الموضوع: الى وحوش الدايو بخصوص سير الدينامو

اخر مرة غيرته كان ع كام الف و العربية دلوقتي عاملة كام الف او من فترة اد ايه ؟
لكن عامة حالته هي اللي تدل محتاج يتشد و لا يتغير
يعني لو السير سليم مفيش اي تشققات او اي تقطيع من الجهة الداخلية و لما بدوس عليه بتلاقيه بينزل اكتر من 1 سم اذن محتاج يتشد لقيت اي حاجة من اللي فوق زي مقولت مشقق او اي قطع او شكله بالي اذن غيره بدون تفكيير

و بمناسبة السيور اوعي تنسي سير الكاتينة و بلية الشداد ( هي هي بلية الكاتينة ) لأنهما مهميين جدااا و التغيير كل 40-50 الف بالكتيير

و يا ريت بس الكتابة بلون تاني غير الأحمر لأنه مخالف لقوانين المنتدي و خاص بالمداخلات الادارية فقط

المشاركة الأصلية كتبت بواسطة memoahmed14

عذرا للكتابة باللون الاحمر.. وشكراا للرد
هو تقريبا صاحب العربية الاول كان مغير السيور على 80 الف كيلو ودلوقتى العربية عاملة 88 ..
هو ممكن انا بنفسى اشوف السير لو متشقق او لو مرخى بس زى مقولت ولا لازم متخصص .. يعنى اقدر اشوفه بعينى ..
وحاجة أخيرة لو عايز يتغير هو تكلفته كام وشكرااا

ممكن يكون مغير لكن مش حاطط نوعية نضيفة يعني انا جبت سيور من مكانا ما مضطرا مكملش 8 الاف و فلقت و ممكن يكون محتاج يتشد بس
و طبعا تقدر تشوفه بالنظر و السير ممكن تغيره بنفسك كمان لكن المهم تعرف المسامير اللي تتفك و الشدة نفسها تكون اد ايه لأن لو مشدود ع الاخر ممكن يتقطع و لو مرخي هيصفر برده و مش هيكون مظبوط

و لو عندك تكييف متنساش برده تبص ع سير التكييف لأ زي سير الدينامو

و عامة مصنعية تغيير السير عند اي ميكانيكي 10 ج طبعا غير تمن السير اهم حاجة لما تشتري سير يكون تاريخ انتاجه حديث