السلام عليكم
انا اشتريت عربية ابيزا 94 بس فيه شوية حاجات فيها كنت عايز ميكانيكي كويس في الهرم وكهربائي لاني معرفش اوي في العربية واول عربية ليا
شكرا
عرض للطباعة
السلام عليكم
انا اشتريت عربية ابيزا 94 بس فيه شوية حاجات فيها كنت عايز ميكانيكي كويس في الهرم وكهربائي لاني معرفش اوي في العربية واول عربية ليا
شكرا
فيها ايه ؟
بتطلع دخان اسودعلي ابيض والزيت بيقل في ميكانيكي قالي عايزة شورت بلوك بس مش واثق اوي في كلامه والكهربا مش متظبطة "بتعمل رعشة اول لما ادورها اول لما اتحرك الرعشة بتقل " ولمبة الاستوب وكذا حاجة في العداد مع صوت دقة في العجلة الورا الشمال عند المطبات والعربية مايلة شوية تاحية الشمال ... بس .....
متابع
المكنة اللي راكبة فيها ايه
ياريت شوية تفاصيل
وهل عملت سيرفيس العربية اول لما اشتريتها ولا ماعملتش حاجة
ولو عملت - عملت فيها ايه وغيرت ايه
معلش مارحبتش بيك في البداية
انا أسف جداً
بس حقيقي عندي شوية مشاكل ربنا يعديها علي خير
اهلا بيك في سيات نايل موتورز
والف مبروك عليك العربية ربنا يباركلك فيها ويديك خيرها
تحياتي
يا باشا ولا يهمك ... الله يبارك فيك وانشاء الله المشاكل تعدي علي خير
انا اشتريت العربية ديه بس لاسف كان معايا حد اي كلام .. انا معملتش فيها اي حاجة جيبتا من اسبوعين وانا خبرتي ضعيفة شوبة في العربيات
1- لاحظت انها بتطلع دخان اسود لما تقرص علي المتور بعد اسبعوين بقي دخان ابيض علي اسود روحت لميكانيكي اعرفه قالي المتور ""بيرزع"" تقريبا وهتحتاج شورت بلوك فاضي
2- كانت بتترعش جامد اول لما ادورها بعد اول غيار وضغضة بنزين تروح الرعشة
3- كذا حاجة تانية في الكهربا بس بسيطة المساحت مثلا مش شغالة و كام لمبة في التابلوه و الفرامل مش قوية
الكاسيت بيرستر بطريقة غريبة اول لما اشغل اي لمبة في العربية ويفضل يرستر مايشتغلش
4- في يوم سمعت صوت تكتة ورا شمال وبعد كدة راحت بس المسافة بين العجل و جسم العربية اقل من الناحية اليمين ولو حد راكب ورا بسمع صوت دقة صغيرة في المطبات لما روحت اعمل ضبط زوايا قالي علبة الدركسيون والعجل عايز يتغير
وبتاخد بنزين كتير يعني 45 لتر يعمل 350 كيلو
شكرا
هيا مكنة 1400 سي سي سيات ...
بص يا باشا في البداية كدة قبل اي حاجة
انت محتاج حاجة اسمها سيرفيس
السيرفيس دة بيتعمل كل عدد كيلومتر معين
يعني في حاجات بتتغير كل مثلا 10,000 وفي حاجات كل 15,000 وفي حاجات كل 30,000
مبدئياً كدة هنعمل سيرفيس سريع علشان نطمن من ناحية الدخنة بتاعة الشكمان واستهلاك البنزين
1- هتغير زيت وفلتر زيت (هات زيت شل الأحمر مؤقتاً ومعاه فلتر زيت زي اللي راكب فيها)
2- هتغير بوجيهات (هات ngk بوجيه 3 شمعة)
3- هتغير فلتر البنزين
4- هتغير فلتر هوا
5- هتكشف علي سلوك البوجيهات - لو لقيتها عايزة تتغير هتغيرها
6- هتكشف علي غطا الأسبراتير والشاكوش - لو عايزين تغيير او تنظيف - اعمل اللازم
غير الحاجات دي مبدئياً بس عند ميكانيكي تاني غير الأولاني اللي روحتله - عشان انا شاكك في معلوماته اصلا
وبعد كدة نشوف الدنيا ماشية ازاي
طيب يا باشا متشكر جدا ... تعرف ميكانيكي اغير عنده الحاجات ديه
وبخصوص السيور ... وزيت الفرامل و زيت الفتيس والكهربا
لو انت قريب من جسر السويس
ارشحلك احمد عزت في شارع الأربعين - خلف حديقة بدر
اول ميكانيكي هيقابلك - قبل مزلقان قطر عين شمس مباشرة
تحياتي