عرض للطباعة
السلام عليكم ..زى ماهو باين من العنوان كدة انا احترت واحتار دليلى معايا 65 الف ودا اخر مبلغ ممكن ادبره وعايز اجيب عربية اوتوماتيك لانى لسة متعلم سواقة جديد فمش عايز حاجة تتعبنى ومعايا اسرتى وعايز حاجة تستحمل كذا واحد يركب فيها انا مش من هواة الجرى الجنونى والسرعات العالية عايز حاجة امان ومتينة واهم حاجة قطع غيارها وتصليحها واعادة بيعها يكونوا كويسين انا احترت بين الفيرنا ودى شيلتها من حساباتى شوية واوبترا و استرا وماتريكس ايه احسن حاجة وسعرها كام بالظبط دلوقتى ولو فى خيارات تانية ايه هى وشكرا .
ايه يا رجالة سؤالى مش صعب للدرجة
ميجان 2005-2007 بس يكون صاحبها بيصين في التوكيل فقط لا غير وتكمل صياناتك في التوكيل
لانوس او نوبيرا اوتو ودول سعرهم ما بين 40-50 حسب الحاله
لانسر بس مش قادر احدد الموديل بالظبط
الكورولا الشكل اللي قبل الجديد ممتازه بس اسمع ان اسعارها التهبت الفتره دي بسبب الموديلات اللي ملاقتش انتشار حديثا
بروتون بيرسونا
وفيه اختارات تانيه كتير اوي
المبلغ اللي معاك مش شويه ويركبك فعلا عربيه كويسه
انت حيرتنى يا استاذ شنورى انا بصراحة ناس خوفونى من الميجان وناس بتشتريها وتبيعها وتخسر فيها كتيييير عشان صيانتها وقطع غيارها صعبين اوى ايه راى حضرتك فى الاوبترا او الاسترا انهى احسن فى الاوتوماتيك وسعرهم كام
ماهو حضرتك تجيبها استعمال من الناس اللي بايعين بخساره دول هههههههههههههاقتباس:
المشاركة الأصلية كتبت بواسطة abdelrahmaaan
محدش بيشتكي غير اللي عربيته فها عيوب
انما الميجان ماشيه ومغرقه الشوارع وزي الفل اهيه
الاوبترا صعب تلاقي حاله كويسه بالسعر ده لانها اتفحتت ايجار
وبرضه تقدر تعمل موضوع او تدور في المواضيع بالاقسام المختصه بالموديلات الي حضرتك عاوز تستفسر عن اي حاجه فيها
وعاوز اقولك ان الناس بتفتي وتخوف اي حد وخلاص وعاملين ابو العريف
والله لو جيبت مرسيدس زيرو حيقولولك دي فيها وفيها وحيعقدوك من قطع غيارها
توكل علي الله وشوف حتستقر علي انهي موديلات واسال عنهم في اقسام المنتدي
هههههههههههه انا كدة برضو معرفتش انا هشترى ايه
من راي خليك فالخيار الوسط
وهات ماتركس وشرط حالة نظيفة ده اهم شئ
ومفيش افضل من الوسط
مجرد راي فقط ..
جين 2 او بيرسونا 2008 2009 حتعمل حوالى 60 كمله اتوماتيك حاجه ممتازه
نيسان صني Ex Saloon .. موديل 2007.
هيونداي جيتز
يانهار يا جدعان انتو توهتونى اكتر ودخلتوا فى حساباتى حاجات جديدة منكم لله ههههههههههههههههههههههههه هههههههه
الاسترا اكيد هتلاقي فيها الي مش هتلاقيه في الماتريكس او الاوبترا لو انت قصدك علي موديل 2004 او 2005 سعرها هيلعب في اواخر الخمسين واحسن من الماتريكس والاوبترا وملهاش مشاكل ولا حراره ولا اي حاجه من الحاجات دي توكل علي الله واكشف في التوكيل قبل ما تشتري
استاذ ميدو هل الاسترا فى صيانتها وقطع غيارها مقرفة ولا عادى؟؟؟
لا مش مقرفه ولا حاجه بالعكس بس حد يشتغل فيها يكون شغال في الالماني وهقولك علي معلومه بردو واحد صاحبي معاه هيونداي اكسنت كل تلت شهور بيروح يظبط زوايا انا بقالي سنه ونص مروحتش لما روحت معاه عجله واحده عندي بس هي الي كانت محتاجه ظبط اقصد اقولك انها مش بتحتاج صيانه دوريه زي الكوري
طيب يا ميدو باشا ايه امكانيات الاوتوماتيك منها يعنى مثبت سرعة فرامل ايه بى اس الحاجات دى ممكن تقوللى على امكنياتها و ثباتها وقوة صاجها
معلش وسعر المستعمل منها اوتوماتيك موديل 2005 او 2006 يعمل كام
الحاله النضيفه هتعمل من 55 لحد 65 اتنين اير باج عمدان فلاذ في الباب اي بي اس لينسيز في الفوانيس وبتتحكم فيها طبعا اوفر درايف في الفتيس وزرار عشان العربيه متتزحلقش في المطر وحدات رفع وسنتر لوك وديد لوك واتنين ريموت في المفتاح الاصلي والاسبير والثبات طبعا حلو جدا بمشي بيها 180 بس في طرق معينه شبوره ورا وقدام كان معايا بيجو 504 الصاج بتاع الاوبل اجمد منها اتوبيس خبطني في الرافرف الي قدام الرفرف اطبق لجو كنت هعملو بايدي بس الكارتيره منعت هي دا تقريبا الي فيها
ربنا يسهل انت حببتنى فيها يا ميدو باشا وانا نويت عليها باذن الله لانى بصراحة بخاف من الكورى مفيهوش اى وسائل امان وغالى عالفاضى
استفاد من جهل السوق بتاعنا بالعربيات وهي سعرها مش هينزل دا اخرو
ربنا يعترنى فى حاجة حلوة
هات رينو لوجان اتوماتيك
ب 79 ، ادفع ال ٦٥ وقسط الباقى على سنة
لو عايز تركب و تستمتع هات واحدة من دول
رينو ميجان 2 ، بيجو 307 ، ستروين c4 ، اوبل استرا
عايز تركب و تريح دماغك و تلاقى قطع الغيار فى كل حتة
شوف فى الكورى
و متنساش ان اى حاجة كل ما تبقى اعلى كل ما هتحتاج مصاريف اعلى ديه حاجة طبيعية
لو هاتجيب مستعمل خليك في الكوري والياباني مبدئيا علشان مجيبش حاجة الماني او فرنسي ويطلع عينك سواء في الصيانة ولا قطع الغيار
الكوري قدامك كتير اوبترا - النترا الشكل القديم - سيراتو القديم
الياباني صني - لانسر -كرورلا
ومتنساش الاستخارة .....
طيب ايه نظامها من حيث الكفاءة والتصليح وقطع الغيار لانى بخاف من الفرنساوىاقتباس:
المشاركة الأصلية كتبت بواسطة محمد عز
والله انا محتار جدا وفكرت فى الاوبترا وهى ان شاء الله من اقرب الاختيارات وربنا يهدينى للى فيه الخيراقتباس:
المشاركة الأصلية كتبت بواسطة sonasteel
انا خايف جدا من الفرنساوى ناس كتير قوى بتقوللى هتدوخ معاه او مع الاوبل الالمانىاقتباس:
المشاركة الأصلية كتبت بواسطة mohab.nabil
ايه رايكم فى الفيرنا اوتوماتيك وتعمل كام لو موديل 2006 او 2007
ماتنساش تدخل في الاختيارات الفورد فوكاس...و ياريت بعد ما تستقر ان شاء الله تطمنا
الفورد فوكس مش منتشرة وانا خايف من كدة انا عايز بس معلومات عن سعر فيرنا اوتوماتيك 2006 او 2007
من 55 ألف ممكن تجيب حاجه كويسه.اقتباس:
المشاركة الأصلية كتبت بواسطة abdelrahmaaan
خليك في الالنترا 2006 :2007 عربيه جميله جدا
مش بتتباع كتير الالنترا وكمان انا ميال للفيرنا اكتر
النترا الشكل القديم 2005-2006 ممتازة
بصراحة بالمبلغ اللي معاك احسن حاجة النترا 2006 عربية كويسة و موتور كويس و ثبات احسن طبعا من الفيرنا بكتير
اسمع كلام الراجل ياباشا وخليك في الالنترا نصيحة واحد لف السوق كله واتبهدل واتمرمرط مش هتلاقي احسن من العربية دي هيونداي النترا موديل 2006 والي بعدها صدقني عربية موفرة في بنزين وقطع غيار وهيا كانت اختيار بينها وبين المكوة والكل اشاد بلهيونداي النترا صدقني واسمع نصيحتي خليك في الالنترا بس المشكله في الحاللللللله الحاله ثم الحاله ثم الحاله دي اكبر مششششكله انك تلاقي حاله نضيفة بس
فعلا مستحيل تلاقى حد بيفرط فى النترا 2006 نظيفه الا لو ضارب سعر فى السما