السلام عليكم
فى العمارة اللى انا ساكن فيها يوجد شقة فى الدور الارضى العلوى سعر المتر فيها 5.500 الف جنيه يبقى فى الدور الخامس بعد الارضى المفروض سعر المتر يقل كام مع العلم ان العمارة بدون اسانسير بس سلمها واسع ومريح ...
عرض للطباعة
السلام عليكم
فى العمارة اللى انا ساكن فيها يوجد شقة فى الدور الارضى العلوى سعر المتر فيها 5.500 الف جنيه يبقى فى الدور الخامس بعد الارضى المفروض سعر المتر يقل كام مع العلم ان العمارة بدون اسانسير بس سلمها واسع ومريح ...
فى انهى منطقه ده ياباشا اولا؟!
ثانيا الخامس ده الاخير ولا فى فوقيه كمان
عموما لو قل مش هيقل كتير لان انت بتقول سعر ارضى علوى وبيقى متقاربين لو كان الاخير الخامس
خامس و من غير اسانسير هيقل كتير
ممكن يقل الف او الف ونص
عموما السوق دلوقتي واقع
مش هيزيد عن ٥٠٠٠
الاول هى كام متر؟ لانها لو مثلا 300 متر ممكن يتجبلها اسانسير ب 60 الف جنيه ويتعزل السطح عزل محترم ب 20 الف جنيه مثلا وبكده متنزلش من سعر المتر الا300 جنيه اللى هما تمن الاسانسير والعزل
لكن لو شقة 100 متر التحميل على تمن المتر هيكون اكبر
فى حاجه تانى لو الشقة بتاعة الدور الارضى بتشتغل تجارى او ادارى يبقى تمن الشقة عندك احتمال يختلف خالص
الشفة مساحتها 105 م صافى .. بالنسبه اللى فى الارضى العلوى هى كانت شقة سكنيه وصاحبتها اجروها لشركة كمبيوتر وحاليا عاوزين يبعوها المتر ب 5.500 الف جنيه انا ساكن فى الخامس بعد الارضى وسالت سمسار قالى شقتك تجيب 350 الف جنيه تقريبا فانا عاوز اقيس شقتى بالنسبه للارضى تجيب كام لو فكرت ابيعها والف شكر لحضرتكم الكرام