مساعدة في شراء لوجان اتوماتيك
السلام عليكم،
بعد حيرة و تفكير قررت اجيب لوجان اتوماتيك بس لما استشرت بعض الناس و سالتهم عنها محدش شجعني عليها خالص و دي كانت ردودهم مع ملاحظة انهم ولا واحد فيهم معاه العربية:
١- قطع غيارها غالية جدا
٢- عفشتها وحشة و مش مناسبة للطرق المصرية
٣- المتور بيسخن و مبيستحملش الصيف بتاعنا :8954[1]:
٤- توكيلها وحش :question2:
٥- العربية بتخسر كتير عند اعادة البيع و مش بتتباع بسرعة
٦- صاجها ضعيف و خفيفة
طبعا انا قريت مواضيع كتير هنا لناس معاها العربية و مقتنع بيها تماما بس بعد ما سمعت الكلام ده تراجعت شوية :penguin4: ، يا ريت لو حد يقدر يطمني على مدى صحة الكلام ده حاكون شاكر ليكم.