اية الفرق بين السويفت والهيونداى اكسيل

اية الفرق بين السويفت والهيونداى اكسيل 1300 حيث ان سعرهم تقريبا مستعمل واحد وايهم افضل بأمانة .

هيونداى طبعا يا معلم

لا طبعا السويفت يبانى انت هتجيب اليبانى للكورى

لو حتقارن ال السويفت ال1300 بالهيونداي ال 1300
يبقي السويفت بالتاكيد
بص الاتنين نفس الصاج الرقيق لكن السويفت لو ياباني و بتكييف يبقي احسن من 1000 اكسيل
ثبات و قوه موتور و مواتير معمره بعكس الهيونداي.
تابلوه اشيك و راحه في الجلوس و كل شئ السويفت بصراحه.
لو حتقارن بقي السويفت ال1300 بالهيونداي ال 1500
الهيونداي حتتفوق بس علشان الكماليات زي الباور
انما حتي كسحب و جري السويفت تشد معاها و تصمد كمان
موتور السويفت بصراحه موتور مجنون و شرس لما يبقي نضيف

بس اخي حازم جاب من الاخر

الفرق بين الاتنين مش كبير خصوصاً لو هتقارن

الاكسيل الـ1300 بالسويفت

بانسبة للمواتير:

الاكسيل 75 حصان والسويفت 70 حصان... فرق بسيط

العشة:

- طرية جداً في الاكسيل لذلك هي ناعمة ولكن يعيبها الثبات بعد 120

وممكن التغلب على المشكلة دي بتغيير المساعدين لمساعدين غاز

او غاز على زيت.


- معقولة في السويفت لا هي ناعمة اكتر من اللازم ولا هي ناشفة اكتر من اللازم.



الصيانة:

الاتنين صيانتهم سهلة جداً وممكن اي ميكانيكي يشتغل فيهم

بسهولة.


انتشار قطع الغيار:

- الاكسيل قطع غيارها موجودة في كل مكان.

- السويفت قطع غيارها متوفرة بس في اماكن معينة.


اسعار قطع الغيار:

- قطع غيار الاكسيل رخيصة جداً وموجود منها اصلي

وكوري وتايواني وماليزي وتركي و و و


- قطع غيار السويفت اغلى طبعاً من الاكسيل بفارق

ملحوظ.


صورة للسويفت:

http://static.howstuffworks.com/gif/...1021990101.jpg

وصورة للاكسيل:

http://static.howstuffworks.com/gif/...3011990111.jpg


واخيراً الصاج في العربيتين خفيف جداً.


اما لو المقارنة بين السويفت والاكسيل 1500 يبقى مفيش وجة

للمقارنة غير عمر الموتور فقط بالنسبة للسويفت اما كل الباقي

يصب في مصلحة الاكسيل.