الموضوع: بلح في بلح

زيك بالظبط تقدير جيد واخدت برمجة سي بلص وكل مااقدم في حاجه يتقلي هنتصل بييك وعندي 24 سنة مكملتش في شغل اكتر من شهر وكان اغلبه مكاتب محاسبة وعقارات لف علي الفاضي وتصرف من معاك ومفيش اي استفادة سواء مادية او خبره ,,ومفيش واسطه ومحدش بينفع من القرايب او المعارف,,, وبفكر اروح شرم الشيخ اشتغل اي حاجه بس شكلها مفيهاش فايدة برضه .

المشاركة الأصلية كتبت بواسطة blazer

كل الى هقولهولك انك تثق فى الله وتقرب لربنا اكتر والتزم بالصلاه
وكن على أشد اليقين والثقه بان الرزق بيد الله ومن عند الله وانك طالما سبت شغل " شرم الشيخ " عشان الذنوب والمعاصى الى ممكن تعملها بسبب تواجدك هناك ربنا اكيد هيرزقك

باذن الله واللهي انا يوميا بدعي ربنا يرزقني بالحلال وانا واللهي املي في ربنا كبير

المشاركة الأصلية كتبت بواسطة م/مصطفى محمود

ياريت تبحث على جروب maaan 2007 على الياهو وتشترك علية ، وممكن تدخل على الموقع بتاعهم ، بس الجروب أفضل

فى حاجات مفيدة للناس عموما ولتجارة خصوصا ، وبيعملوا لقاء كل أسبوع يوم الجمعه ، ممكن تشوفهم

هدور علي الجروب دا وربنا يصلح الاحوال

المشاركة الأصلية كتبت بواسطة egyptiandiver

السلام عليكم جميعاً،
يا أستاذ متولي ربنا سبحانه و تعالى لا يضيع أجر من أحسن عملا سواء مسلم أو غير مسلم و الارزاق بيد الله فقط لا غير، كل إلي علينا اننا نجري ورى الاسباب على قد ما نقر و بإخلاص و نقول يا رب و كلو بعد كدة يزبط إن شاء الله مفيش أي حد فينا هيحصل إلى النصيب إلي المولى عز وجل كتب ليه بس ده مش مبرر أبداً إن الانسان زي ما بنقول يقضيها و يعرضها.... و يقول ما هي بلد إلي حالو يمشي فيها لزم يكون لص يعني لا سمح الله و لو افترضنا ذلك هاكون يا سيدي نص حرامي و النص التاني كويس... خليك إنت مع النص الكويس! شوف الناس البسيطة إلي اغتنت بالحلال و قلد إلي تقدر عليه منهم و لازم الاستغفار و الصلاة بس يا سيدي ابقى اعرفنا بعد ما تعدي الفلنكات! أنا خريج تجارة و سني 38 الحمد لله و تقريباً مشتغلتش في مجالي إلي هو التجارة إلى في هذه السنة اشتغلت قبل كدة تور ليدر في شرم الشيخ انجلس و إيطالي و اشتغلت في الشحن و الادارة و حتى التدريس! ربنا يعملك الصالح أخوك الحج أحمد سامي

وعليكم السلام ورحمة الله وبركاته
انا مش بدور علي الغني احنا الحمد لله ربنا غنينا بس انا مش بحب اخد فلوس من ولدي ولو حضرتك مستغرب من التدريس انا معروض عليه مدرس في مدرسة خاصه بس براتب ضعيف جدا وهدي دروس "ودا الي مخليني متردد"

المشاركة الأصلية كتبت بواسطة fiat128man

زيك بالظبط تقدير جيد واخدت برمجة سي بلص وكل مااقدم في حاجه يتقلي هنتصل بييك وعندي 24 سنة مكملتش في شغل اكتر من شهر وكان اغلبه مكاتب محاسبة وعقارات لف علي الفاضي وتصرف من معاك ومفيش اي استفادة سواء مادية او خبره ,,ومفيش واسطه ومحدش بينفع من القرايب او المعارف,,, وبفكر اروح شرم الشيخ اشتغل اي حاجه بس شكلها مفيهاش فايدة برضه .

بلاش شرم فلوسها كتير بس مش هتعمل لنفسك حاجه هتلاقي الفلوس بتتصرف علي الفاضي

التفكير في الماضي اول اسباب الفشل !

عشان مش مركز في حاجة واحدة وبتهرب مع اول مطب يقابلك

ليه سبت البرمجة طالما كانت هوايتك وكنت شاطر فيها ، اه الشغل وقف في فترة او الحال ضاق في فترة ، بس لو الانسان فضل يعمل كدة في كل حياته مش هيستقر في حاجة ابدا ، لان مفيش اي حاجة بدون متاعب وبدون معوقات
ومتعة الحياة هى التغلب على المعوقات دى

حضرتك كنت شغال برمجة ايه ؟، انا مهندس حاسبات على فكرة وشغال Web Developer