يا ريت يا جماعة انا عندى لمبة الانتظار لانسر بومة اتحرقت ياريت لو اى حد يعرف اجيبها منين وهل هى سهلة فى تركيبها
عرض للطباعة
يا ريت يا جماعة انا عندى لمبة الانتظار لانسر بومة اتحرقت ياريت لو اى حد يعرف اجيبها منين وهل هى سهلة فى تركيبها
انهى لمبه؟
لمبه إللى فى التابلوه - لوحه العدادات
ولا الفوانيس
ولا قصدك بتاعت زرار الإنتظار
بتاعة زرار الانتظار ولك جزيل الشكر
متابع
انا غيرتها عند المتخصصون الموجود في الاميرية وهى بتباع جديدة و ب 30 جنية و بيفك وش الفيبرة الرمادى و بيخلع الكاسيت و يطلع المتاح و يغيرها
اللمبه ديه عندى محروقه من سنتين و مش عارف اخوشلها منين
بس هل فيه حد غيرها عند كهربائى عادى واعتقد ان الكاسيت مالوش علاقة بالزرار
المتخصصون في السواح و علشان تغير اللمبة بيفك الكاسيت علشان يوصل للزرار بس هى مش قصة كبيرة يعنى كلها 3 دقائق
السلام عليكم ورحمة الله وبركاته
اخى العزيز تغيير اللمبه سهل وهاشرحلك ازاى تغيرها
بالنسبه للمبه بتتباع فى الحرفيين لانها بقاعده زى لمبات العدادات
فك البرواز بتاع العدادات الاسود فقط
فك الوش المتركب عليه مفاتيح التكييف والكاسيت
فيه مسمارين اعلى الكاسيت هما دول الى مثبتين الفبره الموجود فيها زرار الانتظار
فك الفبره بحرص لان لها حواف شبه الكلبس
بص اسفل المفتاح من الداخل هاتلاقى قاعدة اللمبه وفكها بمفك عادى نصف لفه هاتلقيها طلعت معاك
لو ملقيتش اللمبه فى الحرفيين تعمل ايه؟
تنزل عند اى حد بتاع الكترونيات وكاسيتات واشترى من عنده لمبه تسجيل سياره هاتلقيها ب 75 قرش
وتجيب اللمبه المحروقه وتجيب دبوس ابره وتفك اللمبه القديمه من القاعده وتركب اللمبه الجديده مكنها
وترجع كل حاجه زى ما كانت والموضوع عن تجربه فى عربيتى وعربيت زميلى وشكراااااااااااااااا