مطلوب هيونداي كوبيه 2005-2006 (حالة متوسطة)

**egyptodentist** · 24-11-2012 09:14 PM

تحية طيبة للاعضاء الكرام.........
مطلوب هيونداي كوبيه موديل 2005-2006 بحالة متوسطة او سيئة ...
عداد عالي فوق ال150 اللف كيلو
حالة المكنة::::مش هتفرق متوسطة او سيئة
حالة الصاج:مش هتفرق خبطات جروح رشة بره
حالة الدواخل::::::سليمة وده شرط اساسي
حالة الصالون مش هتفرق
المهم العربية تكون دواخل سليمة والباقي مش مهم وطبعا السعر منخفض لانه المشتري ينوي شد العربية بالكامل موتور وعفشة وصالون
السعر:::30-35 اللف كحد اقصي...
معلش هوا طلب غريب شوية بس الراجل المشتري طلبه كده....ولكم جزيل الشكر

**eng.ghost** · 25-11-2012 01:56 AM

طلب غريب و اعلان جديد
عموما بالتوفيق

**eng.ghost** · 25-11-2012 01:57 AM

رأى دور على عربية عامله حادثة
و استغنى عن شرط الدواخل

**egyptodentist** · 25-11-2012 06:26 AM

المشاركة الأصلية كتبت بواسطة eng.ghost

طلب غريب و اعلان جديد
عموما بالتوفيق

المشاركة الأصلية كتبت بواسطة eng.ghost

رأى دور على عربية عامله حادثة
و استغنى عن شرط الدواخل

طيب علي العموم انا اشرح الوضع عشان نزيل الغموض ليا واحد قريبي وصاحبي ويعز عليا المهم نسيبه شغال في العربيات المتقطعة وارد امريكا المهم الراجل قريبي ده(صاحب الطلب الغريب) كان راكب هيونداي كوبيه ايجار في زفة فرحه وبرغم العربية ايجار عجبته جدا ومن ساعتها عايش في حلم راغب علامة والكوبية الحمرا والجو الرخيص ده واللي طالع عليه انه يبيع عربيته الانوس (ليسه زيرو 2011) ويكمل ويشتري الكوبيه وطبعا طلع الشعر علي لسان الناس اللي حوليه يهديك يرضيك الكوبيه دي اخرها تاجرها مرة او يكون عندك فيلا وتطلع بها انت والمدام يوم الاجازة لاكن لا حياة لمن تنادي وللعلم الراجل ده مهندس معماري وشغله في حتت مكسرة ومواقع بنا والكوبيه اخرها شهر معاه و برضو مفيش فايدة لحد ماتدخل الرجل نسيبه وجمعله عربية 2008 2.0 عاملة 1100 دولار وجمركها بعد ما تتقطع وتدخل علي انها قطع غيار توقف في الاخر في حدود 1000 جنيه بس طبعا قصة الورق والحوادث وتلحيم النصين مرفوضة لانها غير امنه وكمان الوحيد اللي بيجمع نصين في الحرافين بالارجون بياخد 10 الاف مقفولين زيها زي الm5 وفي الاخر ملحومة برضوه فكان الحل عربية محلي متهالكة يعني شاسية سليم بس ويفضي النصين فيها ...فياريت اللي عنده فكرة عن كوبيه كانت شغالة ايجار او مع شاب وخلص عليها يدلنا حتي برقمه واظن الطلب مبقاش غريب...
ولكم جزيل الشكر.....

**eng.ghost** · 26-11-2012 03:07 AM

بالتوفيق

**MaNoLa** · 27-11-2012 05:23 AM

والله دماغة كويسة أوى
بس أنت متأكد أن العربيه بالكامل بكل حاجة فيها بـ 1100 دولار بس ؟

دا على كدة فعلا لحد ما توصل مصر تبقى بـ 10 ألاف جنيه بس
و ممكن ناس كتيرة جدا تعمل المنظر دة و تمشى بنمر مضروبة جوة المحافظات !!!

أنا عارفة أن العربيات بتنزل من بره كروسليه كامل رخيصه جدا فى حدود 15 لحد 25 ألف جنيه
لكن 10 ألاف دى كانت مفاجئة

**egyptodentist** · 28-11-2012 01:32 AM

المشاركة الأصلية كتبت بواسطة manola

والله دماغة كويسة أوى
بس أنت متأكد أن العربيه بالكامل بكل حاجة فيها بـ 1100 دولار بس ؟

دا على كدة فعلا لحد ما توصل مصر تبقى بـ 10 ألاف جنيه بس
و ممكن ناس كتيرة جدا تعمل المنظر دة و تمشى بنمر مضروبة جوة المحافظات !!!

أنا عارفة أن العربيات بتنزل من بره كروسليه كامل رخيصه جدا فى حدود 15 لحد 25 ألف جنيه
لكن 10 ألاف دى كانت مفاجئة

طيب يا باشا المشكلة في اللحام لاقدر الله حادثة بخ السواق و العربية ولحام الارجون 10000 يعني كتير بالنسبة اهيونداي....بالنسبة لل1100 دولار دا حقيقي وعلي كذا موقع امريكي والشحن الراجل ده زي ماقلت نسيبه هو الليبيروح يقطع و يجيب يعني هيرميها في اي كونتينار و طبعا من عايز منه مكسب لكن او هتجيب من مصريبقيزي ما انت قولت 15-25

**eng.ghost** · 28-11-2012 02:08 AM

سيبك من قصة لحام أو عدم لحام
المشكلة هتبقى فى الورق فى المرور و ترخيص العربية
هتعملها إزاى؟؟؟

**MaNoLa** · 28-11-2012 06:43 AM

المشاركة الأصلية كتبت بواسطة egyptodentist

طيب يا باشا المشكلة في اللحام لاقدر الله حادثة بخ السواق و العربية ولحام الارجون 10000 يعني كتير بالنسبة اهيونداي....بالنسبة لل1100 دولار دا حقيقي وعلي كذا موقع امريكي والشحن الراجل ده زي ماقلت نسيبه هو الليبيروح يقطع و يجيب يعني هيرميها في اي كونتينار و طبعا من عايز منه مكسب لكن او هتجيب من مصريبقيزي ما انت قولت 15-25

بص عايزة أوضحلك كام نقطة بس
هتلحم دة لو جايب العربيه توتال لوس و الشاسية متدمر بس النمر واضحه فيه و بكدة هتقص النمر و تلحمها بس شاسية متقطع على ما أظن
عشان كدة أبعد عن الخطوة دى تماما

أهم حاجة فى العربيه إلى ناوى تشتريها أن يكون الشاسية بتاعها 10 / 10
يعنى بمعنى أصح مش معووج ولا مشروخ ولا أى حاجة خاااااالص
لكن المشاكل كلها فى باقى العربيه

و فى الأخر خالص هتشيل كل حاجة من العربيه و هتجيب النصين و السقف و هتشوف أنت محتاج منهم أية بالظبط حتى لو لحمت النصين و السقف و الشاسية يعتبر الخطورة أقل من شاسية معووج أو فيه مشاكل أو ملحوم و يا رب أكون قدرت أوصلك الفكرة بس لانى مش عارفة أشرح

بس خلى بالك مهما أن كان
العربيه دى كوبيه , يعنى بمعنى أصح إلى راكبها بيحس إنها رياضية وبالتالى سرعتة و حركاتة بتكون معتمدة على الأسلوب الرياضى , و دة أكبر غلط حتى لو العربيه فابريكة ما بالك بعربيه كروسليه

المشاركة الأصلية كتبت بواسطة eng.ghost

سيبك من قصة لحام أو عدم لحام
المشكلة هتبقى فى الورق فى المرور و ترخيص العربية
هتعملها إزاى؟؟؟

كله قانونى , تركيب الكروسليه بالكامل على شاسية واحد بأرقامه بدون أى تعديل فى الشاسية أو الأرقام زيه زى تركيب فانوس أو مرايا !! لكن إلى مش قانونى لما بيحصل طمس لأرقام الشاسية أو كسر فى مكان الأرقام