الموضوع: رشاشات و حساس الاكسجين

انا روحت امحمد عبده يوم الجمعه علشان انضف البوابه والايديال بس للاسف محمد عبده كان مشغول بعربيه ليجانزا المهم الى اشتغل معايا حسن وحسن هوه عنده اتين اسطوات اسمهم حسن بس هوه قلى ان البوابه مش هيفكها معرفش ليه قلى هنفك الخرطوم الى جاى من فلتر الهوا ونرش فى الفتحه بتاعة البوابه بالكربون وفعلاً شال الخرطوم ودور العربيه وبقى يزود بنزين علشان الا كس او الباب يفتح ويرش جواه وكان بينزل هباب اسود الموضوع ده عمله محمد عبده بتفسه وخد حوالى 5 دقايق منه ولاسطى حسن رجلش على التيل الخلفى ورش wd40 على ا لشدادات الخلفيه لانها كانت بتعمل صوت زى طقه فى المطبات وشحم الكلبرات الى ادام لانها كانت مبوشه شويه وبص على العفشه وقلى فيه شويه حاجات المفروض تتغير البطاحات وشدا شمال وجلب مقصات المهم ساعة الحساب محمد عبده ماكنش موجود فحسن اتصل بيه وقاله على الشغل الى اتعمل فقاله المصنعيه 60 جنيه ! المهم حاسبت حسن ومشيت وقولت افوت على محمد السيد لانى كنت حاسس ان العربيه بتاكل بنزين عن الاول محمد السيد ركب الجهاز وبص على نسبة تدفق الرشاشات لاقها 3.6 فقالى ده كتير قوى المفروض ماتزدش عن 2 بالكتير وقالى هنبص على حساس الاوكسوجين ولقينا اريته 250 "350 فقالى برده ده مش مظبوط المفروض يوصل لحد 900 ويكون معدل التغير بتاعه سريع وحنا لسه بتكلم جه واحد بعريبه نوبيرا مصرى 1600 لمحمد علشان يظبط حاجه فمحمد قالى نشوف الرشاشات وحساس الاوكسوجين معدلهم كام فيها وفعلاً وصل الجهاز ولاقه معدل الرشاشات 1.8 وحساس الاوكسوجين لاقى قريته من 250 ال 900 ومعدل التغير سريع جداً فتصلت بمحمد عبده رد على حسن وقلته على الموضوع قالى لازم تغير رشاشات قلته على بتاعة bmw قالى هوه عنده نوع المانى مستعمل كويس بس مقاليش على نوعه فمش عارف اركب انه نوع للرشاشات وهل الرشاشات لو اتظبطت حساس الاوكسوجين هيظبط ياريت رأيك يا استاذ ممدوح وعلى فكره صورتك منوره عند محمد عبده

المكان الى راكب عليه الخرطوم الى جاى من علبه الفلتر بتاع الهواء وماسك بكوليه حديد محمد فك الكوليه وسحب الخرطوم من على البوابه والكلام ده والعربيه دايره وقعد يزود بنزين علشان الباب بتاع البوابه يفنح ويرش الكربون جواه وزى ماقلت ان كان بينزل هباب اسود لغاليه ما وقف الهباب الى نازل وركب الخرطوم تانى وبس

موضوع الكاليبر زى ما قلت فكه وهوه عباره عن مسماريين صلب داخلين جوه الدشمه بتاعة البستم فكهم وجاب اجنه حديد وشاكوش وعمل زونبتين على كل واحد وبعدين حط شحم جوه المجره الى بيدخل فيها وراكب عليها كوتشه وركب الكالبرات تانى وفعلاً البوش منع وبقت كويسه