انا حاجز العربيه من اسبوعين و لسه مستلمتهاش ادعولي استلمها قريبا و هل هي صفقه رابحه و لا ايه انا كان معايا نيو اكسنت 2010 و قررت اجيب الصني هل ده تصرف سليم و لا انا استعجلت ياريت حد يرد عليا من الصقور
عرض للطباعة
انا حاجز العربيه من اسبوعين و لسه مستلمتهاش ادعولي استلمها قريبا و هل هي صفقه رابحه و لا ايه انا كان معايا نيو اكسنت 2010 و قررت اجيب الصني هل ده تصرف سليم و لا انا استعجلت ياريت حد يرد عليا من الصقور
ان شاء الله تستلم على خير و انا كمان حاجز من 5 اسابيع وباقي 5 كمان و ربنا يسهل
الف مبروك و ان شاء الله تستلم على طول و على خير ان شاء الله
نصيحة منى لوجه الله تعالى خليها على الله و ما تسمعشى و تركز فى الكلام كتير ح تلاقى صقور بتقول فى العربية اشعار و صقور تانين بيشتموا و بيضربوا نفسهم علشان فكروا فيها فعلشان كده بقولك سبها على الله علشان كل حاجة فى الدنيا مش فى العربيات بس فيها الكويس و الوحش و الصقور هنا و الحمد لله ما بيسبوش حد غير لما المشكلة بتتحل
تحياتى
اي نعم انا معنديش خبرة أوي ف العربيات بس انا معايا العربية و شايفها جميلة و إمكانيتها حلوة و صالونها واسع و الطابلون مش وحش وكبير و ولو سوبر صالون الطابلون لو كان اسود بيبقى اجمل مع التطعيمات الكروم ده غير بقى الاكسسوارات اللي ممكن تحسن شكل الطابون من ناحية الزخرفة و الحبشتكنات ده كلها لو حد حب يركبها فالطابلون مش شايفه عيب فيها.
و الصاج رغم انه ضعيف بس مش فارق كتير عن العربيات الحديثة التانية كل دلوقت كدة اي نعم صاجها اضعف منهم بس مش أوي يعني الفرق متهيالي مش كبير و الخبطات البسيطة ربنا يحفظها لك منها غالبا في معظم العربيات نتائجها قريبة من بعضها و بتتظبط و بتبقى كويسة.
و الأمان فيها مش موجود في اغلب اللي في فئتها.
هو بس الكاوتش مش حلو .
فحضرتك أستخير و اعرف امكانيتها كويس و لو مستريح و عجباك و قابلها توكل على الله و انتظر لحد ما تستلم ولو غير كدة يبقى ربنا يوفقك للافضل اهم حاجة تبقى مستريحلها.
و تستلم على خير ان شاء الله و تكتب لنا انطباعك
تصرف رائع جدا ..
لأنك هيبقي معاك عربية زيرو موديل 2013 بإمكانيات رائعة مش موجودة في عربيات كتير بنفس الفئة .. غير ضمان 3 سنين او 100000 كيلو و الف مبروك مقدما ً
أكيد أفضل من الأكسنت
ربنا يوفقك لما فيه الخير
واكيد اختيارك فى محله ان شاء الله
لأن اليابانى يابانى حتى وان كان متجمع فى الصين وافضل من الكورى حتى وان كان متجمع فى كوريا
دى خلاصة تجربة يابانى متجمع فى مصر بكاوتشات يابانى .. وكورى متجمع فى كوريا بكاوتشات صينى
شكرا للجميع