عرض سبير كار

**إسلام شاهين** · 24-06-2007 01:44 PM

حاضر نكتب تاني ولا يهمك
خلاصة الكلام إن أنا امبارح كنت بركب فرش للعربية بتاعني عند سبير كار اللي في شارع جريدة السياسة من شارع المبتديان الناس ديه معرفه من زمان ( أمير محمد مصطفى ) كان تلميذ عندي في ابتدائي وإعدادي دلوقتي ثانوية عامه ما شاء الله وكمان عماد وإسلام ، المهم الراجل بصراحه قام بالواجب الفرش كان خامات مستورده بجوانب جلد كان ب375 حسبهولي ب 230 بالتركيب و الدواسات اسمها الحوض مستورده برضه حسبهالي ب 60 وعرضت عليه قصة المنتدى ده وإنه يبقى فيه تخفيض للرواد الأعزاء فالراجل رحب جدا جدا وقالي أنا تحت أمرك ( تلميذي بقه وياما ضربته ) المهم لو حد عايز أي حاجه من هناك يا جماعه أنا تحت أمركم سواء الفرع ده أو فرع الداخليه بتاع مدينة نصر امتداد رمسيس بصراحه عمري ما رحته ، وأنا النهارده إن شاء الله احتمال رايح تاني علشان أركب الإنذار .
وأنا تحت أمر الجميع .

**معاذ الشرباصى** · 24-06-2007 01:47 PM

هو حضرتك علشان تبقى حاجة رسمى, حضرتك ابعت للادارة زى بايو او محمود حفناوى

علشان يبقى فى تنسيق, و كله رسمى

علشان لو حد احتاج حاجة من هناك يروح على طول و ميتعبش حضرتك معاه

**إسلام شاهين** · 24-06-2007 01:49 PM

حاضر يا معاذ أنت تعبتني معاك نبعت للإدارة
بهزر متزعلش

**معاذ الشرباصى** · 24-06-2007 01:52 PM

حاضر يا معاذ أنت تعبتني معاك نبعت للإدارة

انا بس علشان اجنب حضرتك اى مشاكل او القيل و القال

شوف حضرتك الموضوع ده
http://www.nilemotors.net/Forum/viewtopic.php?t=846

و بعدين احنا طلعنا جيران يعنى :)

**PAYOO** · 29-06-2007 01:03 PM

والله يا أستاذ أسلام أحنا بنرحب جدا بأي عروض طالما أنها تحظى بالمصداقيه

ولو حضرتك تحب أننا نعلن عن العرض ويكون من ضمن خدمات نايل موتورز يا ريت حضرتك تجيب لنا عرض واضح يتضمن نسبة التخفيض التي سوف يتم منحها لأعضائنا الكرام

وشكرا على مجهوداتكم

**معاذ الشرباصى** · 29-06-2007 03:27 PM

فعلا, لو الموضوع ده اتنفذ هيفيد ناس كتير

سبير كار مشهورين

و الصيف داخل, و ناس كتير بتحب تعمل حاجات فى عربياتها

فياريت نسمع اخبار حلوة قريب ان شاء الله

**bassam nagy** · 29-06-2007 03:34 PM

انا اتعاملت مع فرع مدينة نصر وناس محترمين اوى وحاجاتهم حلوة ياريت يبقى فى عرض لاعضاء المنتدى

**إسلام شاهين** · 29-06-2007 03:34 PM

إن شاء الله يا جماعه أنا نازل بكره رايحلهم علشان أركب الإنذار فياريت لو حد حب يروح معايا علشان نشوف نسبة التخفيض هتكون كام ونوصل لأحسن حاجه للأعضاء الكرام .
0127687781---- 0109613133

**sebai** · 04-07-2007 11:09 AM

استاذ / اسلام هل من جديد بخصوص الخصومات :!: :?: :)
روحت سبير كار يوم السبت و الا لا
طمنا يا باشا اصل اخوك محتاج كام حاجة من هناك :) :)

**إسلام شاهين** · 04-07-2007 11:20 AM

[b]يا باشا أنت تؤمر شوف اللي إنت محتاجه وأنا تحت أمرك عايز آجي معاك من عنيه ، وبالنسبة للخصومات والله أنا حاولت أقابل الأستاذ / محمد مصطفى بس للأسف الدنيا كانت زحمة جدا حتى أنا كنت عايز أركب الإنذار كان أقرب معاد بعد أسبوع فقلت مش مشكلة أروح في يوم تاني ، بس شوف أنت عايز إيه وأنا تحت أمرك .
0127687781 - 0109613133