للناس اللى بيحبوا المشويات وتكون لذيذة نظيفة وبسعر رخيص
لما لقيت فى الفترة الأخيرة معظم الكبابجية بقى مستواهم سئ جدا فكرت فى فكرة جميلة جدا ...
وهى اننى اشتريت لحمة مفرومة جملى من الجزار بلدى وطازة ب 48 جنيه الكيلو وحطيت عليها ملح وفلفل فقط لا غير ولو حبيت تضيفلها قطعة من لية الخروف حيبقى ممتاز ووديتها لكبابجى يسويهالى وأخد 6 جنيه لتسوية الكيلو
تبقى كل التكلفة حوالى 55 جنيه وأكلت أحسن وأطعم كفتة بدل 120 جنيه للكيلو وفى أرخص الأماكن ب 80 جنيه
ونفس الفكرة للفراخ والكباب
الفرخة ب 20 جنيه تقريبا وتبلها يومين بتتبيلة محترمة وتسوية 5 جنيه = 25 جنيه بدلا من 40-50 جنيه لفرخة ملهاش طعم ولا ريحة
اشترى كذلك اللحم البتلو الريش فى حدود 50-60 جنيه وحطوها فى التتبيلة والتسوية ب 7 جنيه = 65 تقريبا للكيلو بدلا من 130 جنيه للكيلو كمتوسط لسعره برة فى المطاعم
وبألف هنا وشفا وأسألكم الدعاء