الموضوع: المياه الخضرا بقت بنى ليه كده؟؟

غير المية و نضف الدورةلأن ده بيدل ع وجود شوائب و صدأ
و يبدو انك لما جيت غيرت اخر مرة نزلت القديم و عبيت المية الجديدة بدون غسيل

المشاركة الأصلية كتبت بواسطة haissam24h

ده ميه بنى تعنى الصدا والشوائب كلها تفاعلت وغيرت اللون للون بنى
نزل الميه ديه كلها
وخط ازازة خل
وبعدها زود ميه واضرب مشوار تمام
وبعدين نزل الميه كلهاا وحط ميه خضرة تركيز 90 % سعر الجركن 4 لتر حوالى 75 ج حاليا

مفيش مية خضرا هنا هتلاقيها تركيز 90 % لا لو هتجيب سائل تبريد و تخففه
اغلب اللي موجود تركيز 30-50 % فيه
حتي مية خضرا موبيل اللي بــ75 ج تقريبا تركيز 33 % ع ما اتذكر
و المفروض يحط التركيز المذكور في الكتالوج عشان ميحصلش اي مشاكل

اما انواع المية الخضرا طبعا موبيل و هو يعتبر اغلاهم لكن هتكون ضامنه و انت واخده من البنزينة انه مش مضروب زي اللي بيتباع في بعض المحلات بيحطوا انواع غريبة و بعضها بيكون مضروب مية نارو ده سبب ان ناس معانا هنا الريداتير بقي منخول بسببه
و اسمع عن فالفولين لكن معنديش معلومات عنده
و فيه مصري انتاج شركة ادكو و ده ما شاء الله كويس محدش واجه اي مشاكل معاه و الجيركن تقريبا 20-30 ج و التركيز برده تلاتينات
و فيه انواع تانية اسباني و سعودي لكن مجربتش

اما موضوع الخل مش عايز افتي فيه لأن فيه ناس قالت عليه لكن انا مجربتوش و معنديش استعداد اجربه ههههه خلينا في اللي نعرفه احسنو هي مزيلات الصدأ و منظفات دورة التبريد

المشاركة الأصلية كتبت بواسطة samihanwar

يا رجاله دى ميه الفبريكه اللى هى خضرا ومن يومين لاقيت لونها اتغير مع العلم ان العربيه تعتبر ممتتحركش وهى كده بقالها سنه
ومشكورين على الردود

يا باشا مش حضرتك بتقول انك لسه حاطلها مية خضرا من سنة يعني مغير مية الريداتير من سنة
و لا تقصد انك زودت بس من سنة ؟؟ و لو زودت مية فقط العربية موديل كام ؟؟ و اخرمرة غيرت مية الريداتير كلها امتي ؟؟