عرض للطباعة
السلام عليكم , انا حجزت جين 2 2013 اوتو :S_thum1[1]: , بس متردد اغير لمانيوال ولا اسيبها كدا ؟ انا كنت شغال فى bmw فعايز احس بقوة العربية فهل الاوتوماتيك بتاعها بيحسسك بقوتها ولا لأ ؟ انا بحب اللون السيلفر (فضى) بس لما شوفتها فى عز الصحراوى كانت متربة شوىة فحسيت انه باهت شوية , فاضطريت احجز اسود ؟ هل السيلفر فعلا مطفى شوية ؟
كراي ليس الا
الفضي فالجين افضل من الاسود وفي اللوان تانية احلي واحي
وعموما انا بفضل المانيول كراي فقط ..
اللون الاسود حلو اول مالعربية تتغسل بعد كده بيبقى وحش جدا جدا
ده غير انه فى الصيف بيخلى العربية جحيم
انا ركبت المانيول و الاوتو
سواقة المانيوال احلى بكتير جدا من فتيس الاوتو بتاعها لكن ده يتوقف على طبيعة مشاويرك اذا كنت بتمشى فى زحمة كتير و لا
لان الاوتو مع الزحمة افضل طبعا
شكرا على المساعدة , انا مشوارى معظمه سفر لأن شغلى فى محافظة غير الجيزة ، طول الاسبوع هناك و فى مصر الجمعة و السبت , بس احيان الواحد بيحب يشد وكدا يعنى :)
مدام سفر يبقي مانيوال
متعة سواقة اكتر وهتعمل الي عاوزة فاي وقت تحبه
ويبقي كسبت الاستمتاع فالقيادة وتوفير فسعر العربية وتجنب اعطال مستقبلية
والله اعلم ..
بص انا عاشق للسواقة وكان معايا قبل الجين تو 2012 سكودا فليشيا مانيوال .. بس جبت الجين تو اتوماتيك ... العربية قوتها بتبان فى الاوتوماتيك بس مش زى المانيوال يعنى لو جبت العربيتن هما هما واحدة مانيوال وواحدة اتو ... المانيوال حتسبقها ... لاكن زى منا قريت ان مشاويرك سفر هات المانيوال عشان تستمتع وتجيب اخر قوة ماتور الجين تو
اقتباس:
المشاركة الأصلية كتبت بواسطة ahmedomar79
صراحةاحلى لون فيها الفضى،،،،،،،، انا كمان حاجز فضى
هل فى أى مشاكل ظهرت معاك فى الاوتو ؟ يعنى هى بردو بتشد و كدا ؟ يعنى الكيك بتاعتها بتسد معاك ؟ ولو عندك أى اراء تانية او خبرات ممكن تساعدنى بيها تكون مشكور جدا
هل فى أى مشاكل ظهرت معاك فى الاوتو ؟ يعنى هى بردو بتشد و كدا ؟ يعنى الكيك بتاعتها بتسد معاك ؟ ولو عندك أى اراء تانية او خبرات ممكن تساعدنى بيها تكون مشكور جدااقتباس:
المشاركة الأصلية كتبت بواسطة كابوس الليل
اطلاق الكيك دون جامد كييييييك وشديت بالعربية مع تويوتا كرولا و مع كروز والاتنين اتعلم عليهم ..
الكروز كنت مهدى على 20 فى شارع ينفعى اجرى فيه لقيت واد فرحان بعربيته جى جنبى براحه بس لسة معدنيش وانا ماشى راحة لان الشارع فاضى كبست بنزين على الاخر حطيط عليه ...شوية وكان الطريق لافف شمال فلة صعبة .. هوا جاب ورا وانا كملت حطيط عليه .. عمتا انا مكنتش متخيل كدة ..
سؤال يا جماعة سعر الجين 2 2013 مانيوال واتوماتيك كام حد عنده فكره
Auto = 99,000
Manual= 93,000
انا كمان محتار بين الاوتو والمانيوال
هل الاوتو هتدينى نفس الجرى بتاع المانيوال، وهل مشاكلها فى المستقبل اكتر
ممكن حد يفيدنى مع العلم ان استخدامى ومشاويرى خفيفة
الاوتو لا يوجد فيه مشاكل على الاطلاق و عن تجربة طبعا
انما رايى المتواضع .... المانيوال احلى بكتير فى الجرى بالذات فى العربيات دى
اقتباس:
المشاركة الأصلية كتبت بواسطة ahmedsiyam
شكرا ليك ياباشا
انا جربت سواقة المانيوال فعلا جميلة
Automatic
المانيوال : متعة
الاوتوماتيك : راحة
و اللون الاسود مش الافضل .. السيلفر من وجهة نظري أفضل الألوان
أشكركم جميعا على مشاركتكم و دعمى فى أتخاذ قرار الشراء , لقد حجزت سيارة جين 2 فضى وسأقوم بالاستلام الاسبوع القادم ان شاء الله عن طريق الشركة العالمية المتحدة للتجارة (عبد اللطيف جميل) - تقسيط مباشر دون البنك
المهم , أشكر كل من قدم لى الدعم والمشورة برأىه والذى ادى الى اتخاذ القرار والذى أدعو اللهان يكون قرارا صائبا
جزاكم الله خيرا وأتمنى أن يظل هذا المنتدى قائما فى خدمة كل الاعضاء بنقل المعلومات والمشورات الصحيحة
أوافيكم بنتيجة استلام و تجربة السيارة قريبا ان شاء الله
special thanx to Sophos (Active member bsara7a), Ahmed siyam, Kabous ellel ,smsmsaad and Nour el mansy
and special thanx tp Tout for his shares fe elmontada as i got a complete conclusion of him through his sharings.
may ALLAH bless you all isA wybarek loko fe 3rabeatko :))
الف مبروك و بالتوفيق ان شاء الله