سؤال لوحوش اللوجان انا العربيه عندي عاملة 18000 كيلو وبتزحف مع الفرامل وبتفرك وهيا طالعة عمال علي بطال اعتقد ان الكاوتش مش بيمسك في الارض كويس هو نوعه بروم وهو الي جاي مع العربيه وهيا موديل 2011 ارجو الافادة يا وحوش وشكرا
عرض للطباعة
سؤال لوحوش اللوجان انا العربيه عندي عاملة 18000 كيلو وبتزحف مع الفرامل وبتفرك وهيا طالعة عمال علي بطال اعتقد ان الكاوتش مش بيمسك في الارض كويس هو نوعه بروم وهو الي جاي مع العربيه وهيا موديل 2011 ارجو الافادة يا وحوش وشكرا
ده مشكلة في كوتش البروم غيره لو عاوز هتظبط معاك
انا عندي مشكلة الفرك دي و صوت الكاوتش عالي ف الارض المتربه عشان الكاوتش اصلا وحش وإن شاء الله هاغيره ف بريدجستون
الوحوش جابولك من الآخر، نفسي أغيره أنا كمان مع إني ماشي ٣٣٠٠ كم بس!!
الموضوع عايز من ٢٠٠٠ إلي ٢٥٠٠ جنيه!
الكاوتش يامان واكشف علي التيل مهم جدا ممكن يكون عاوز سنفره !!!!
انا عامل 21000 وخايف اعمل حادثة بسبب الكاوتش قبل ما عمره الافتراضي يعدي
كبيره معايا هغيره على التلاتين
الف شكر يا وحوش وربنا يسهل واغيره
فى حاجه غلط فى اللوجان.......... انا العربيه قلبت مني بعد ما اتخبطت من ورا و حاولت اوقفها ما استجابتش
وواحد صاحبي برضه دخل فى نقل من ورا لان العربيه زحفت منه بعد ما فرمل........... و ربنا يسترها على الجميع
انا معي 2011 وعندي نفس المشكله
انا معايا لوجان 2010 ... و برضو مش عجباني الفرامل خالص و أدائها سئ جدا جدا جدا ... يا تري محدش يعرف حل للموضوع ده
انا الموضوع ده زاد قوى عندى اليومين موديل 2010 وشاكك فى الكاوتش وبافكر جديا اغيره وامرى لله
بالنسبة لموضوع الزحف - لو العربية بتزحف في خط مستقيم، مبتخمسش يعني)، فالمشكلة في الكاوتش مش الفرامل نفسها، وحتى لو المشكلة في الكاوتش مش شرط يكون نوعة سئ، ممكن يكون مستهلك وسعاتها هيديك نفس النتيجة "الزحف". بالنسبة للي كاوتشهم باروم فالكل أجمع إن النوع ده مش قد كده لكن الموديلات الأقم كانت بتنزل و ميشلان أضن.
ضيف على ده كله إن ممكن يكون نوع الكاوتش ممتاز ومش مستهلك والعربية تزحف برضة، مثال لو الأرض أسفلت عليها رمل أو تراب أو زيت!
كاوتش باروم في اللوجان الجديد مش قد كده ومأثر بنسبة على أداء الفرامل بس مش كارثي قوي لهذه الدرجة، الكارثة الأكبر هي - للأسف - طريقة سواتقنا!
ضيف علي كده انك لو كنت بتجري علي سرعه و فرملت مرة واحده لو مركب بريدجستون و الفرامل ميه ميه لازم العربيه غصب عنك هاتزحف لأنك فرملت بسرعه كده انتا بتجبر العربيه علي انها تقف في جزء من الثانيه و دا مستحيل يحصل فا بدل ما هتقف العجل مش هيلف بس هتكمل معاك زحف لأني قريت بوست من احد الاعضاء بيقول فراملها وحشه بعد 120 ماهو طبيعي مش ممكن تكون بتجري علي 120 و عاوز اما تدوس فرامل العربيه تقف مكانها
ضيف علي كده ضغط هوا العجل علي كام و انتا بتفرمل كل ما بيزيد كل ما تبقي مساحة المداس قليله و بالتالي الاحتكاك اللي بين العجل و الارض يكون قليل فا اما تكبس فرامل هتزحف ع نقطة الاتصال بين العجل و الارض
كل الكلام ده بسبب الكاوتش ومالوش علاقة بالعربية ... غيروا وهاتوا يا بريدج ستون سوبر سيلنت حى ار 90 او ميلشيلان وهتلاقوها بقت عربية تانية :-)
وده سعره كام ؟؟؟؟؟
يا ريت سعر الكاوتش بكام ؟؟ و منين احسن مكان اشتري منه ؟؟ ؟
انا سألت علي نوع كوتش اسمه lassa ده تركي وكويس هو حاجة وسطية بين البردجستون و الميشلان الفرده سعرها تقريبا 550 جنيه
ربنا يسترها معانا جميعا ، انا برده عملت حادثة والعربية لفت مني لفتين على الارض وجابت لي باب ورفرفر وقنطرة ومساعدين لما خبطت فى الرصيف
مش عارف الصراحة غلطتي انا ولا لأ ، بس الي انا متأكد منه انه هديت شوية بالعربية وكان نصها بالطول ماشي على رملة ، وحصل الي حصل
انا عربيتى فليشيا بتزحف مع الفرامل وبتفرك مع الطلعة الأسفلت كان عندى كاوتش classiro gt امامى وراكب من سنة وعامل حوالى 12000 ك المهم غيرتة والعربية بقت فراملها 10/10 بتلزق مكنها حتى فى المية او التراب وبطلت تصرخ فى الفرامل او فى الطلعة وحسيت ان تسارع العربية بقى اقوى الخلاصة الكاوتش التويو اليابانى مكلبش فى الأرض ودى تفاصيل قصة شرائى للكاوتش فى مشاركة سابقة
http://www.nilemotors.net/Nile/321651-a.html
هممم، الفردة ال Toyo 350 دي شكلها جامده مقارنة بالبريدجستون Turanza GR90 من ناحية تقارب الأداء وفرق السعر، كمان بتتفوق على البريجستون في معدل التآكل، شوفو الريفيوهات دي عن الإثنين ...
Toyo 350 | the Toyo 350 reviewed and rated | the online tyre guide
Bridgestone Turanza GR90 | the Bridgestone Turanza GR90 reviewed and rated | the online tyre guide
بس التويو ٣٥٠ دي فردة صيفي والبريدجستون حي آر ٩٠ فرده لكل المواسم، هل ده يفرق معانا ولا ده للبلاد إللي فيها ثلوج وكده؟ على فكره الباروم إللي في اللوجان الجديد زي التويو، فردة صيفي برضة.
ياترى في حد تاني جرب الفردة دي لمدة أطول يقولنا رأيه فيها؟ ده كده الأربع فرد عاملين ١٥٠٠ جنيه،بدل البريدجستون معديين ال ٢٥٠٠!! ولسه كمان بالنسبالي لما أخصم ثمن الكاوتش القديم إللي راكب عندي عشان لسه مامشاش حاجة.
طيب يا بيشوي ايه تقييمك للكاوتش بريدج ستون ؟ من حيث الاداء و قوة الفرامل ؟
موديلة بيكون بالكتير قبليها ب 6 شهور و تقيمى ليه انه ممتاز عدا عيب واحد انا شايفة فيه انه مش رياضى
يعنى هوه من الأخر ملوش اى صوت ناعم وكويس فى الفرامل بس قدام الدلع اللى فات ده مش مكلبش فى الأرض زى الأطارات الرياضية