| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 30 1 2 3 4 5 6 11 ... الأخيرةالأخيرة
النتائج 1 إلى 10 من 296

  1. #1

    الصورة الرمزية GRADER

    رقم العضوية : 77786

    تاريخ التسجيل : 16Aug2010

    المشاركات : 203

    النوع : ذكر

    الاقامة : القاهرة المعادى

    السيارة: كيا بيكانتو

    السيارة[2]: فولكس باسات

    دراجة بخارية: لا يكون

    الحالة : GRADER غير متواجد حالياً

    افتراضي تحذير ونصيحة- محدش يشترى الصنى الجديدة لعدم توفر قطع الغيار ( تم حل مشكلة العضو ) - Facebook Twitter whatsapp انشر الموضوع فى :

    hasad">

    نفسك تشترى الصنى الجديده ؟!
    بتقول انها يابانى
    بتقول ان الوكيل بتاعها ممتاز
    بتقول انها بتتجمع فى مصر و مش هتلاقى مشكلة فى قطع الغيار؟!!!
    فاكر أنك لما تحصلك مشكلة هتكلم خدمة العملاء والخونة والمأجورين :) وهيحلولك المشكلة فورا؟؟

    أنا أسف انى اقولك انك موهوم وهتاخد أكبر مقلب فى حياتك واليكم المفاجأة الكبرى من أحد ملاك الصنى الجديدة

    النيسان صنى الجديده يا حضرات مالهاش قطع غيااااااااااااااار

    انا كنت كتبت قبل كده نزلت موضوع بيتكلم عن الحادثة بتاعتى لما خبطت كلب وده اللينك بتاع الموضوع

    http://www.nilemotors.net/Nile/319228-2013.html

    و برغم التلفيات المهوله الى حصلت فى العربية من مجرد خبطة كلب
    وبرغم التكاليف المبالغ فيها بالنسبة لتغيير حاجات مش كتير فى العربية نتيجة الحادثة (13000 جنيه مبدئيا بالاضافة لما يستجد)
    الا أنه حتى هذة اللحظة و بعد مرور حوالى أسبوعين 15 يوم لا يوجد قطع غيار للعربية عشان يبدأو اصلا !!!!!

    العربية عند السبع وسألت عند الوكيلين التانيين أوتو ايجيبت و مودرن وبرضه مفيش قطع الغيار علما بأن قطع الغيار الى بتكلم عنها دى تافهه والله تافهه ومفروض تكون مرمية عند التوكيلات كلها (قنطرة ريداتير و اكصدام وشبكة وحاجات تانية )

    15 يوم ياسادة بدون أى بارقة أمل ان قطع الغيار تتوفر ورد التوكيل بكل بساطة (المهندس وائل) هنبقى نبعت ايميل للمصنع عشان يبقو يردو علينا فى خلال أسبوع بايميل تانى يحددولنا فيه معاد عشان نبقى نروح نستلم قطع الغيار !!!!!

    طب يا بشمهندس أبعتنى أنا المصنع أجيب قطع الغيار ... لا مستحيل يا فندم ده يبقى ضد الدستور !!!
    طب يا بشمهندس ادينى نمرة المسئول فى المصنع أكلمه و أحاول أستعجل الحاجة..... لا مش ممكن دا يخالف تعاليم الشريعه !!!!!

    طب أعمل ايه ؟؟؟؟ أنا بدفع كل يوم حوالى 100 جنية مواصلات من غير العربية ولا عارف أروح شغلى ولا أعمل أى حاجة فى حياتى

    فقررت أنى أكلم نيسان نفسهم و أكيد هما هيشوفولى حل فورا عشان دول توكيل محترممممم وفعلا كلمتهم فحولونى على الشكاوى الى حضراتهم اتعاملو معايا كأنى بشتكى من واحد عاملنى وحش مثلا فى التوكيل أو حاجز عربية مثلا واتأخرت عشان الحجز كتيير ولاقيتهم بيقولولى بكل شياكة و أدب عشان يحرقو دمى أكتر أن دى شكوى وان شاء الله هنبقى نبعت ايميل للادارة عشان يبقو يبتدو يدرسو الشكوى وان شاء الله حد هيبقى يعبرك فى خلال 72 ساعة عمل وطبعا الكلام ده كان قبل أجازة نهاية الاسبوع بتاعهم يعنى فيها 5 أيام كمان !!!!

    طبعا اتنرفزت جدا وطلبت أكلم المدير و اترجيتهم على الأقل يشوفو الموضوع وصل لحد فين ويرضو عليا علطول بدل ما أستنى 5 أيام خاصة وان دى مش شكوى دى مصيبه ان قطع غيار مش متوفرة و ده يستدعى على الأقل رد فورى من أى مسئول فى نيسان لأن دى غلطتهم مش أستنى زى أى حد 72 ساعة!!!

    كانت الاجابة بكل أدب برضه فيما معناه أخبط دماغك فى الحيط أحنا مانقدرش نكلم الادارة ولا المصنع ومفيش قنوات اتصال بيننا !!!!!!!!!!!!!!!!

    وده معقول يا جماعة مفيش اتصال بين خدمة عملا نيسان وادارة نيسان ومصنع نيسان !!!!!!!!!!

    ولما هددتهم انى أكلم جهاز حماية المستهلك أو أشوف الناس الى حصل معاهم نفس المشكلة قبل كده (أنا مش أول واحد يحصل معاه المشكلة دى على فكرة وفى ناس معانا فى المنتدى حصل معاهم نفس الكلام قبل ده و اشتكو من عدم توافر قطع غيار للعربية دى وأنا ساعتها ماصدقتش وقولت دا ممكن يكون مشكلة وقتية وهتتحل بعد كده بس الواضح أنها مشكلة مستديمة وليس لها حل)

    وقولتلهم أنى هشوف الناس الى حصل معاهم كده و ناخد ضدكم اجراء قانونى قالى بكل هدوء برضه (أستاذ هشام مدير خدمة العملاء) محدش قال لحضرتك اننا مش هنديك قطع الغيار !!!!!!!!!!

    يعنى من الأخر احنا مأمنين نفسنا كويس ومش هتعرف تعمل حاجة واترمى اصبر أو أخبط دماغك فى الحيطة!!!!
    وبعد وجع قلب قالى طب ادينى فرصه وهرد عليك حالا وطبعا لا رد عليا ولا عبرنى ولما كلمتهم تانى و طلبت أكلمه الموظف قالى أنه مش موجود على مكتبه !!!!!!

    وخلاصة القول أنى اشتريت عربية ب 102000 جنيه مالهاش قطع غيار !!!!!

    ده أسلوب يا حضرات؟؟
    دى خدمة عملاء محترمة؟؟
    ده وكيل محترم؟؟
    دى عربية تستاهل الطوابير الى واقفة عليها؟؟

    أنا عارف أن فى بعض السادة الأعضاء فى المنتدى هيعارضونى ويقولو أن ده أحسن توكيل فى الدنيا بس كان لازم أوصل للناس الحقيقة عشان يعرفو ايه هو وكيل نيسان

    انا محبط جدا و بدعو كل واحد حصل معاه نفس المشكله أنه يتواصل معايا عشان فعلا هبتدى أشوف رد أقوى من كده للرد على تجاهل الوكيل للمشكلة اخطيرة دى و أسف للأطالة

    اقتباس المشاركة الأصلية كتبت بواسطة GRADER مشاهدة المشاركة

    السادة الكرام أعضاء المنتدى
    السلام عليكم ورحمة الله و بركاتة

    أخيرا وبعد حوالى شهر من ساعة الحادثة بتاعة الكلب :) و بعد تجاهل من نيسان حوالى أسبوعين حبيت أقول لكم ماذا حدث فى الموضوع بتاعى

    بعد حوالى أسبوعين من الحادث و نتيجة لجهود الأخ الفاضل أحمد مصطفى له جزيل الشكر والعرفان لقيت حد من مصنع نيسان بيكلمنى و بيسألنى عن المشكلة الى أنا فيها و أعتذرلى بشده عن ما حدث معى من عدم توافر لقطع الغيار خلال الأسبوعين الأولين وشرحلى أن عدم توفر قطع الغيار ده نتيجة لمشاكل ادارية من نيسان اليابان وليس لهم دخل بها حسب ما قاله لى.

    ثم أكدلى أنهم بصدد حل المشكله و أن هناك اجتماعات تجرى فى الوقت الحالى لحل هذة المشكلة نهائيا مع نيسان اليابان

    وعلى أى حال وعدنى بتوفير قطع الغيار الى أنا محتاجها و ارسالها للسبع فى أقرب وقت ممكن

    و فعلا وبفضل برضه متابعة أحمد مصطفى الى أول مرة أتشرف بمعرفته وعلى فكرة أنا ماكلمتوش و طلبت منه أى حاجة لكن هو الى اتصل بيا و عرض مساعدته وساعدنى فعلا بكل اخلاص. المهم وصل فعلا للسبع بعض قطع الغيار الناقصة بس أنا ما رضيتش أروح الا لما تتوفر باقى قطع الغيار عشان أتعطل مرة واحده بس

    وامبارح المهندس المحترم وائل بيومى من السبع كلمنى و قالى ان الحاجة جت وممكن أروح أركبها وفعلا رحت وركبولى الحاجة الناقصة والحمد لله ربنا ستر و طلعت سربنتينة التكييف ما اتخرمتش والا كانت هتكلفنى لوحدها حوالى 3000 جنيه

    والحمد لله العربية دلوقتى اتصلحت من الداخل بنسبة 95% (باقى بس الفبر الى بيبقى قدام وتحت الريداتير بس مش مؤثر على العربية دلوقتى وان شاء الله لما يتوفر هبقى أركبه) وناقص بس أركب الاكصدام الجديد وأرشه وهيبقى عند السبع ان شاء الله

    أنا ياجماعة بشكر كل الناس الى ساعدونى لحد ما مشكلتى اتحلت سواء بالاتصال أو حتى بالتعليقات البنائة البعيده عن التعصب والى كانت فعلا هدفها المساعده مش أى حاجة تانيه

    و بخص بالشكر الساده الكرام:

    أحمد مصطفى: الى فضل متابع موضوعى بكل اهتمام و اخلاص بدون مقابل الا ثواب مساعدة الأخرين والى فضل يكلمنى حتى بعد ما المشكلة ما انتهت عشان بس يتطمن عليا

    أحمد عصام the air divel الى بزل مجهود كبير و دورلى على قطع الغيار فى عمان وكان على استعداد انه يشيلهالى مخصوص من عمان و يجيبها بس لوجه الله برضه وبدون أى مقابل

    بيشوى : الى راح وسألى على قطع الغيار فى شبين و ادانى نمرة مدير قطع الغيار فى مودرن عشان أسأله

    الدكتور علاء : الى برضه دورلى على قطع الغيار و كان بيتعامل مع الموضوع كأنها عربيته مش عربيتى

    وكمان الأخ المحترم الى قالى على القنطرة انها موجودة فى أوتو ايجيبت ولولاه كان زمان العربية لسة واقفة لحد دلوقتى وياريت لو نسيت حد مايزعلش منى

    و كمان بشكر مركز صيانة السبع الى بالرغم من ان المشكله مش من عندهم ولا مسئولين عنها الا انهم عاملونى كأن هما الغلطانين وكانو فعلا فاهمين يعنى ايه خدمة عملاء محترمة وبخص بالشكر

    المهندس وائل بيومى: الراجل ده عمل كل ما فى وسعة عشان مشكلتى وكان بيوليها اهتمام خاص وكان هو الى بيكلمنى من تليفونه وكمان كان بيكلمنى وهو فى أجازة وهو مش مضطر يعمل كده خالص وحتى لما كان مريض فى البيت كان بيكلمنى ويوصى عليا فى التوكيل. فعلا له جزيل الشكر

    المهندس محمد عمر: قدم كل ما يمكن عشان أبقى راضى وكان مهذب ومتعاون جدا معايا

    المهندس منعم: صبر عليا جدا لأنى الصراحة كنت قلقان ان العريية ماتتصلحش كويس بس هو فضل صابر على الطلبات الغريبة بتاعتى بدون ملل

    على فكرة أنا بشكر فى السبع لأن ليا تجارب سيئة مع عربيتى القديمة مع توكيل مش هذكر اسمة عشان كده ملاحظ فرق المعاملة

    مش عارف المسانده الى لاقيتها هنا دى موجوده فى كل الأقسام التانية ولا لأ بس الصراحة أنا ما كنتش أتخيل كل هذا الدعم من القائمين على قسم نيسان والأعضاء

    مرة أخرى شكرا لكم جميعا و أتمنى أن أرد شىء من مساعدتكم ليا

    أستأذنكم انى أطلب من الادارة يحطو التعليق ده فى أول الموضوع عشان الى يدخل يشوف ملخص للقصة كلها بدل ما يقرو 27 صفحة لحد ما يعرفو نتيجة الى حصل . وكمان هستأذنكو أطلب من الادارة ان بعد يومين كده يقفلو التعليق على الموضوع عشان أعتقد كده مفيش كلام تانى يتقال خاصة و أن الموضوع دخل فيه شوية صراعات بعيده عن هدف الموضوع بس بعد يومين عشان كل الى عايز يقول حاجة يقولها

    والسلام عليكم ورحمة الله وبركاتة


  2. #2

    الصورة الرمزية hugan

    رقم العضوية : 25254

    تاريخ التسجيل : 15Nov2008

    المشاركات : 11,512

    النوع : ذكر

    الاقامة : القا هره

    السيارة: شاهين 1400 /97

    السيارة[2]: 516.2008 تيجو2013

    دراجة بخارية: دايون 150

    الحالة : hugan غير متواجد حالياً

    افتراضي -

    ربنا معاك

    ياتقول كلام في محله يا تقول حلو ياحلو
    http:///photos/a.879931698703941.107...370587/?type=1


  3. #3

    الصورة الرمزية Dr'AhmZZong

    رقم العضوية : 72112

    تاريخ التسجيل : 02Jun2010

    المشاركات : 6,052

    النوع : ذكر

    الاقامة : الجيزة ... المنوفية

    السيارة: Duster E2-Terios

    السيارة[2]: Nissan Sunny-Tiida

    دراجة بخارية: هوندا اليت

    الحالة : Dr'AhmZZong غير متواجد حالياً

    افتراضي -

    بصراحة محدش يقدر يقول لحضرتك كلمة في حقك ..

    أنت فعلا مظلوم و معذور ..

    ربنا معاك و يسهلك أمورك ..


  4. #4

    الصورة الرمزية د.هشام

    رقم العضوية : 123593

    تاريخ التسجيل : 24Apr2012

    المشاركات : 887

    النوع : ذكر

    الاقامة : مصر الجديدة

    السيارة: Shark 2015

    السيارة[2]: K

    دراجة بخارية: لا يوجد

    الحالة : د.هشام غير متواجد حالياً

    افتراضي -

    سياسة غريبة ومش مفهومة، زي بالظبط مشكلة الكاوتشة بتاعة المساعدين اللي ورا، واللي اخدوا وقت طويل لغاية ما حلوها
    مع ان العربية بتتجمع في مصر!!!
    وإزاي فيه عجز في قطع الغيار؟
    يعني كل العربيات بتعمل حوادث؟
    علي العموم هي مش غلطة نيسان، دي غلطة الكلب اللي عدي ﻗﺪﺍﻣﻚ


  5. #5

    الصورة الرمزية youssef_u

    رقم العضوية : 66605

    تاريخ التسجيل : 30Mar2010

    المشاركات : 1,419

    النوع : ذكر

    الاقامة : 6 October

    السيارة: Sunny SuperSaloon 2013

    السيارة[2]: Fiat siena

    دراجة بخارية: Non

    الحالة : youssef_u غير متواجد حالياً

    افتراضي -

    ربنا معاك فعلا و حضرتك معاك حق ،، مشكلة الضغط اللي عالمصنع بيخليه يقفل و يبيع بس منغير ما يطلع قطع غيار و ان شاء الله عربية حضرتك تتصلح في اقرب وقت


  6. #6

    الصورة الرمزية Youssef.Awad

    رقم العضوية : 42730

    تاريخ التسجيل : 19Jun2009

    المشاركات : 6,353

    النوع : ذكر

    الاقامة : Riyadh - KSA // Banha - Egypt

    السيارة: NISSAN ALTIMA 2.5 SL '13

    السيارة[2]: FSO Polonez '88 - NISSAN SUNNY EX Saloon '10

    دراجة بخارية: 000

    الحالة : Youssef.Awad غير متواجد حالياً

    افتراضي -

    ربنا يصبرك ويكون فى عونك ومشكلتك تتحل قريب باذن الله

    Y2Y1500 سابقا


  7. #7

    الصورة الرمزية Dr'AhmZZong

    رقم العضوية : 72112

    تاريخ التسجيل : 02Jun2010

    المشاركات : 6,052

    النوع : ذكر

    الاقامة : الجيزة ... المنوفية

    السيارة: Duster E2-Terios

    السيارة[2]: Nissan Sunny-Tiida

    دراجة بخارية: هوندا اليت

    الحالة : Dr'AhmZZong غير متواجد حالياً

    افتراضي -

    اقتباس المشاركة الأصلية كتبت بواسطة د.هشام مشاهدة المشاركة
    يعني كل العربيات بتعمل حوادث؟
    علي العموم هي مش غلطة نيسان، دي غلطة الكلب اللي عدي ﻗﺪﺍﻣﻚ
    لو كانت عربية حضرتك حصل معاها كده .. ماكنتش قلت الجملة ديه يا دكتور


  8. #8

    الصورة الرمزية Al-Farooq

    رقم العضوية : 110437

    تاريخ التسجيل : 15Aug2011

    المشاركات : 816

    النوع : ذكر

    الاقامة : Cairo

    السيارة: Camry Highbrid 2011

    السيارة[2]: Persona Elegance

    دراجة بخارية: ---

    الحالة : Al-Farooq غير متواجد حالياً

    افتراضي -

    ربنا يعينك ، التوكيلات بقت مصيبة من مصائب الزمن على ما يبدوا !!

    لا إله إلا أنت سبحانك ، إنى كنت من الظالمين
    اللهم إغفر للمؤمنين و المؤمنات الأحياء منهم و الأموات
    لا إاله إلا الله عدد ما كان وعدد ما يكون وعدد الحركات والسكون


  9. #9

    الصورة الرمزية د.هشام

    رقم العضوية : 123593

    تاريخ التسجيل : 24Apr2012

    المشاركات : 887

    النوع : ذكر

    الاقامة : مصر الجديدة

    السيارة: Shark 2015

    السيارة[2]: K

    دراجة بخارية: لا يوجد

    الحالة : د.هشام غير متواجد حالياً

    افتراضي -

    اقتباس المشاركة الأصلية كتبت بواسطة ahmazong مشاهدة المشاركة
    لو كانت عربية حضرتك حصل معاها كده .. ماكنتش قلت الجملة ديه يا دكتور
    انا مش عارف انت فهمت كلامي ازاي !
    انا بقول هو العربيات كلها بتعمل حوادث، علشان يكون فيه عجز في قطع الغيار؟
    تحياتي ﻟﻚ


  10. #10

    الصورة الرمزية GRADER

    رقم العضوية : 77786

    تاريخ التسجيل : 16Aug2010

    المشاركات : 203

    النوع : ذكر

    الاقامة : القاهرة المعادى

    السيارة: كيا بيكانتو

    السيارة[2]: فولكس باسات

    دراجة بخارية: لا يكون

    الحالة : GRADER غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة د.هشام مشاهدة المشاركة
    سياسة غريبة ومش مفهومة، زي بالظبط مشكلة الكاوتشة بتاعة المساعدين اللي ورا، واللي اخدوا وقت طويل لغاية ما حلوها
    مع ان العربية بتتجمع في مصر!!!
    وإزاي فيه عجز في قطع الغيار؟
    يعني كل العربيات بتعمل حوادث؟
    علي العموم هي مش غلطة نيسان، دي غلطة الكلب اللي عدي ﻗﺪﺍﻣﻚ
    و الله يا باشا الكلب صعب عليا
    بس نيسان.... حسبى الله ونعم الوكيل



 
صفحة 1 من 30 1 2 3 4 5 6 11 ... الأخيرةالأخيرة

المواضيع المتشابهه

  1. للأسف مشكلة التزييق فى الصنى الجديدة.. لا حل لها
    بواسطة GRADER في المنتدى نيـــــــــسان
    مشاركات: 58
    آخر مشاركة: 11-09-2012, 03:22 PM
  2. ايه نظام اسعار قطع الغيار فى الصنى الجديدة
    بواسطة ainshouka في المنتدى نيـــــــــسان
    مشاركات: 12
    آخر مشاركة: 17-07-2012, 04:52 PM
  3. محدش يشترى من مركز الزغل
    بواسطة a7la_7oo0oob في المنتدى كــماليــات السيـــارات و الإكسسوارات
    مشاركات: 4
    آخر مشاركة: 29-12-2008, 04:32 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2