ارجوكم لو حد يعرف عفشجي ميجان ٢ يقولي علشان العربية بتشخلل و محدش عارف يحل المشكلة:120146b
عرض للطباعة
ارجوكم لو حد يعرف عفشجي ميجان ٢ يقولي علشان العربية بتشخلل و محدش عارف يحل المشكلة:120146b
اي اقتراحات
بتشخلل ازاى يعنى ؟
حضرتك فين ؟ القاهرة ؟ إسكندرية ؟....
بتشخلل!! انا عن نفسى معرفش حاجه فى العفشه بتشخلل، ممكن يكون الصوت ده جى من علبه البيئه، بيبقى فيها فحم واقع من الفلتر اللى فيها و بيعمل الصوت ده
حاول تركز الصوت جى منين، لو من نص العربيه يبقى هى علبه البيئه أو لو تعرف تنزل انت تحت العربيه و تجرب تخبط على علبه البيئه و تشوف هى اللى بتشخلل ولا لأ، بس و العربيه بارده عشان لو العربيه دايره علبه البيئه بتبقى سخنه اوى
علبه البيئه بتبقى فى نص العربيه بالضبط بعد المصفحه بتاعت الموتور على طول
انا ساكن في القاهرة
المشكلة ان لما بدوس علي الفرامل او بجري بالعربية شوية اسمع برجرجة و خبط تحت رجلي من ناحية اليمين
و برضه الصوت بيطلع لما اعدي فوق عيون القط او حتة غير ممهدة احس ان في حاجة بترجرج تحت
انا غيرت مساعدين بالبطاحة و البلي و غيرت المقصات و تيش الميزان و بارات داخلي و خارجي
في ناس قالوا لي علبة دريكسيون و ناس قالوا القنطرة بس علبة الدريكسيون اللي اعرفة تبقي مبوشه لو فيها حاجة و القنطرة مش عارف متهيألي غريبة شوية
فعلشان كده هايز عفشجي كويس يظبط العربية علشان فعلا زهقت :120146b
عندك 3 قواعد موتور بص عليهم عند الميكانيكى احتمال كبير خما السبب وبرضوا اتاكد الى قفلك المساعديين والبطحات ربط كويس وميش حاجة مفككوكة
طبعاً فيه أسباب كتير
عموماً انا هوصفلك واحد كنت بتعامل معاه............هو مهندس مش صنايعي.......و علشان كده غالي شوية
الورشة أسمها كار بويز............فى شارع جوزيف تيتو ( طريق السندباد) بتوصل لأخر الشارع.....هتلاقي كوبري....متطلعش....لف من تحته يو ترن و هتلاقي الورشة بعد 100 متر على يمينك.
أسأل على المهندس خالد غازى أو المهندس سعيد.