الموضوع: ارجو المساعدة : فورد فوكس ٢٠١٣

لا يا باشا مش نفس الشكل و نازل منها سيدان
و هاتشباك ..... واحد صحبي لسه جايبها قالي
عيبها الوحيد فيها نتشه في السرعات الاولانية
بالمناسبة انا بفكر اجيب ب م ٣١٦ ٢٠١٠ ايه رايك
و تعرف حد او مكان بيبيع ؟؟؟؟

المشاركة الأصلية كتبت بواسطة ahmed-na3im

لا يا باشا مش نفس الشكل و نازل منها سيدان
و هاتشباك ..... واحد صحبي لسه جايبها قالي
عيبها الوحيد فيها نتشه في السرعات الاولانية
بالمناسبة انا بفكر اجيب ب م ٣١٦ ٢٠١٠ ايه رايك
و تعرف حد او مكان بيبيع ؟؟؟؟

ازاي ياريس دة انا لسة شاري واحدة ع الزيرو من الطارق اللي في إسكندريه زي اللي مع الاستاذ محمود فوزي بالظبط ونفس اللون كمان وقالي ٢٠١٣ بتنزل متأخرة علي نص يونيو السنة الجاية والموديل ٢٠١٢ جديد ومش هيتغير في ٢٠١٣

عشان اللخبطة بس :)

ده الشكل القديم






و ده الشكل الجديد اللي نازل السنة اللي فات






و ده لسة لحد دلوقتي متغيرش

انتو صح يا جماعة هي دي اللي مع صحبي
كده حددنا العربية :) فيها عيوب فعلا ولا اتكل
علي الله واشتري ؟؟؟

اتوكل علي الله واستخير ، هيا عربيه ماشاء الله عليها ومظلومه في مصر جامد علشان ثقافه السوق عندنا بجد باللشقلوب و مفيش توكل علي الله كله بيفكر يبيع قبل مايشتري اصلا، وكمان لازم تكون عارف هتدفع فلوساك في ايه بالضبط، بقولك ايه نصيحه ممكن تشوف الاسبورتاج ام ٢٤٠ بقولوا هتوصل ل ٢٥٥ بعد استفتاء الدستور انشاء الله!!!!!

هههههههههه والله انا فكرت فيها او القاشقاي
بس هتستلم بعديها ب ٦ شهور او تدفع
اوفربرايس بتاع ٢٠ الف ... و اهلي كمان
مصممين علي الكورولا الجديدة وانا محتار
بين كل دول بجد دماغي هتفرقع :)

انا سمعت ان الكورولا هتغير شكلها السنه اللي جيه، لا تقلق ان اخدت الكرار بعد ٥ شهور بحث واستشارات الاخوة الافاضل ، انا بدأت ب ١٣١ وبعد كده بولونيز وبعد كده لانسر البومه والشارك وشويه هوندا سيفيك ٢٠٠٩ لمده سنه وبعدين كان نفسي في حاجة اوروبي او امريكي المهم ربنا هداني للفورد . المهندس محمد فوزي هوه اول واحد كان كاتب التقرير هنا وبجد ربنا يجازيه خير، حسيت اني مش لوحدي اللي بفكر في الفورد، لسه في ناس عايزه تسيب نظريه القطيع، اهدا انت كده واستخير وانشاء الله هتلاقيها جت لوحدها، لو انت سواقتك مكروباصات الفورد الهاتشباك هتقول معاك جامد قوي ، ازازاك مقفول وال اف ام شغال تمام والموبايل متوصل تمام ، فتيسك علي الs وايدك علي ال + و - ومستني عمال تبص في المرايات هااااااااا يارب ابعت حاجه علشان نتسلي بس متكونشي female علشان دول مش بيهموهم حاجه:), ربنا يستر طريقنا واحنا تحت امرك في اي حاجة.