السلام عليكم
معايا فكترا مو 97
امتي اعرف ان الفرامل التيل بتاعها لازم يتغير سواء اللي ورا ولا اللي قدام وايه احسن الانواع اللي في السوق واسعارهم
ولكم كل الشكر مقدما
عرض للطباعة
السلام عليكم
معايا فكترا مو 97
امتي اعرف ان الفرامل التيل بتاعها لازم يتغير سواء اللي ورا ولا اللي قدام وايه احسن الانواع اللي في السوق واسعارهم
ولكم كل الشكر مقدما
هو التيل ليه سمك معين مينفعش يقل عنه لو حد فاهم هيعرف بالنظر كدا
بالنسبة للطنبورة كمان ممكن تمشى إيدك عليها وشوف فيها عالى وواطى ولا لأ
من أعراض تلف التيل برضه إنه يصفر بس مش دايما لأن التيل اللى بينزل دلوقتى بيقللوا فيه مادة معينة مراعاة لسلامة البيئة عشان كدا بيصفر
-احسن الانواع ريمسا وروود هاوس ودول اسباني طبعا سعر الطقم الامامي 160ج الخلفي مش عارف حضرتك عندك لقم ولا قباقيب؟
تيل الفرامل الأمامي gm مصري في التوكيل ب 90 جنيه . بس أنا مجربتوش ومتخوف منه بس على الأقل المصدر مضمون.
شوفه الاول اتاكد ان مفيش في خامته اي معادن وان كله سواد في سواد لان سعره يقلق
مداس التيل الجيد بيبقي زي حته الفحم تحكه بايدك يهبب ولونه اسود
التيل الرديء بيخلطوا ماده التيل السودا بذرات معدنيه سواء نحاس او المونيوم
بتشوفها واضحه في المداس وبتلمع لما تفرمل تصفر لان معدن بيحك في معدن الطنبوره وكمان ناتج احتكاك معدنين بيولد حراره عاليه تسخن الطنابير ولو جه عليها ميه وانت ماشي تقفع
للاسف الريمسا جربته ومن مكان مضمون وطلع بيصفر!!!!!!!!!!!!!!!!!!!!!!!!! بس بيعيش جامدددددددددددددد
فيه نوع بيركب للنوبيرا كورى ب70 جنيه بس بصراحة معرفش اسمه بس بيشكرو فيه قوى..
الروود هاوس ده مالوش حل ركبته اول ماشتريت العربيه وغيرته من زهقي والله كان بقاله كتييير ولا باظ ولا صفر ولا تاكل كان اداؤه جميل وركبت الريمسا بعده حلو بس اقل من الروود هاوس بشويه
-النوع الكوري اللي قصدك عليه اسمه جولد علبته سودا والكتابه بالذهبي والاخضر بيركب للدايو والهيونداي وممكن ااوبل
160ج امامي
خلفي مش عارف
انا ماغيرتوش من ساعه ما اشتريت العربيه ... بس هو فعلا نضيف جداا وادائه جميل ... فعلا زى ما فادى قال بيعمل هباب اسود ... وكل اما افك العجله وابص عليه الاقيه لسه فيه كتير ... بس هو ساعات بيصفر واظن ده عادى وبيحصل مع معظمنا
بعد اذن صاحب الموضوع انا عندى سؤالين:
المفروض العمر الافتراضى للتيل بيكون على حسب رجلك على الفرامل ... بس لو دوستى عاديه ( مش مفترى على الفرامل قصدى ) يبقى عمره كام كيلوا ؟؟
وسمعت ان الافضل تغيير طنابير العجل الخلفى بديسكات ... صح الكلام ده ؟؟؟ وايه المطلوب وبكام ؟؟
تحياتى
لو العربيه مشيت في حته فيها رمل ومستواه عالي شويه زي رمل البلاج والمصايف فالفرامل هتصفر مؤقتا لحين غسل العجل نتيجه احتكاك الرمل بين التيل ايا كان نوعه والطنبوره
يجعله بالف هنا انا باشرب شاي باليمون عندنا نوه والحراره 16 د والمسائل مش مضبوطه
-اللي بيهلك التيل او بيستهلكه هو الفرمله علي سرعات عاليه بشكل مفاجيء انما التهدئه والاستعمال جوه البلد عادي جدا
-تغيير نظام الفرامل الخلفي بيخلي الفرامل احسن بكتير جدا ,عارف فرامل العربيات الاوتوماتيك بتبقي قويه ازاي؟ هتبقي زيها بالضبط
-زميلنا تامر كان عامل التعديل ده وقابلته في القاهره وجربت عربيته بالفرامل الجديده ماشاء الله لا قوه الا بالله وهو كان عامل عنها تقرير ,شوف كده...
http://www.nilemotors.net/Nile/78441-a.html
انا حابب اعمل التعديل ده بس كل رعبي من البلي اللي في السره الخلفيه الاستيراد عندنا البلي بيسموه بلحه سعره مش غالي انما التاني سعره خزعبلي واللي عندهم النظام ده اصلا في عربياتهم لو البلي باظ مابيغيرهوش ,اوفر يشتروا 2 صره بالطنابير طبعا ,طيب انا عامله نزاهه ,كل ما البلي يخرف هروح اشتري صره بالطنبوره؟؟؟:U_thin1[1]:
هو إيه علاقة قوة الفرامل بنوع ناقل الحركة فى العربية ؟؟
قصد حضرتك إن الموتور بيساعدك فى الفرملة مع العربية الأوتو لأنها دايما بتبقى واخدة غيار
لو كدا أساسا المفروض فى القيادة المانيوال إنك تحمل فرامل وإنت على الغيار قبل ما تمور العربية بس بحساب طبعا
لو قصد حضرتك على الفيكترا فقط فهمنى ؟؟ هل الفيكترا المانيوال نظام فراملها مختلف عن الفيكترا الأوتو ؟؟
يعنى مثلا أنا فى الميجان سواء مانيوال أو أوتو
فرامل واحدة ديسكات ورا وقدام
ممكن مفيش اي مشكله
بس فهمت يعنى قصد حضرتك إن نظام الفرامل فى الفيكترا المانيوال والأوتو مختلف
معلش طيب سؤال هو قصد حضرتك بالقباقيب اللى هى الطبلة ؟؟ والسكاكين اللى هى الديسكات ؟؟
بعد إذن صاحب الموضوع .... محدش قال رأيه في التيل الgm الموجود عند منصور ب 90 جنيه أمامي المفروض أن التوكيل أضمن مكان نشتري منه ... ولا ممكن يكون مغشوش هو كمان؟
دى صورة سكينة أمامى
http://nileup.com/up/uploads/nilemotors_13538533291.jpg
ودا قبقاب خلفى
http://nileup.com/up/uploads/nilemotors_13538537041.jpg
ابحث على جووجل عن drums و disks هتشوف صور كتيرة للدسك والطبلة
[QUOTE=MohammedAladel;3874656891]دى صورة سكينة أمامى
http://nileup.com/up/uploads/nilemotors_13538533291.jpg
ودا قبقاب خلفى
http://nileup.com/up/uploads/nilemotors_13538537041.jpg
ابحث على جووجل عن drums و disks هتشوف صور كتيرة للدسك والطبلة[/QUOT
شكرا يا باشا
انا راجعت الموضوع وهو حلو جدا ومشجع ... بصراحه الفرامل عندى الحمد لله حلوه .. بس لو فيه احسن مافيش مانع كله خير ... بس ياريت تفهمنى موضوع البلى ده ايه حكايته ... بكام البلى ده والعادى بتاعها بكام ؟؟ وبيتغير كل قد ايه سواء اللى فيها او اللى بيتعدل
مشكور مقدما و .. تحياتى
البلي اللي في صره المساطر اغلي من البلي اللي راكب عندك في صره الطنابير بيوصل سعرها ل375ج الواحده اما اللي عندنا ب60ج الواحده