سيادتك انا بتكلم علي الموضوع بشكل عام و مجيبتش سيرة حضرتك باي حاجة غلط لاني و الحمد لله مش بغلط في حد لكن اللي بقوله بوضحلك وجهة نظري فقط لا غير و هي تحتمل الصواب او الخطأ و بعدين انا مش هركب حد عربية بالعافية و عموما اسف يا سيدي لو ديه طريقة الكلام
عرض للطباعة
أنا برضه بتكلم بشكل عام
وبوضح بس إن نقاشي ليس دعوة لهذا الأمر
ولكنه نقاش للمحافظة على حق المعاق في منحة تخفيض الجمارك
ومش قصدي أحجر على رأي حد
أنا سعيد بهذا النقاش
السلام عليكم ( أنا صاحب الموضوع )
ومبسوط جداً بكلامكم وارائكم لكن فى بعض النقاط احب اوضحها
أولا الحكومة مش عاملة موضوع تخفيض الجمارك للسيارات للمعوق , ليس كمساعدة مادية كما قال الاخ الفاضل , وانما هى لمساعدة المعوق على الحركة مثله مثل الشخص العادى , وفى حالة عدم مقدرة المعوق على شراء السيارة , ويقوم ببيع الجواب , فأصبح الموضوع تجارة .
فالاصل فى الموضوع هى مساعدة المعوق على الحركة والتنقل بدون ان متاعب أو معوقات , وليس للتجارة والمكسب والبيزنس .
فهذا رأيي , وعن نفسى أنا علشان أشترى عربية , عملت جمعية , واستلفت , وبعت حاجات تخصنى من شقتى , علشان أشترى العربية . والله وحده هو اللى يعلم انا عملت أية
يعنى عاوز أقولكم حتى لو مش قادر ممكن تصرف , ولو مش قادر خلاص متجبهاش .
هوا كده
علشان احنا ممكن نموت لو مخدناش حق غيرنا
والدليل تصرات الناس في:
الطوابير والمرور والواسطه
ده كله بسبب قيمة الجمارك على السيارات المبالغ فيها وعدم وجود سيارة وطنية فى رينج 40000 جنيه بمعايير السيارات الحديثة
أنتوا بتتكلموا فى الأعراض وسيبين المرض الأساسى
انا ما بقلش أن الشخص المعوق مش محتاج مساعدة , بالعكس , بس انا مش بحب أقول عليها مساعدة أن من رأيي أن دى حق , وحق مكتسب بمعنى
أن المعوق لازم يكون له الاولية فى حاجات كتيير : مثلاً :
- الحكومة مخصصة كراسى فى جميع المواصلات لذوى الاحتياجات الخاصة , وساعات كتيير أركب المترو , واروع الى المقاعد الخاصة بى , واقف أمام من يجلس على الكرسى ( شاب ) , مع العلم أنه يرانى لكنه لا يقف لى , ويتجاهلنى , ولكن كبريائى يمنعنى أن أطلب حقى . ولازم حد يقوله بعد أذنك قعد الاستاذ علشان رجله بتوجعه , ( ويشحتوا عليا فى المترو )
- الطوابير : مينفعش توقف حد معوق فى طابور , ولازم من نفسك تعتبر المعوق حتى لو جاى الاخير يبقى هو رقم 1 , وتسيبه يقف قدامك , مش اللى قدامك يخلص , وانت تروح لازق فى ظهر اللى قدامك علشان ميدخلش قدامك وتقول اللى ورايا يبقى يدخله .
- والباقى انت بقى وزوقك يعنى لو واحد معوق مثلاً راكب فيسبا أو عربية مجهزة , وعن طريق الخطأ خبط فيك , مش لازم تحسبه حساب الملاكين , ياريت يبقى عندك إحساس بظروفه وتعرف أنه أكيد مش هقولك مش قصده , لكن غصب عنه .
موقف : أنا مرة كنت راكب الفيسبا ( مجهزة ) وماشى فى حالى , لاقيت واحد بتاع توك توك ماسك الفيسبا من ورا وبيقولى انت خبطتنى , قولتله والله ملمستك ولا جيت جنبك , قالى لا أنت خبطنى قولته على العموم أن أسف , مخدش بالى , راح مسكنى من هدومى وقالى مش هسيبك , وراح ضربنى فى صدرى , كل دة وانا راكب الفيسبا , ومع أنه شايف ان الفيسبا مجهزة , يعنى اللى راكبها أكيد مش طيار , أكيد شخص معوق , ولاقيت الناس اتلمت عليا , وبيتحيله على الراجل بتاع التوك توك يسبينى , مدرش بنفسى إلا وأنا ماسك العكاز بتاعى , وماسك الراجل بتاع التوك توك من رقبته وكنت هضربه بالعكاز على راسه لولا الناس سلكونا من بعض , ولاقيت الراجل بتاع التوك , لما لاقنى اتنرفزت والشر بقى جوايا , ولاقيت نفسى نزلت من على الفيسبا وماسك فيه , لاقيته بيقولى خلاص والله خلاص .. خلاص , الناس فاكرة ان المعوق شخص ضعيف وممكن يداس عليه .
ابو يوسف
انا معاك قلبا و قالبا انا بيحصل كده معايا تمللي حتي لو حد خبطني بمشي بمبدأ الفو عند المقدرة بس تعالي انت ريح علي حد مش اخبطه ( يا لهوي علي اللي هيحصلك مع انه شايفك ) و موضوع الطوابير ده مثلا انا من اسكندرية و اول امبارح كنت بجدد رخصي ولولا مراتي كانت معايا الله يباركلها يا رب كان زماني تهت كل مشوار من مبني للتاني مش اقل من 1 كيلومتر علي الاقل هي اللي كانت بتعمله مش انا ليه مايعملوش حاجتنا كلها في حتة واحدة و يريحونا و يريحوا ذوينا
انت تعرف انا برة ( فى البلاد التانية ) بيعملوا حساب المعاقين فى كل حاجة فى الشوارع , والارصفة , والمبانى و يعنى مثلاً فى الارصفة بيعملو زى مطلع لذوى الاحتياجات الخاصة , وهكذا فى كل شى
ولو روحت مثلاً تخلص حاجة ليك فى اى مصلحة تلاقة شبالك مخصص لينا مش هنا , تبقى هتبوس ايدهم علشان يخلصولك حاجتك بعد طبعاً , متحكلهم قصة حياتك وتقولهم انك عندك شلل أطفال ومتقدرش تقف .............الخ