الموضوع: تجربتي في تسقيط موتور 1400 علي ابيزا 99 لعلها تفيد حد

المشاركة الأصلية كتبت بواسطة magdy_momo

أولا انا الموضوع فات عليه شوية وقت بس قلت احكي عشان ممكن حد يستفيد ..
انا معايا عربية ابيزا 99 مكنة 1000 سي سي اشتريتها و تقريبا المكنة كانت نص عمر مستحملتش رجلي و بدأت تجيب زيت ..
سافرت بورسعيد مع الميكانيكي بتاعي جيبنا مكنة 1400 بالمنافولد الفبر بالضفيرة بالديسك و بكل حاجة ماعدا الكومبيرسور و الفتيس و عملت حوالي 2300 بالورق بتاعها..
طبعا كنت عايز اجيب المكنة بفتيسها بس الميكانيكي فتي عليا و قالي فتيس ال1000 يركب علي ال 1400 مفيش مشاكل و لقيت الراجل البورسعيدي قالي نصيحة غير الفتيس بالمرة المهم نفضتلو و مخدتش الفتيس ..
ركبت المكنة تمام التمام و العربية بتجري بس حاسس انها مخنوقة شوية و مسافر مرة و ماشي علي 160 و لقيت الالغيار الخامس نطر و العربية حالفة ماهي جايبة خامس
فضلت اسايس فيها شهرين لحد ما الغيار الاول كمان ضرب .
أخدت بعضي وروحت لواحد استيراد في الاسماعيلية و حليت فتيس 1400 من مكنتها بالقواعد بساعة السرعة و اخدتو ب 500 جنيه .
ركبت و حسيت بالفرق الشاسع الغيار بقي روحو طويلة عن الاول و العربية فكت و بقت بتاكل الاسفلت..
هحاول ارفع شوية صور و اعذروني علي عدم التنسيق عشان انا مليش خلق بصراحة :D

[OVERLINE]اي حد عنده استفسار يقول يا جماعة [/OVERLINE]

الف مبروك وربنا يعطيك خيرها ويكفيك شرها ان شاء الله
وشكرا على نقل التجربة علشان بصراحة الموضوع دة فى ناس كتير لحد الان بتختلف علية
بس انا رأى انك طالما هتغير المكنة من 1000 الى 1400 يبقى مجتش على 500 جنيه بتوع الفتيس واغيرة افضل علشان تبقى كل حاجة متناسقة

حاجة اخيرة .. انت ملقتش سيرفر غير دة ترفع علية الصور :) ده فضايح !!