الحمد لله ...... استلمت سيراتو 2013
أهلا برجالة كيا و المنتدى كله ,,,,,,,,
الحمد لله استلمت امبارح سيراتو SX 2013 وكيل اللى قبل الهاى لاين على طول
بسعر 130000 ياعنى زيادة عن الوكيل ( السعر الرسمى 129 ) بألف جنيه فقط
و ده أقل أوفر برايس لاقيته + موزع معتمد محترم جدا ما شاء الله ( محمد زكى أول طريق السخنة )
الحمد لله العربية فيها كل الى كنت باتمناه ( اللهم دمها نعمة و احفظها من أى سوء يارب العالمين )
أنا عارف إن السيراتو هاتتغير خلاص فى 2014 بس أنا الشكل ده عاجبنى و صيانته سهلة و قطع غيار متوفرة + إن الشكل جديد مش هيقل عن 20000 زيادة على نفس المواصفات
فرق ال SX عن الهاى لاين ( 9000 جنيه ):
1- فتحة سقف
2-smart key
3-مرايات ضم
العربية بقت جنط 16 حتى للهاى لاين + ليدات قدام فى الفوجات + الشكمان بقى بالطول و أعلى شوية ( ديه الختلافات الخارجية تقريبا )
نسيت أقول إنهم زوّدوا كمان شيفتات فى الطارة من أول الفئة ديه و جرّبتها و أنا راجع و بصراحة مالهاش حل بسم الله ما شاء الله
لو حد عايز يعرف مواصفاتها يقول و أنا تحت أمره
ادعولى بقى إن ربنا يباركلى فيها و يكفينى شرّها