الموضوع الرسمي لتحويل موبينة الماروتي اللي موبينة الكتروني

**Amr Axel** · 23-11-2012 03:45 PM

بسم الله الرحمن الرحيم
السلام عليكم و رحمة الله وبركاته

ان شاء الله الموضوع ده هيكون الموضوع الرسمي للمقترح الي تفضل الاخوة باقتراحه و هو تحويل موبينة الماروتي اللي موبينة الكتروني
و ده منعا لخروج اي موضوعات اخري عن اطارها

و تفضل أ \ اياد بان الموبينة الالكتروني بتكون لـ4 سلندر فيما فوق و هيبحث في الموضوع اكتر

و كان ردي ان ممكن موبينة الالتو تنفع لأنها 3 سلندر و نوعها دينسو

و ابو حازم قال ان تواجدها في احد المحلات

و الـ elking_2006 تفضل باضافة فيديو عن تحويل موبينة الماروتي

Multi Point Ignition Demo on a Maruti 800 car. - YouTube

و المشاركات بالنص هتكون في المشاركة رقم 2 :)

فاي اقتراح او فكرة او معلومة او حاجة جديدة عن الموضوع اتمني الا تكون خارج هذا الموضوع منها التزاما بقوانين المنتدي و في نفس الوقت للافادة ان الموضوع يكون في موضوع واحد مجمع

**Amr Axel** · 23-11-2012 03:50 PM

و ديه مشاركات النسور ع الترتيب في احد الموضوعات عن الموبينة الاكتروني

المشاركة الأصلية كتبت بواسطة alking_2006

يا عمرو ان شوفت فيديو على اليوتيوب الراجل كان هندى و مصور جوا الكبوت
كان مركب بوبينه الكترونى و طالع منها سلوك ديركت لحد البوجيهات
و كان بيتريق و جايب زجاجة مياه و عمال يدلق على البوبينه و الاسبراتير اللى طبعا مبقاش له لزمه عنده بس راكب و خلاص و جاب الشاكوش و هوا بيدور جوا و قام دالق مياه و قام دالق على سلوك البوجيهات و البوجيهات نفسها علشان يعنى يورينا انه ممكن ينزل بالماروتى المياه دلوقتى :) بصراحة الموضوع عجبنى جدا و طالما الهنود عملوه يبقى اكيد احنا نقدر نعمله بس محتاج فحص و محص

المشاركة الأصلية كتبت بواسطة eiad_naser

المشكله في قطعة الغيار اللي بتزل مصر بتكون صيني ومضروبه بالجزمه واعطاله كتير
وقطع الغيار اللي بتكون معتمده وماركه بتكون غاليه جدا
والتجربه المجازفه صعبه خاصة دلوقتي
فكرة عمل الابلاتين الكتروني انه بيشيل الابلاتين وبيركة دائرة فصل ووصل تعمل بالمجال المغناطيسي وبيتم وضع قطعه مغناطيس تولد مجال مغناكيسي في الوقت المناسب لكي يتم ارسال شراره للبوجيه
وده موقع شركة من شركات تصيع اللابلاتين الالكتورني

electronic ignition conversion kits, distributors, ignition coils for vw, volkswagen, porsche, audi, bmw, volvo-penta, mercedes, saab, bosch, ford, autolite, mallory, prestolite, delco, gm, chevrolet, honda, nissan, datsun,

بس للأسف الشركه ده انتج للمواتير 4 سلندر و 6 سلندر و 8 سلندر ولم تنتج لل 3 سلندر
وان شاء الله اول ما اتوصل لحل هبلغكم بيه

المشاركة الأصلية كتبت بواسطة amr axel

و الله طالما مطبقة يبقي تمام بس فيه نقطة ان برة الحاجة بتنزل غير هنا حتي الماروتي برة غير هنا
الالتو اللي برة حاجة و اللي نزلة عندنا حاجة و اللي نازلة جديد حاجة

بس مش هنخسر حاجة اما نشوف

و ممكن لو حد مشترك ع يوتيوب يبعت للراجل ده يساله عملها ازاي

المشاركة الأصلية كتبت بواسطة amr axel

كلام سليم يا باشا بس فيه هنا ناس بيجيبوا قطع نضيفة
و الموبينة في الالتو دينسو و بالتالي ممكن نشوف توكيل او مستورد دينسو هنا و يشوفلنا الحوار ده مع العلم ان الالتو 3 سلندر برده يعني ممكن بتاعت الالتو تركب

المشاركة الأصلية كتبت بواسطة dr.hazem

الموبينه و الاسبراتير الإلكتروني موجودين عند رامي تمنهم الاتنين على بعض لو انا فاكر صح 350 جنيه وانا استغليت المبلغ شوية لكن كان نفسي اجربهم...
تحياتي

sent from my se arc s using forum runner

المشاركة الأصلية كتبت بواسطة alking_2006

تفضلوا الفيديو اللى قولتلكوا عليه على اليوتيوب

multi point ignition demo on a maruti 800 car. - youtube

**Amr Axel** · 23-11-2012 04:38 PM

المشاركة الأصلية كتبت بواسطة eiad_naser

هوا اللي انا سئلت عليه عند رامي كان اسبراتير كامل الكتروني كان ب 275 وفكيته لقيت مكون الكتروني اسود بدل الابلاتين والاسبراتير ده بيركب بدل الاسبراتير العادي علي نفس الموبينه وعلي نفس البوجيهات وبيحسن قوة الاشعال في البوجيه وبيبعدك عن
ان الابلااتين لدع
المكثف باظ
ابلاتني مضروب معاش اكتر من شهر
كل فتره تظبط الابلاتين
الاسبراتير الالكتروني بخرجك من المشاكل ده كلها
طيب نيجي بقي للسبراتير الكتورني ده مبيبوظش ؟ ههههههههههههه
اه بيبوظ ولو باظ العربيه بتقطع مره واحد غير الابلاتين لو لدع العربيه تنتش وتتبرجل تنزل تسنفر الابلاتين تدور العربيه تدورر معاك وبعد ما تروح تغير الابلاتين لكن الالكتروني لو باظ قطع ووقفت العربيه ياخبر ؟؟؟؟؟؟؟
طيب سئلت رامي المكون اللي جوه صناعته ايه كان تقريبا صيني ابتدي اقلق يعني ممكن يبوظ في اي لحظه ملوش عمر افتراضي لو ليه عمر افتراضي هغيره قبل معاده تفادي للمشاكل
طيب الابلاتني الالكتورني بيتباع لوحده ؟ أه
طيب بكام قالي ب 65 طيب وريهوني قالي مش موجود دلوقتي ؟؟؟
ده اللي خالني مفكرش في الموضوع في الوقت الراهن واحاول ادور اجيب حاجه ماركه تكون محترمه
هيا كل المشكله في الاسبراتير مش الموبينه الموبينه وظيفتها انها تخرج جهد عالي جدا علشان تعمل شرار في البوجيه زي وظيفت الالكترك كده بالظبط فالموبينه العاديه اللي هيا زيت او موبينه الكتروني مش مشكله المشكله في السبرلااتير
يعني لو جيبت الكترك وحطيته مكان الموبينه العربيه هتشتغل ؟ هههههههههههههههههههه
اه هتشتغل لكن مش بكفائه الموبينه لكن هتشتغل
ان شاء الله نغير المظومه كلها بس محدش يطمع في اكتر من منظومه الكهرباء
يعني ملقاش حد بيسئل ويقول ممكن اشيل الكربيراتير واخليها انجكشن ؟؟ ههههههههههههههههههه هقوله بيع العربيه وهات التو

تمام الكلام يا باشا بس عامة انا حرمت اشتري حاجة من هناك تاني لا السيور و لا الفلاتر وصلت لـ8 الاف تخيل لو لا قدر الله حاجة جامدة في العربية و غيرتها هيحصل ايه يعني كويس انها جت في حاجة خفيفة و الـ8 الاف دول بعملهم في شهرين او اقل يعني كل شهرين هغير سيور و فلاتر هههههههههههههه
ناهيك عن معاملة رامي اللي بيبقي ناقص يطردك من المحل و كل ما ابعت شخص يرجع يشتكي ياما من القطع ياما من المعاملة ملقتش غير اسلام هو الوحيد اللي بيتعامل كويس هناك و بيحاول يكسب الزبون

و بما ان الدنيا عندي كلها دينسو ماعدا البوجهيات ان جي كي و جربت دينسو برده من عند رامي بمجرد تركيبها و بجرب العربية تحس ان العربية بقت بطة
فممكن تشوف توكيل او مستورد دينسو او تشوف موبينة و اسبراتير الالتو عند اكرم حمدي او سوزوكي سنتر او ليدرز جايز تركب في الماروتي

**alking_2006** · 26-11-2012 01:01 PM

نصيحة يا استاذ اياد لما تعوز تجيب ابلاتين و كوندنسر تجيب من محل وحيد
اكرم حمدى فى شارع دمشق
الأبلاتين يابانى بتاع التويوتا و معاه شحم فى كيس صغير + الكوندنسر دينسو يابانى و بسلك ازرق
الاتنين مع بعض عاملين 90 جنيه. غالى اه بس تبقى ان شاء الله ضامن انك جايب حاجة كويسة و مضمونة و معمرة (الغالى رخيييييص)

**Amr Axel** · 26-11-2012 07:28 PM

المشاركة الأصلية كتبت بواسطة eiad_naser

بعد البحث والسؤال هنا وهناك مفيش الاختراع الغريب اللي انا قولته ده ههههههههههههه
لما كنت بقف مع صاحب محل واسئله اقوله عاوزالغي الابلاتين العادي واجيب ابلاتين الكتروني بحس اني انا نازل من القمر
كان فاضل لحظات والراجل يقولي يعني ايه ابلالاتين اصلا هههههههههههههههههههههههه
اخر جاه وصلتلها كهربائي حبيبي في التوفيقيه اسمه اسامه
لما شرحتله وسئلته قالي ياااااااااااه ده الحاجات ده كانت بتنزل زمان وفعلا معمره واحسن من الابلاتين العادي بس محدش كان بيعرفها وهتجيبها تركبها وتنساها بس للاسف مبقتش تنزل
قولتله فيه اسبراتير الكتروني موجود قالي بلاش احسن لانك مش هتلاقي قطعه الغيار خليك في الزل بتاعنا ودور علي ابلاتني كويس
فضلت ادور علي ابلاتني وطلع عين امي مفيش غير الانواع المعفنه اللي بتبوظ بعد شهر والسعر 20 جنيه اشتريته وبالصدفه لقيت نوع افضل شويه من اللي موجود وسئلت قالي 30 جنيه ومينزلش جنيه ده المفروض ابيعه ب 40 جنيه برضه اشتريت واحد
وغيرت الابلاتني وانا بغيره عملت درس وسجلته فيديو علشان انزله هنا كيفية تغيير ابلاتين وكونددنسر فيديو وبالفعل سجلت 3\4 الحلقه وفي الجزء الاخير الخاص بتركيب الاسبراتير وظبط الكهرباء. ركب يا عم العربيه مش عاوزه تدور يخبر ابيض
3 ساعات بحاول ادور العربيه مش عارف حسيت بالفشل الزريع
غيرت بوجيهات
غيرت 4 مكثفات (كوندنسر)
غيرت فلتر بنزين
غيرت سلوك الموبينه
خلاص مش فاضل الا انا اغير نفسي ههههههههههههه كل ده والعربيه مش عاوزهتدور يا خبر مش عارف اكمل اخر جزء في الحلقه
اخر ما زهقت فكيت الابلاتين الجديد قوي وركبت القديم العربيه دارت يا نهار اسود
رحت فاكك القديم وركب البلاتين الجديد التاني ابو 30 جنيه العربيه دارت وصوتها اتعدل وفاقت
حتي الابلاتبن جيبينه بايظ والله لسه جديد نوفي ومش شغال ومكتوب عليه ياباني
حسبي الله ونعم الوكيل انا شكيت في نفسي ومشكتش في الابلاتين
لكن للاسف لما تشتري قطعة غيار لازم تجيب منها 2 او 3 من كزا محل مختلف لان الناس كلها بتجيب قطع غيار مضروبه
الفائده م الموضوع د ه اداني اصرار ان لازم اكمل البحث عن كيفيه تحويل الاسبراتير الي الكتروني بعد الزل اللي شوفته امبارح

وبعا العربيه دارت من غير ما اسجل اخخر جزء في الحلقه هبقي اسجله يوم تاني علشان انزل الحلقه يوم الجمعه الجايه ان شاء الله

تسلم ايديك يا أ\ اياد اعتبرني برده ببحث معاك في الموضوع الخاص بالتحويل للالكتروني لأنه موضوع يستاهل البحث
اما بخصوص الابلاتين فاتفق معاك ع انتشار الانواع الرديئة لكن لو عايز تريح نفسك يبقي روح جيب من اكرم حمدي زي ما الكينج قالك او ليدرز في الدقي ش ايران و ع ما اتذكر ان ابو حازم راح هناك و لاقي الابلاتين و الكوندينسر حاجة ضيفة الواحد تقريبا 25 ج
اما لو غاوي زي حالاتي و عايز تلف يبقي خد ابلاتين و كوندنيسر قدام و يا سلام لو معاك الفبريكة
و شوف محلات قطع غيار التويوتا النضيفة و حاجاتها مضمونة و أصلية و اللي يفيدك في الموضوع ده قسم تويوتا
و اسالهم في المحلات ع ابلاتين و كوندينسر زي اللي معاك للماروتي لأنهم نفس اللي كانوا نازلين لكورولا اواخر التمنينات او اوائل التسعينات و طبعا لو عرف انهم للماروتي مش هيقولك اسعار رهيبة :b4_556:

**Amr Axel** · 26-11-2012 08:47 PM

المشاركة الأصلية كتبت بواسطة eiad_naser

والله انا لقيت ابلاتين محترم عند سوزوكي سنتر ان شاء الله ادور علي كوندنسر دانسون

ايوة صح و سوزوكي سنتر كمان نسيت اقولك عليه برده حاجته كويسة :)

بخصوص الكوندينسر ايه دانسون ده صناعة ايه ؟؟ و لا تقصد دينسو Denso ؟

الموضوع: الموضوع الرسمي لتحويل موبينة الماروتي اللي موبينة الكتروني

LinkBack

أدوات الموضوع

عرض

الموضوع الرسمي لتحويل موبينة الماروتي اللي موبينة الكتروني - انشر الموضوع فى :

-

-

-

-

المواضيع المتشابهه

غيرت موبينة

موبينة الكهرباء

موبينة اليكترونى

موبينة اللانوس

موبينة تانى

الكلمات الدلالية لهذا الموضوع

المفضلات

المفضلات

ضوابط المشاركة