مكان ال usb فى ميتسوبيشى شارك 2012

**mosolini2** · 22-11-2012 08:23 PM

ان لسة مستلم العربية و قالولى مكانها فى حتة تحت الكاسيت ورا الفتيس ان لقيتها بس عليها cover plastic ثابت شوية فى مكانة فخايف لخلعة يطلع وراة مفيش حاجة

**eng.ghost** · 23-11-2012 03:50 AM

راجع الكتالوج
واكيد لو هى دى الحتة يبقى بتتخلع بمفك عاده رفيع او بنسه شعر حريمى رفيعه
بس إتأكد الأول
و هل على القطعة البلاستيك علامة رمز اليو إس بى؟

**heka_m_y** · 23-11-2012 01:01 PM

بص يا عم موسيلينى انت هتشد الكافر من تحت الى فوق هو مش بيتخاع كله يعنى مش بيتشال كله عامل زى المفصلة فاهمنى يعنى تشده من تحت هتلقيه فتح بس ممسوك من فوق علشان لما تحب تقفله تانى وهتلاقى تحته فتحتية aux لو العربية الفئة الثالثة فتحتين زى وصلة الاوديو والفيديو وهتجيب وصلة بتتباع فى كل حتى من ناحية زى جاك الاوديو بتاع الريسيفر ومن الناحية الاخرى زى جاك الموبايل وده وظيفته انك توصل الموبايل أو mp3 بسماعات العربية . أرجو انى اكون افدتك ولو ليك اى سؤال تانى فى العربية او سمعت اى صوت غريب أول ليك اى ملحوظة انا تحت امرك .

**mosolini2** · 23-11-2012 01:34 PM

شكرا لاهتمامكو ان اللى معايا الفئة الرابعة ...................
و الحتة اللى كنت شاكك فيها ورا الفتيس حتة بلاستك كدة شلتها امبارح و لا لقيت aux ولا usb و مش عارف بقى هما فين و ياريت اللى يعرف هما فين يفدنى

**eng.ghost** · 24-11-2012 02:39 AM

طب صور الطابلوه و ارفع الصور ندور معاك

**mosolini2** · 24-11-2012 02:25 PM

الف شكر يا جماعة على الرد و الاهتمام ................انا خلاص لقيتها طلعت فى مكان غريب قوى فى الدرج بتاع الطبلوة

**eng.ghost** · 26-11-2012 02:46 AM

الف شكر يا جماعة على الرد و الاهتمام ................انا خلاص لقيتها طلعت فى مكان غريب قوى فى الدرج بتاع الطبلوة

لا بجد؟
ههههههههههههههههههه
عموما مبروك
بس دى تحط فى الفلاشة جوه الدرج و لا إيه النظام
وده على كده لازم يبقى فاضى؟
ممكن تتعب وترفع صورة نشوفها ونستفاد و نشوف حل تطلع بره ازاى

**MIVEC.A92** · 26-11-2012 04:48 PM

موجوده جوا التابلوه من فوق في حته مخفية و انا جبت USB Extension ب 2 جنية و خدت البلاستيكاية الفاضية اللي حضرتك شيلتها في الأول و اخدت مقاسات البورت بتاعت ال USB و قطعت في الحتة البلاستيك علي اد البورت و لزقتها بلزق قوي جدا و مررت ال USB من ورا التابلوه و كدة بقي مكان ال USB تحت في التابلوه و بقالي 7 شهور عامل الحكاية دي و زي الفل .

الموضوع صعب و محتاج دقة بس النتيجة في الأخر كويسة مع العلم ان اللزق لازم يكون قوي جدا انا جبت الأنبوبة اللي عاملة زي الحقنة و فيها ماديتين و بتلخبطهم علي بعض دي قوية جدا