ماعملتش مشاويري الشخصية ولا سافرت و لا عملت اي حاجة ثانية غير من البيت للشغل
7لتر في اليوم يعني 50 لتر في الأسبوع ده معدل كويس جدا ومناسب لمعظم الأسر المصرية....
دائما وأبدا الإصلاحات الإقتصادية والسياسية والإجتماعية بتكون للأغلبية العظمي المقصودة بهذه الإصلاحات وبيكون في ناس مستفيدين جزئيا فقط أو غير مستفيدين على الإطلاق من تلك القرارات ... وده في أي دولة في العالم
حضرتك الحمد لله هتستفيد جزئيا من الدعم وده شئ مش وحش وبالعكس ممكن يخليك تفكر تعدل حياتك عشان تكون مناسبة للوضع الجديد فتنقل مثلا بمكان أقرب لعملك من الذي تسكن فيه حاليا أو تطالب بزيادة مرتبك بمقدار الزيادة التى حدثت في مصاريفك ...
لازم كلنا نحس بالمسؤولية ونشيل عن البلد كل ما نستطيع عشان البلد دي تقدر تقوم على رجلها من تاني ويكون ليها مكان وسط الأمم
و الله اخره تلك الحكومه ليست خير علي الاطلاق
طب انت رديت على نفسك وعليا كمان ههههههههه يعنى انا وانت متفقين
الفلوس اللى بندفعها بتتاخد لوى دراع ومبيتعملش بيها حاجه وفوقيهم كمان رشوه عشان نخلص نفسينا بدل ما نتبهدل 3 الا 4 ايام عشان نجدد حتته رخصه
قوللى بقى بناخد ايه بالمقابل ؟؟؟؟؟؟؟؟ عمرك سمعت عن حد اخد فلوس تعويض عن حادثه عربيه مقابل التأمين الاجبارى اللى بندفعه ؟؟؟؟ ده حتى الطرق اغلبها بيتدفع ليها تذاكر زى الصحراوى مثلا وبرضه لا حياه لمن تنادى ولو صلحوه انهارده مش حيتصلح بكره
وبعدين الاردن شوف مستوى دخل الفرد فيها اد ايه ومستوى المعيشه عامل ازاى وقارن بيه الدعم واسعار البنزين والعربيات
احنا هنا شوف فيه كام مليون بياخدو مرتبات ومعاشات ما بين 300 الى 800 كحد اقصى والمفروض يصرفهم على بيته وولاده وكمان عربيته لو عنده على الاقل 127 ولا حتى سيات ده لو عنده عربيه اصلا
انا موافق ان الدعم يتشال كليا من على كل حاجه بس مرتبى يبقى محترم
واخيرا مش كل بلد زى التانيه الكويت لو مواطن بياخد فيها 1000 دينار عندنا هنا بيعملو 21 الف جنيه ولو الليبى بياخد 1000 دينار ليبى عندنا هنا بيعملو 4500 جنيه مصرى تقريبا شوف انت لو الدعم اتشال كليا عن الكويتى ولا حيفرق معاه لان سعر البنزين بالدولار حيبقى بالنسباله ملاليم ولو اتشال على الليبى حيفرق معاه بسيط ولو اتشال على المصرى ممكن يخلع هدومه فى الشارع ههههههههههههههههه
هههههههههههه
انا متفق معاك في نقاط بس عايز ااكدلك ان المرتبات هنا ضعيفة جدا ولا تفرق عن مصر في شئ غير مسمى العمله...
الدينار ب8.5جنيه لكن الدينار بيجيب اللي ببيجيبه الجنيه ويمكن اقل والمرتبات هنا هتحفك ان طبيب الاسنان بياخد 200دينار وعواطليه كمان مش لاقيين شغل...
المدرس هنا بياخد 300 دينار...
وهكذا...
وضع مزري الحقيقة...
Sent from my SE Arc S using Forum Runner
بلاش نقارن مصر بالأردن -- مصر بلد عمرها 7000 سنة -- الأردن ملهاش مقومات بلد اساسا معتمدة علي المعونات لأن اساس قيامها هو تبقي عازل لأسرائيل وأول اسم ليها امارة شرق الأردن-- وكانت جزء من العراق
ثانيا الدعم ده مش هبه من الحكومه للشعب ما هو اساسا جي من الضرايب اللي الشعب بيدفعها و سندات الخزينة الي هي جاية من البنوك اللي هي جاية من ايداعات المصريين والباقي من عوائد ثروات البلد ( أراضي - قناة السويس - سياحة )
الي انا فاهمه ان ال 2500 لتر دول محسوبين علي انهم بنزين 80 -- تاخد بيهم 80 تاخد بيهم 90 تاخد بيهم 92 انت حر ( بس طبعا 2500 لتر 80 شوف يساوي كام 92 ) تقريبا 800 لتر
خلاص اعملو ثوره زيينا واوعدك ان اللى بياخد 300 حياخد 150 او حيقعد فى الشارع مش لاقى شغل ههههههههههههه
طب لو الدينار بيساوى 8 جنيه وشويه يبقى كده لتر البنزين عندكم من غير دعم حيعمل كام بالدولار يبقى برضه فيه فرق كبييييييييير جدا بيينا وبينكم لان الجنيه بتاعنا ولا يسوى بصله ده تمن الجنيه بتاعكم وبالنسبالنا احنا بدولار ونص او دولار وربع تقريبا
يعنى لو سعر البنزين العالمى 2 دولار مثلا للتر عندكم حيعمل دينار ونص مثلا وعندنا حيعمل 12 جنيه فيه فرق كبييييير جدا برضه
والدكاتره عندنا برضه بياخدو 300 جنيه واكيد انت عارف الكلام ده وشوفت بعينك على الطبيعه فيه دكاتره متبهدلين اخر بهدله ومش لاقيين شغل زى عندكم تقريبا
الا بقا اللى ابوه دكتور او وضعه المادى محترم وبيفتح عياده او ربنا يكرمه و يشتغل فى مستشفى خاصه غير كده انت عارف بقا