ارجو المساعده . سؤالين ... عاوز اعرف هو ممكن اغير طارة ( دركسيون ) عربيه بولونيز 88 بطاره اصغر والتاني هو ممكن اغير الدرعات بتاعة النور والاشارات بدراعات حديثه ... ولو ينفع اذاي وبكام
عرض للطباعة
ارجو المساعده . سؤالين ... عاوز اعرف هو ممكن اغير طارة ( دركسيون ) عربيه بولونيز 88 بطاره اصغر والتاني هو ممكن اغير الدرعات بتاعة النور والاشارات بدراعات حديثه ... ولو ينفع اذاي وبكام
ينفع الطارة .
هاتجيب واحد جديدة ومعاها زور (حاجة بتركب قبل الطارة عشان تتربط فيها )
تنفع حاتجيب الطارة الى انت عايزها وبعدين تجيب الزور الى يركب على عربيتك بس نصيحة اخوية انا كانت راكبة عندى فى عربيتى 128 كان الدركسيون تقيل ومقرف ولما ترجع بضهرك كان استحالة ترجع على مرة واحدة لانك كان لازم تستعمل اديك الاتنين خصوصا لو مش بتستعمل المراية والكلام ده ليه لانك حتصغر القطر بتاع الطارة وحتركب زور فالحاجات الى انت محتاج تلفها زادت اتمنى اكون افدك
الطارة الاصغر بتحتاج عزم اكبر علشان الملفات و الركن
و الموناليزا مش محتاجة تقل اكتر الدركسيون تقيل خلقة فالعملية مش ناقصة
ممكن تغير الطارة و الاشارات ( القطمة كاملة ) بتاعت الموديل الحديث شكلها اشيك و عملية اكتر بس نفس المقاس
طب ودي موجوده عادي ولا اجيبها منين وبتكلف يعني .... وبعدين سئوال هو حضرتك معاك بولونيز ... علشان لو معاك عاوز اعرف كل حاجه عنها اصلها اول عربيه ليا ... يعني بتحطلها زيت ايه بتجيب اكسسوارها منين بالزات ان انا عندي مقبضين بتوع البابين القدام عاوز اجيبهم ومش لاقيهم ويعني تقلي شويىة نصايخ علشان العربيه متزعلش وتعملها معايا ... واكون شاكر جداا
فعلا بلاش تصغر قطر الطارة
هتتقل معاك وهتتعبك
لإن كده ذراع عزم الإزدواج هيكون اقل وهتحتاج قوة اكبر علشان تعمل دوران
شوية استاتيكا كده على ما قسم
ههههههههههه
الف شكر بجد .... انا فعلا جربتها في عربية واحد صاحبي مصغر الطاره بتاعته ولقيت الموضوع مقرف اووي بالذات وانا بركن العربيه .... بس بجد الف شكر على الاهتمام