عندي سؤال ..
مين المسئول عن كتابة المعلومات الخاصة بالسيارة على ال موقع : kia-online.com
هل هو الوكيل في مصر ؟ ام الشركة الأم في كوريا ؟
عشان أنا عندي عربية رقم الموتور الموجود في المعلومات على الموقع ...مخالف للواقع !
مع العلم أنا المعلومات الموجودة على الموقع مطابقة ل الافراج الجمركي الوارد في ملف العربية .
...... مين عنده معلومات عن الموضوع ده ..أرجو الافادة .
المصنع فى كوريا هو الى بيكتب المعلومات الخاصة بالسياره مش الوكيل فى مصر او اى دوله اخرى
والوكيل مش هيقدر يغير لك اي حاجة من البيانات دي لان المشكلة اللي عندك هي تغيير الموتور نفسه وليست مشكلة من التوكيل او من كوريا نفسها.
يا اما صاحبك غير الموتور ومعرفكش لكن انت بتقول انه ثقة بس محدش ثقة اليومين دول يا اما سمير ريان المعرض اللي هو اشترى منه كان مغير الموتور اساساً للعربية وفي كلا الحالتين موضوع تغيير الموتور ده سئ جداً ومنصحكش تاخد العربية
لو العربية مترخصيتش يعني زيرو يبقي الموتور متغير وإبعد عنها ... أما لو مستعملة فممكن تستعلم عنها من موقع الحكومة الإلكترونية
بوابة الحكومة المصرية - أشخاص
بالاسم والرقم القومى ورقم الشاسية واسم المالك
وده موضوع نشره أحد الأعضاء في المنتدي ده الرابط بتاعه:
http://www.nilemotors.net/Nile/320393-a.html
التوكيل ملوش صلاحية تعديل على البيانات دى
ربنا معاك يا wookiee
والله ان موضوعك محير فعلا ....
ربنا يوفقك باذن الله
و الله أنا بلف حولين نفسي مش عارف ايه اللي بيحصل .
الvin ده اللى بيتحكم فيه هو المصنع والشركة الام وليس التوكيل
بالعكس التوكيل بيتعامل مع العربية من خلال رقم التعريف vin لشراء قطع غيار او معرفة تاريخ السيارة فى التوكيل وغيرها ..
طيب الموقع (Kia-hotline.com) ده مضمون ؟؟ ولا الوكيل ممكن يكون عنده معلومات مختلفة ؟؟؟ عشان أنا الموقع اداني نفس معلومات الوكيل ...المخالفة للواقع ... هل الوكيل ممكن يدخل علي سيستم تاني في كوريا ؟؟ ولا هو هو نفس الموقع
انت ليه مش عايز تصدق الشركة الام الاصلية اللي محدش يقدر يغير في البيانات دي اي حرف ومصدق العربية اللي قدامك اللي انا اقدر اغير فيها كل كبيره وصغيره ؟ اصدق مين ؟اقتباس:
المشاركة الأصلية كتبت بواسطة wookiee
الشركة طبعاً عربيتك هي اللي متغير فيها البيانات دي ومتاخدش العربية رجعها مره تانية للشخص اللي اشتريتها منه الفلوس مش لاقينها في الارض علشان تاخد عربية متغير لها موتور ده روح العربية خلي بالك اول حاجة في العربية هي الموتور والفرامل بعد كده من مواصفات دي كلها كماليات
تعرف لو مثلاً كان فيها ليدات وانت ملقتش الليدات دي اقول لك ماشي مش مشكلة لكن موتور متغير دي مصيبة وكارثة في حد ذاتها