-*-*- بفكر أشتري ميجان أوتوماتيك موديل 2005 وما حوله فبماذا تنصحوني ؟ -*-*-

محتاج عربية أوتوماتيك

في البداية كنت بفكر في جولف4 موديل 2000
لكن لقيتها أسعارها عالية معدية ال 60 ألف
وأغلب الأوتوماتيك فيها متسقطلها مواتير
اقريباً كل الأوتوماتيك المعروض في السوق منها متسقطله مواتير

وسمعت بالصدفة إني ممكن أشتري ميجان 2005 بحدود 50 ألف أو أكتر شوية وتكون كاملة اوتو

سعرها رخيص ليه كده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟

لكن في ناس بتقللي إهرب منها وإلا هتندم
ليه
يقلك
قطع غيار نار وكثيرة الأعطال
وصعبة الصيانة
ولا يفهم فيها إلا القليل مثل التوكيل وقليل من الميكانيكية

فهل هذه إشاعات

يا ريت حد يطمني

أنا متعود على الجولف2
أعطالها قليلة وصيانتها سهلة وقطع غيارها مرطرطة ورخيصة

فهل من مجيب ؟

بص يافندم بالنسبة للميجان كعربية ثبات عالى جدا ،امكانيات عالية واوبشن وبانوراما وامان عالى جدا
وبسعر قليل ليه؟ عشان العربية ظهرت فيها مشاكل فى موديل 2005
واتصلحت فى الموديلات اللى بعد كده

وعشان عربية دى زى الالمانى الجديد كلها حساسات فبلتالى محتاجة صيانة منتظمة وقطع غيار كويسة وحد بيفهم فيها
والافضل انك تجيب موديل 2006 او2007
غير كده سيبك بقى من كلام التجار والسوق واسال اى حد هنا معاه ميجان بعد موديل 2005 هيقلك اشعار فيها

http://www.nilemotors.net/Nile/24062-ii.html

على فكرة 2005 عربية كويسة والحاجات اللى كانت بتبوظ بسرعة فيها الكويلات البطارية ترس الديفيزور وكانوا بيتغيروا بانواع كويسة فى ا لضمان

كمان نتشة فى الفتيس وكان بيتعمل ليها سوفت وير فى التوكيل

إنما كعربية مش معيوبة ولا حاجة

انا كنت واقع فى نفس حيرتك دى بالظبط والعربية كانت عجبانى و من 5 سنين تقريبا كل مأخد قرار ان اشتريها الناس تخوفنى منها والكلا اللى انت اكيد سمعته
لغاية من شهر تقريبا قررت اشتريها بعد ما سئلت رجالة رينو المحترمين فى المنتدى وخارج المنتدى
الغريب انى لاقيت ان اللى بيزم فى العربية هو اصلا مش راكبها وبيتكلم على السمع فقط ، كله يقولك اص واحد جارى ، وواحد صاحبى الخ...

العربية معايا بقالها شهر تقريبا وما شاء الله مفيش اى مشاكل ، عربية فخمة ، راسية، موتور كويس ، قطع غيار رخيثة ومتوفرة ، بصراحة ان مش محتاج اكتر من كده والحمد لله .

انصحك بيها لو عربية سليمة وصيانتها فى التوكيل تحسبا لعك الصنيعية .