عرض للطباعة
السلام عليكم ورحمة الله وبركاته
كنت محتاج اشترى برنتر كويس و مش غالى يعنى من 200 الى 300 جنيه و بفضل يكون متعدد الاستخدامات
نظرا لانى مش هاتسخدمه كتير ممكن 3 او 4 ورقات فى الاسبوع و يكون الحبر بتاعه متوفر و سعره معقول
قدامى HP Deskjet 2050 و دى برنتر و سكانر و كوبير
و قدامى Canon لكن معرفش عنها حاجة و الحبر بتاعها متوفر ولا لاء و سعره ايه عشان كدة خايف اجيبها
ارجو المساعدة و شكرا
عشان اساعد حضرتك وعن خبرة ! HP حاجتها متوافرة اكتر قطع غيارها موجودة وصيانتها سهلة وبتستحمل كتير ! cannon بتطلع صورة انقى بكتير في الطباعة وحتى في الإسكان ! ولكن لو عطلت مع السلامة :) ملهاش اي حاجة وبرضوا عن تجربة عشان انا عندي الإتنين في البيت وانا عندي طابعة HF deskjet F2280 بقالها داخلة على 4 سنين وبطبع بيها بمعدل 20 ورقة في الأسبوع وشغالة مش بتقول لا الإسكان اتحرق بس لسة بتطبع برضوا فنصيحة خليك في HP
متابع لاني زيك بدور علي برنتر بنفس السعر وتقريبا لنفس الاستخدامات
أنا من حوالى سنة فكرت فى شراء برنتر لاستخدام خفيف بنفس هذا المعدل وبعد ما قررت شراء نوع معين أخبرنى البائع بأن الحبر يجف بعد 3-6 شهور سواء تم استخدامه أم لا ونصحنى بشراء أى نوع laser فقررت تأجيل الموضوع ولم أشتر حتى الآن . أنصحك بالتأكد من هذه النقطة قبل الشراء حتى لا تتكلف ثمن الحبر كلما طبعت 50 ورقة مثلا.اقتباس:
المشاركة الأصلية كتبت بواسطة hacker5
لسة جايب واحدة multifunction مفيش أسبوعين..
قلت زيك كده أجيب واحدة رخيصة بس لاقيت أنها هتبقى حبر و مع قلة الأستخدام هضطر أغير الحبر كل شوية و مش هيكون رخيص..
فحولت تفكيري لليزر عشان حبره مش بينشف و بيطبع ورق أكتر بكتير من الطابعات الحبر.. بس يعيبه أن مبينزلوش حبر ألوان في مصر عشان تزوير العملات فبتشتغل أبيض و أسود بس + سعرها أغلى من طابعات الحبر بس في المقابل بتوفر في سعر الأحبار..
أنا كانت دماغي في hp بس لما روحت compume رشحولي ماركة أسمها Brother قالولي أنها كويسة و حاجتها متوفرة على طول و أرخص من hp و معاها ضمان 3 سنين.. جبتها بـ999 بس أكتشفت بعد كده أن سعرها المفروض يكون أقل من كده 100 جنيه ولا حاجة..
المهم جربتها أول ما جبتها أول يوم و طبعت بتاع 400 ورقة و جودتها كويسة..
البرنتر للاستخدام القليل والاقتصادى يفضل الليزر
افضل نوعين hp وسامسونج انا جايب سامسونج من كارفور
كان عليها عرض 350 جنيه ممتازة جدا وسريعة واعتقد الان وصلت 300
الانك جيت الحبر مكلف وبيجف - غير اقتصادية
hp 2050 فى حدود 270 ج
لو هتجيب متجبش الا ليزر نصيحه حوار الحبر ده موضوع رخم وبايخ ولاتنزل تملى وبيخلص على طول متسترخصش نصيحه الليزر اغلى اه بس احسن ليك وانصحك ب hp برضو
بس مشكلة الليزر انه مافهوش الوان
و عشان اجيب برنتر ليزر الوان لازم اجيب تصريح من وزارة المالية
اقتباس:
المشاركة الأصلية كتبت بواسطة amrelsha3er
كلام سليم لكن السؤال
لو استخدامي قليل يبقي العمر الافتراضي ليها كحبر قد ايه؟ يعني بعد اد ايه ينشف
ولو نشف او خلص ارميها غلي كده ولا في قطعة غيار
وشكرا
hp 3005dn انا شاري الطابعة دي من حوالي سنتين ونصف وطبعت بيها تقريبا اكتر من 5000 ورقة والحبر لسه فيها :))
بس كنت شاريها استعمال الخارج ب 950 جنية
في عندك واحدة اتش بي رقمها hp 1020 تعمل حوالي الفين ونصف ورقة / الحبارة (بتتملي ب 35جنية ) وممكن تجيبها استعمال في حدود 300 جنية
هات hp ليزر وانسى
Printing & Scanning :: Printers :: Laser :: HP Laserjet P1102 Printer - CompuMe eShop
ده ليزر وسعره معقول بس مش عارف اذا كانت مواصفاته جيدة ولا لأ
وكمان هل حبره متوفر