عرض للطباعة
السلام عليكم ورحمة الله وبركاته
الحمد لله اخويا جاب كارينز 2013 وكيل بس المعرض اداه مفتاح واحد بس وقاله المفتاح التاني تاخده لما ترخص وتجيبلنا صورة الرخصه هوا خلاص رخص النهارده وربنا يسهل يروح يجيب المفتاح التاني بس انا عاوز اسال هو الموضوع ده طبيعي يعني وهوا ده اللي بيحصل ولا ايه.
وشكرا
لو جايبها قسط فى معارض بتعمل كده لو كاش يبقى مش من حق المعرض
لا طبعا انا اخدت المفتاحين وانا ماشي هوا مالوش دعوه بالرخصه
تقسيط ولا كاش انا اول مرة اسمع كده
الكلام ده مريب
خلي بالك ليكون في حوار بيتعمل عليكوا
إيه الحركات السخيفة دى ؟؟ كدا ممكن العربية تتسرق يا جماعة
لا طبعا حتى ولو قسط
خلى بالك
وربنا يسترها معاكوا
شامم ريحة حاجة مش مظبوطة ... ربنا يستر!!!
بالراحة بس ياجماعة علشان الراجل ميتخضش
فى بعض المعارض بتعمل كده فعلا لو العربية قسط علشان مش هيقدر
ياخد فلوسه من البنك غير بصورة الرخصة والاغلب بيكون كتيب الضمان
واكيد اخوك صمم ياخد ورق العربية كله وطلب انه هو اللى يرخص
لان الطبيعى حاليا لو العربية قسط لاازم يبعت معاك مندوب يرخصلك
علشان ياخد صورة الرخصة ......
ملحوظة : المفتاحين كانو مع المعرض اصلا يعنى لو عاوز يطلع نسخة
مش محتاج يخلى معاه نسخة من المفاتيح بعد ما يبعها
+1اقتباس:
المشاركة الأصلية كتبت بواسطة ابو ليلى
كلام منطقى جدا من العميد
متشكر لكل اللي ردو طبعا وبشكر حضرتك لاني فعلا اتخضيت جدا وقلقت ومسكت الموبايل عشان اصحي اخويا بس حضرتك كلامك منطقي جدا بس العربيه كاش مش قسط ممكن يكون نسي يجيبه لاني رحت اخدت العربيه ودفت فلوسها وقتي كده ومكنتش واقفه عنده وجبهالي .. مش عارف بس هما ناس محترمين وانا بس حبيت اتاكد ان ده ممكن يحصل ولا لا وكتر الف خيركو.اقتباس:
المشاركة الأصلية كتبت بواسطة ابو ليلى
انت عميد فعلااقتباس:
المشاركة الأصلية كتبت بواسطة ابو ليلى
لان انا شغال فى الطارق مول العرب واحنا بنعمل كدا فعلا فى حالة التقسيط
بندى نسخة مفتاح واحد وبنبعت مندوب مع صاحب العربية عشان يرخص وياخد صورة الرخصة
وفيه بنوك زى بنك ناصر لازم يطلع على اصل الرخصه ففى الحالة دى بندى للعميل صورة من الرخصه مختومه من المعرض يمشى بيها لمدة يوم ونبعت مندوب يطابق اصل الرخصه فى البنك ونخلى العميل يجى يستلم اصل رخصته ونسخة المفتاح التانى تانى يوم والموضوع بيخلص على كدا
واى استفسار انا تحت امركم ياجماعه ومتتخضوش
طب انا عندى استفسار لسه الكارينز الهاى لاين مش موجودة فى التوكيل ولا فى المعارض انا حاجز بقالى 3 شهور تقريبا من التوكيل ولسه مستلمتش !!!!!!!!!!اقتباس:
المشاركة الأصلية كتبت بواسطة memo823000
ايوه عادى مدام جايبها بالتقسيط من بنك
حضرتك بتقول ان العربيه كاش طيب ليه خد منك نسخة المفتاح التانيه اية السبب