نصيحة لكل اعضاء نايل موتورز
ياريت محدش يهمل فى غسيل موتور العربية ويسيبه مليان تراب علشان مايحصلش معاه اللى حصل لى
اللى حصل معايا كالاتى
انا بقالى فترة مغسلتش الموتور من التراب اللى فيه وانا متعود كل فترة اودي العربية البنزينة واغسل الموتور بالجاز المهم طنشت وكل شوية اقول الاسبوع الجاى لغاية ما لاحظت من فترة ان التبريد بتاع العربية فيه مشكلة وكان بيبان عندى على مؤشر الحرارة الاقى المؤشر ينزل شرطة ويرجع تانى على 90 المهم قلت يمكن المية نقصت لقيت المية مظبوطة وببص تحت العربية لقيت كيس بلاستيك قافل على الردياتير من قدام شلته والموضوع اتحل بس بعدها بكام يوم لقيت صوت المروحة فيه ونة وكده قلت خلاص اودي العربية تتغسل واغسل الموتور علشان الصوت ده يروح بس ملحقتش اعمل ده جيت امبارح بركن العربية لقيت مؤشر الحرارة كسر 90 وبيعلى عن 90 وصوت المروحة مش شغالة بطلت العربيسة ونزلت فتحت الكبوت لقيت موتور مروحة التبريد بيدخن والمروحة قافشة فكيتها وبصيت عليها لقيت ان التراب خلى البلية تقفش معلش طولت عليكم بص كان لازم اقول النصيحة دى والحمد لله انها جت فى المروحة ومجتش فى جوان وش سلندر