الحمد لله و ربنا يبعد الناس دى عننا
عرض للطباعة
الحمد لله و ربنا يبعد الناس دى عننا
ألفين سلامة على عربيتك من البنزين الملوث ده
المشكلة إن مش في كل الحلات نقدر نعيش على 20 جنيه بنزين
يعني لو مسافر مطروح تعمل إيه؟؟؟ أو أي طريق سفر أو محدوف
ده غير إن محدش ضامن يصحى يلاقي المحطات فيها أو مفيهاش
ده كويس إن الموتور عندك كربريتور، حصلتلي بس في البيجو مش الفيليشيا وكنت راجع من السويس وطبعا كل ما الموتور يكون معقد والكتروني وانجكشن هتشوف الويل وكانت الدنيا هتطير في الموتور لولا ستر ربنا بس السرعة القصوى كانت 60 !!!!
يا فندم الدوا بيتغش مش البنزين !!!!!!
الحمد لله انها جت على اد كدة بس احب اقول لحضرتك ان المياة مبتتخلطش مع البنزين يعنى لو البنزين الى حضرتك حاطة كان فية مياة مكانتش العربية هتمشى اساسا جرب تحط مياة وبنزين فى ازازة وهتعرف الوضع هيبقى ازاى فى التنك هو ممكن بس يكون التانك بتاع البنزينة الى فولت منها كان فية شوائب
الغش ممكن فى بنزين 90 بيخلطوة مع 80
وبالنسبة ل 92 صعب غشة لان لونة مختلف عن 90 و 80
انما ممكن بردو
على فكرة انا بامون 80 على طول وفيفورتى مبسوطه معاه وراضيه هههههههه ربنا يهديها كمان وكمان....* والمحطة اللى مونت منها محطة نضيفى معتاد امون منها على طول والنهارده مونت من محطة محدوفة شويه يعنى مش فى مستوى المحطة التانيه يعنى يظهر ان الغش من سائق شاحنة البنزين زى ماقولت مش فى المحطة*
شكرا ليك على التنبيه وربنا يكفينا شر الناس دي
والله حصلت مع واحد جاري ولقيت الراجل مفضي التانك والبنزين نازل معاة حاجات غريبة زي مياة بيضاء ورغاوي
تحس أنه مون نص التنك 80 والنص التاني صابون ههههههههههه
عموماً ربنا يسترها علينا ومحدش يوقف الموقف دة
أنا عن نفسي بمون من بنزينة واحدة بس وكمان قريبة لي من المنزل
وتقريباً بفول ومبستناش على العربية كل ماتكون البنزينة فيها بنزين وفاضية أدخل أحط بنزين وهيا ونصيبها تاخد 10 لتر أو أقل
أشكرك أستاذ صقر على نقل التجربة واشكرك على كل ما تعلمته منك فى المنتدي
يا استاذ صقر اتحطيت فى الموقف ده مره كنت رايح فرح اخت واحد صحبى والعربيه فضلت تعمل كده كتير لحد ما اتظبطتت
والموضوع كله كان بسبب البنزين المغشوش كنت هرجع البنزينه اعمل مشكله بس قولت بلاش الطيب احسن وربنا ينتقم منهم