الموضوع: ماذا سيفعل من معه سيارة بها محرك تيربو فى مصيبة البنزين 95

المشاركة الأصلية كتبت بواسطة mohab.nabil

الف شكر على الرد ، و ان شاء الله خير ميحصلش حاجة و ممكن برضه حضرتك تكلم التوكيل كان فيه عضو كاتب فوق انهم بيقولوا انها هتشتغل 92 عادى ممكن يبقى تغيير فى الـ map بتاعت العربية او تحديث software

انا كنت فعلا كلمت التوكيل قبل ما يحصل الموضوع و لقيت رد فعلا المهندس هناك عجيب جدا
و معندوش اي فكرة اصلا
ربنا يكرم نشوف الوضع هيرسي علي ايه

متابع
هي اناس راحت فين
اوعي تكون الخلطه فرقعت جوه التانك جوه المحطه
(هزار بدل الهم اللي يبكي)

المشاركة الأصلية كتبت بواسطة Ahmed.Fahmy

يا جماعة الخير.... فى خبر كويس
لو حطينا "طولوين" 10% على ال92 هيوصل ل96+ بدون اى تاثير على المحرك!!

حد يعرف الطولوين بيتباع عند الناس بتوع الحدايد والبويات وللا لا؟؟

طولوينToluene

مثيل بنزان، وهو سائل متطاير عطري متماثل مع البنزان ويوجد معه في قطران الفحم، كما يوجد في بلسم " تولو"، يشتعل بسرعة، ويستعمل كمحلل، وفي صناعة الأدوية والألوان والمتفجرات.

ويوجد بعض الاستفسارات أهمها :
1- هل يغنى هذا عن الاضافات الموجوده فى 95 للحد من تكون الكربون
2- هل هناك اضرار على المدى البعيد بالنسبه للموتور وخراطيم دوره الوقود وسلامه السياره لأنه سريع الاشتعال
3- فى حاله شراؤه وهو ماده سريعه الاشتعال فى هذه الأيام الزفت هل يكون هناك مايمنع او يضعنا تحت المراقبه وخلافه
4- ماهو سعره ونسبه خلطه بالنسبه للتر البنزين لحساب التكلفه
الموضوع للمناقشه ومنتظرين راى الخبراء للأفاده والتعميم وجزاكم الله خيرا

بالنسبه للحكومة ال50 مليون دول مش هما الى هيأثرو على الميزانيه وكده كده هيتحولو -ان مكنش أكتر منهم كمان- لبنزين 92 الى الطلب هيزيد عليه بعد رفع تمن 95
انا شايف ان القرار ده قرار اقتصادي أكتر منه قرار اجتماعي يعنى معمول عشان فئة معينه تستفيد من وراه كام مليون مش أكتر

لو جينا بصينا على السوق هنلاقى الى ماسكين توكيل العربيات الاسيوي من الحيتان الكبار واهمهم هيونداي (غبور) وكيا (محمد نصير) ودول لهم استثمارات فى مجالات كتير ونفوذ اكبر (من الحيتان الكبار اوي) وعلى الجانب التاني فى وكلاء ومستوردين الاوروبي ودول الجمارك على عربيتهم قلت بنسبة 40% مع بداية السنه الجديدة ( طبقا للاتفاقيه مع الاتحاد الاوروبي بتخفيض الجمارك 10% سنويا بدايه من سنة 2010)

يبقى لازم تتعمل حاجه توقف زيادة مبيعات العربيات الاوروبي ( عشان متقلش مبيعات العربيات الاسيوي )
فكان فكرة زيادة سعر البنزين 95 الى بتعتمد عليه العربيات الاوروبي عكس العربيات الاسيوي الى بتمشي ب 92 عادي

وبالنسبة لبعض وكلاء الاوروبي هنلاقي :
- ارتوك اوتو (شفيق جبر) وكيل اسكودا الى لسه بتكنولوجيا قديمه شغاله ب 92 عادي وبالتالى هيتستفيد بتربع الاوكتافيا بعد ازاحه الجيتا كليا
- فيات : واضح ان اوماترا كانت عارفه الموضوع ده من فتره عشان كده نزلت اللينيا بموتور عادي يقبل 92
وكده كده اوماترا مش فارق معاهم العربيات الملاكي مبيعات ودعايا وصيانه وقرف عكس العربيات الافيكو (بتاعت الامن المركزي) الى مكسبهم فيها اضعاف وكمان مش بتحتاج مراكز صيانه ولا حاجه
- رينو : شغال 92 عادي وكده كده رينو مستفدتش من اتفاقية الاتحاد الاوروبي لان الفلونس منزلش من جماركها حاجه لانها تقفيل تركي واللوجان معلهاش جمارك اصلا لانها مغربي
- مرسيدس : المستفيد الاوروبي الاكبر من القرار لازاحة bmw الفئة التالته والخامسه الجديدة خصوصا ان مواتير مرسيدس 1800 فما فوق بتقبل بنزين 92

يعنى من الاخر حرب اقتصاديه على المبيعات بين الوكلاء ومستوردين مع بعضهم سواء اسيوي واوروربي او اوروبي واوروبي