يوم الخميس كان عندي مشوار الساعة 10 بليل في شارع طومانباي في الزيتون و رحت ركنت في حتة قريبة من المكان ده و المصيبة اني ركنت جنب نقطة شرطة عسكرية بحوالي 10 متر و فاكر الدنيا امان .. رجعت بعدها بساعتين لقيت العربية طارت ... العربية اكسيل 1500 موديل 98 و للاسف كنت ناوي ابيعها في خلال الكام يوم الجايين عشان محتاج فلوسها .. الحمدلله على كل حال و ده قضاء ربنا لا اعتراض عليه .. ياريت يا جماعة كله ياخد باله اليومين دول .. البلد لسه فيها قلق و الحرامية كل يوم بيزيدو مش بيقلو .. و الواحد والله لما كان بيرجع يلاقي عربيته سليمه كان بيشكر ربنا و يبوس ايده وش و ضهر .. اللهم رد الي ضالتي .... و حسبي الله و نعم الوكيل