المشاركة الأصلية كتبت بواسطة حماده المصري
بص يامعلم الاقاليم اكتر حاجه منتشره فيها الكوري عموما
انا هكلمك بالنسبه للهيونداي لاني فكرت فيها معلش انا هوجع دماغك شويه بس هقولك كل حاجه اعرفها
كلمت غبور وقالبت واحد عشان عايز ابقى موزع معتمد وادخل مجال قطع الغيار
لقيت الاتي
محل ميقلش عن كزا متر مش فاكر كام في شارع كويس ومكان مش في موزعين تاتيين وديكورات التوكيل ويفطه والسيستم بتاعه وهندرب عليه وكل ده انا طبعا هدفعه المحل مش مهم ايجار ولا تمليك
طيب قطع الغيار بقى مكسبها ايييييييه
لو حاجه ب 1000 انت بتجيلك ب 800 وبتدفع ضريبه مبيعات 10 في الميا وبرضو بتاخدها من العميل الي بيشتري
يعني مكسبك 20 ف الميا ومن حقك تبيع مابين ال 800 وال 1000
طيب انت عامل كل الهالومه دي عشان شويه قطع غيار مكسبها بس 20 في الميا
طبعا فرشه المحل بتكون قطع غيار بما لا يقل عن 80 الف جنيه والتوكيل بيدرسلك السوقو احتياجاته وبيقولك على القطع الي تشتريها عشان تتباع بسرعه لان في حاجات ممكن متتباعش زي مثلا حاجات السوناتا قليله ف متجبجش حاجات السوناتا وبكميات كبيره مثلا يعني
في بقى حاجه تانيه اسمها عروض خاصه للتوكيل (بيتم تفعيلها فقط في حاله الكميه المشتراه ب 80 الف جنيهاو اكتر ) يجي يقولك جاجات الفيرنا كلها (مثلا) هتبقى ب خصم ليك ك تاجر 80 في الميا يعني او 1000 ب 200 وانت الفرق ده كله بتاعك بس انت لو راح تشتري حاجه وحده بس مش هيديلك الخصم ده هيبيعلك ب السعر العادي الي يبقى مكسبك بيه 20 الميا
هيتم تفعيل العرض الخاص ده في حاله انت رايح تشتري قطع غيار ب سعر 80 الف جنيه يقوم ممشي عليك العروض الخاصه والعروض دي متغيره من فتره لفتره لاكن موجود مش بتتلغي
طيب غبور لو راحله اي حد معاه 80 الف جنيه هيتعامل معاه زي ما بيتعامل معاك ك موزع معتمد
طيب يبقى انا ابقى ليه موزع معتمد منا افتح محل عادي واتعامل معاه في الاصلي وبالاسعار الضئيله دي من غير ما ابقى ملتزم ب ديكور وشكل وممنوع من تجاره قطع غيار مش اصلي او ماركات اخري
وده سر وجود قطع غيار غبور الاصلي بنصف الاسعار في شارع دمشق او محلات تانيه معينه
يبقى فيه تاجر تقيل يشيل بضاعه ب 500 الف جنيه مثلا هو لو جابهم فرط هيقفوا عليه بمليون جنيه انما لو جابهم ب 500 الف مره وحده يتعمله العرض الخاص ده ف ابو 1000 يبقى ب 200 مثلا او 400 او 50(زي ما قولت متغير) بس ف البضاعه الي ب 500 الف يجيب بيها جاجات كتير جدا ويبيع براحته كمان لانه مش ملتزم بسعر التوكيل السعر الرسمي للتوكيل في المساعد مثلا 700 هو ممكن يبيع ب 300 انما الموزع المعتمد ميقدرش يحرق السعر كده جامد
يبقى انت التوكيل ضامنه في جيبك وبرااااااحتك على الاخر
طيب
هيونداي بقى ك ماركه (اي عربيه مش كل حاجه فيها بتتصنع في نفس المصنع بمعنى )
ان البلي له ماركه معينه بتنزل في العربيه مخصوص ليها بختم هيونداي مع انه مش هيونداي الي عامله من حقك تدور على الماركه دي وتجيب الي مش اصلي منها يبيقى جيد وممكن نفس الجوده بس مش مختوم في هيونداي
المساعدين بتوع هيونداي ماركه اسمها ماندو ممكن تجيب الاصلي يبيبقى مخوم عليه هيونداي و ماندو
او العادي في السوق مختوم عليه ماندو فقط
طيب في حاجه اسمها موبيس mobis دي شركه قطع غيار عاملاها هيونداي اساسا وهي مسؤوله عن كل قطع غيار هيونداي ( هي برضو مش كل حاجه بتصنعها بمعرفتها في حخاجات بتجيلها من شركات تانيه وتقوم هي خاتمه عليها الاصلي هيونداي جينين بارتز او هيونداي موبيس)
الشركه الحلوه دي الجميله دي اصبحت موجوده في حتت كتييير اوي وبتستورد منها باسعار حلوه اوي اوي واي تديلك ربح جميل وده سر من اسرار وجود الاصلي في السوق بنصف الاسعار وتلاقي لما تروح تشتري حاجه تقول ده اصلي يقولك لا بس زي الاصلي بالضبط هو عرف منينن لانه فاهم بس انت مش فاهم
وفي طبعا حاجات مش اصلي ومالها دعوه بالاصلي خالص هي ماركات عاديه بتنزل قطع غيار للسيارات تقريبا بتصريح منها وبرضو موجوده في السوق وبكثره
يبقى انت تنوعت قدامك الخيارات وعيش حياتك
مهمتك بقى تلف لفه حلوه على تجار الجمله الي بيستورودوا من برا بالملايين وتاخد انت منهم بكميه كبيره بخصم حلو وتعيش حياتك بقى
ومعاك برضو التوكيل في صفك نفسك في حاجه اصلي تمام التمام تروح التوكيل ب 80 الف جنيه وتستفيد في العروض الخاصه
او تدور على الي بيستورد موبيس وتجيب منه وبيقولوا موبيس فتحت في المنطقه الحره في الاسكندريه يعني بقى لووووووووووووووووووووز بس مش عارف الحقيقه المصنع فتح ولا مفتحش
ده كل الي اعرفه عن هيونداي
وتقريبا معظم الماركات التانيه نفس الكلام بس التفاوت في الاسعار موجود فقط في هيونداي ودي لعبه وسخه لاعبها غبور تشتري من التوكيل بضعف السعر من برا بنصف السعر
بقيت الماركات معندهم لعب جامد في الاسعار هتلاقي الخصومات قليله او ممكن الموزعين للماركات التانيه قافشين في الاسعار العاليه ومش راضيين ينزلوها
في برضو انواع قطع غيار معفنه الشعب لازق فيها عشان رخيصه براحتك ممكن تجيبها او لا انا لو مكانك هبقى لا لان ده بعد فتره هيعملي سمعه اني مبشتغلش في الزباله والي هياخد حاجه مني هيتاكد اني تمام التماما
ده كل الي اعرفه بالامانه
من ناحيه تانيه في دراسه ل اداره الموارد البشريه
اصبح اهتمام اي business الان هو ال customer satisfaction خدمه العملاء ورضا العملاء
متستنهنش بالعميل حبه يحبك خاف عليه يجيلك تاني متغليش عليه تكسب كتير تغليه عليه تكسب مره وحده
وربنا يوفقك ياااااااارب بالتوفيق والنجاح