السلام عليكم ورحمة الله وبركاته
حبايبي الصقور .. ليكم وحشة كبيرة والله
زي ما احنا اتعودنا منكم إنكم دايما بتحبوا الخير لغيركم .. ومحدش بيبخل بأي حاجة على حد .. ولو في أي فرصة حلوة بتنشروها عشان الكل يستفيد
عشان كده أنا حبيت أفكركم بإن يوم السبت الجاي بإذن الله هيبقى يوم عاشوراء .. والصيام في اليوم ده يكفر ذنوب السنة اللي قبله
يعني صيام يوم واحد يكفر ذنوب سنة كاملة .. يبقى بالله عليكم دي فرصة تتفوت؟!!!
وخصوصا إن الجو مش حر يعني مش هنلحق نعطش .. واليوم قصير يعني مش هنلحق نجوع
وكمان يستحب صيام اليوم اللي قبله "يوم الجمعة" .. عشان النبي صلى الله عليه وسلم قال في العام اللي قُبض فيه : " لئن بقيت إلى قابل لأصومن التاسع"
عشان نخالف اليهود اللي كانوا بيصوموا العاشر فقط لأن اليوم ده هو اللي ربنا نجى فيه موسى عليه السلام وقومه من فرعون وقومه .. فقال النبي صلى الله عليه وسلم: " نحن أحق وأول بموسى منهم "
وماتنسوش إن صيام يوم واحد في سبيل الله يباعد النار عن وجهك سبعين خريفا
أسأل الله عز وجل أن يحرّم أجسادنا وأجسادكم على النار ... وأن يدخلنا الجنة مع الأبرار .. وأن يحشرنا وإياكم مع النبي المختار صلى الله عليه وسلم
[img2]http://img823.imageshack.us/img823/5615/m11rt.jpg[/img2]